ആർ ആർ ആർ പത്തു ദിവസത്തെ കളക്ഷൻ റിപ്പോർട്ട് എത്തി; തെലുങ്കിലെ പുതിയ ഇന്ഡസ്ട്രി ഹിറ്റ്..!

ഇന്ത്യൻ സിനിമയിലെ ബ്രഹ്മാണ്ഡ ചിത്രങ്ങളായ ബാഹുബലി സീരിസിന് ശേഷം എസ് എസ് രാജമൗലി ഒരുക്കിയ ആർ ആർ ആർ ഇപ്പോൾ ചരിത്ര വിജയമാണ് നേടിക്കൊണ്ടിരിക്കുന്നതു. ഈ ചിത്രത്തിന്റെ പത്തു ദിവസത്തെ കളക്ഷൻ റിപ്പോർട്ട് ഇന്ത്യൻ സിനിമയെ തന്നെ ഞെട്ടിച്ചിരിക്കുകയാണ്. പത്തു ദിവസം കൊണ്ട് ആർ ആർ ആർ നേടിയ ആഗോള ഗ്രോസ് 820 കോടിക്ക് മുകളിൽ ആണ്. അധികം വൈകാതെ തന്നെ ആയിരം കോടി മാർക്കിൽ ഈ ചിത്രം എത്തിച്ചേരും. ഇന്ത്യൻ സിനിമയിലെ ഏറ്റവും വലിയ ഹിറ്റ് ആമിർ ഖാൻ നായകനായ ദങ്കൽ ആണ്. രണ്ടായിരം കോടിക്ക് മുകളിൽ ആണ് ഈ ചിത്രത്തിന്റെ ആഗോള ഗ്രോസ്. 1700 കോടിക്ക് മുകളിൽ നേടിയ ബാഹുബലി 2 ആണ് രണ്ടാമത് നിൽക്കുന്നത്. ആർ ആർ ആർ അതിന്റെ ഫൈനൽ കളക്ഷൻ ആയി ഈ റേഞ്ചിൽ എത്തുമോ എന്നതാണ് ആരാധകരും ഇന്ത്യൻ സിനിമ ലോകവും ഉറ്റു നോക്കുന്നത്.

ആന്ധ്ര/ തെലുങ്കാന സംസ്ഥാനത്തു ഇപ്പോൾ തന്നെ ആർ ആർ ആർ പുതിയ ഇൻഡസ്ടറി ഹിറ്റായി മാറിക്കഴിഞ്ഞു. ആദ്യ പത്തു ദിവസം കൊണ്ട് 213 കോടിയാണ് ആർ ആർ ആർ അവിടെ നിന്ന് മാത്രം നേടിയ ഷെയർ. ബാഹുബലി 2 നെ ആണ് ആന്ധ്രയിൽ ഈ ചിത്രം മറികടന്നത്. കേരളത്തിൽ നിന്ന് ഇരുപതു കോടി ഗ്രോസ് മറികടന്ന ആർ ആർ ആർ, അമേരിക്കയിൽ നിന്ന് മാത്രം 12 മില്യൺ ഡോളർ ആണ് കളക്ഷൻ ആയി നേടിയത്. ചിത്രത്തിന്റെ ഹിന്ദി വേർഷൻ മാത്രം ഇതിനോടകം 175 കോടി മറികടന്നു കഴിഞ്ഞു. മലയാളം, തമിഴ്, ഹിന്ദി, കന്നഡ, തെലുങ്ക് ഭാഷകളിൽ റിലീസ് ചെയ്ത ഈ ചിത്രത്തിൽ . ജൂനിയർ എൻ ടി ആർ, റാം ചരൻ എന്നിവരാണ് നായകന്മാരായി എത്തിയിരിക്കുന്നത്.