Record Advance Booking For Odiyan In Gulf Countries
ഗൾഫ് രാജ്യങ്ങളിൽ ആദ്യമായാണ് ഒരു മലയാള ചിത്രത്തിന്റെ അഡ്വാൻസ് ബുക്കിംഗ് ചിത്രം റിലീസ് ചെയ്യുന്നതിനും ആഴ്ചകൾക്കു മുൻപ് ആരംഭിക്കുന്നത്. ബുക്കിംഗ് ആരംഭിച്ചു മണിക്കൂറുകൾക്കകം റെക്കോർഡ് അഡ്വാൻസ് ബുക്കിംഗ് കൂടി നടന്നതോടെ ആ ചിത്രം ചരിത്രം കുറിച്ച് കഴിഞ്ഞു. പറയുന്നത് താര ചക്രവർത്തി മോഹൻലാൽ നായകനായ ഒടിയൻ എന്ന ബിഗ് ബജറ്റ് ചിത്രത്തെ കുറിച്ചാണ്. അഡ്വാൻസ് ബുക്കിങ്ങിൽ ഒടിയൻ റെക്കോർഡ് നേട്ടമാണ് ഉണ്ടാക്കിയിരിക്കുന്നത് എന്ന് ഈ ചിത്രം ഗൾഫ് രാജ്യങ്ങളിൽ വിതരണം ചെയ്യുന്ന വേൾഡ് വൈഡ് ഫിലിംസ് തങ്ങളുടെ ഒഫീഷ്യൽ ഫേസ്ബുക് പേജിലൂടെ അറിയിച്ചു. യു എ ഇയിലെ നോവ സിനിമാസ്, ബഹ്റൈൻ, വി ഓ എക്സ് സിനിമാസ് എന്നിവിടങ്ങളിൽ ആണ് ഗൾഫിലെ ഈ ചിത്രത്തിനായുള്ള ബുക്കിംഗ് ആരംഭിച്ചത്. ഇത് കൂടാതെ ഓസ്ട്രേലിയ, പോളണ്ട് എന്നിവിടങ്ങളിലും ഒടിയൻ അഡ്വാൻസ് ബുക്കിംഗ് ആരംഭിച്ചിട്ടുണ്ട്.
നോവ സിനിമാസിൽ 91 ഷോകൾ ആണ് ആദ്യ വീക്കെൻഡിൽ ഒടിയനു വേണ്ടി ചാർട്ട് ചെയ്തിരിക്കുന്നത്. ബഹറിനിൽ പത്തു ഷോകളുടെ ബുക്കിംഗ് തുടങ്ങിയപ്പോൾ വി ഓ എക്സ് സിനിമാസിൽ ഇരുപത്തിനാലു ഷോകളുടെ ബുക്കിംഗ് ആണ് തുടങ്ങിയത്. ഓസ്ട്രേലിയയിൽ 16 ഷോകളുടെ ബുക്കിംഗ് തുടങ്ങിയപ്പോൾ പോളണ്ടിൽ ഒടിയൻ ഫാൻ ഷോയുടെ ബുക്കിംഗ് ആണ് തുടങ്ങിയത്. ഒരു മലയാള സിനിമയ്ക്കു ലഭിക്കുന്ന എക്കാലത്തെയും വലിയ ഓവർസീസ് റിലീസ് ആണ് ഈ ചിത്രത്തിന് ലഭിക്കാൻ പോകുന്നത്. യു എസ് എ , യു കെ തുടങ്ങിയ സ്ഥലങ്ങളിലും റെക്കോർഡ് റിലീസ് ആണ് പ്ലാൻ ചെയ്തിരിക്കുന്നത്. ഒടിയൻ മലയാളം വേർഷനും തെലുങ്കു ഡബ്ബിങ് വേർഷനും ഒരേ ദിവസം തന്നെയാണ് റിലീസ് ചെയ്യാൻ പോകുന്നത് എന്ന പ്രത്യേകതയും ഉണ്ട്.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.