മെഗാസ്റ്റാർ ചിരഞ്ജീവി നായകനായി എത്തുന്ന ഏറ്റവും പുതിയ ചിത്രമാണ് വാൾട്ടയർ വീരയ്യ. സംവിധായകൻ ബോബി കൊല്ലി ഒരുക്കുന്ന ഈ ചിത്രം വരുന്ന ജനുവരിയിൽ സംക്രാന്തി റിലീസായി പ്രേക്ഷകരുടെ മുന്നിലെത്തും. ഇപ്പോഴിതാ ഈ ചിത്രത്തിൽ ഒരു നിർണ്ണായക വേഷം ചെയ്യുന്ന തെലുങ്കു സൂപ്പർസ്റ്റാർ രവി തേജയുടെ ഫസ്റ്റ് ലുക്ക് പോസ്റ്റർ, ടീസർ എന്നിവയും റിലീസ് ചെയ്തിരിക്കുകയാണ്. ചിരഞ്ജീവി നായകനാകുന്ന ഈ ചിത്രം മൈത്രി മൂവി മേക്കേഴ്സിന്റെ ബാനറിൽ നവീൻ യേർനേനിയും വൈ രവിശങ്കറും ചേർന്നാണ് നിർമ്മിച്ചിരിക്കുന്നത്. ചിരഞ്ജീവിയുടെ 154-മത് ചിത്രമായി എത്തുന്ന ഇതിൽ കിടിലൻ ലുക്കിലാണ് അദ്ദേഹം പ്രത്യക്ഷപ്പെടുന്നത്. ഒരു ലോക്കൽ മാസ്സ് മസാല ചിത്രമാകും എന്ന സൂചനയാണ് ഇതിന്റെ ടൈറ്റിൽ ടീസർ നമ്മുക്ക് സമ്മാനിച്ചത്. അത് കൂടാതെ ഇതിലെ ബോസ് പാർട്ടി ഗാനവും സൂപ്പർ ഹിറ്റായി മാറിയിരുന്നു.
റോക്ക്സ്റ്റാർ ദേവി ശ്രീ പ്രസാദ് രചിക്കുകയും ആലപിക്കുകയും ചെയ്ത ഈ ഗാനത്തിന് സംഗീതം പകർന്നതും അദ്ദേഹമായിരുന്നു. ആക്ഷനും കോമെഡിക്കും പ്രാധാന്യം നല്കിയൊരുക്കിയ ഈ ചിത്രത്തിൽ ശ്രുതി ഹാസനാണ് നായികാ വേഷം ചെയ്യുന്നത്. കാതറീൻ ട്രീസയും അഭിനയിക്കുന്ന ഈ ചിത്രത്തിന് കാമറ ചലിപ്പിച്ചത് ആർതർ എ വിൽസൺ, എഡിറ്റ് ചെയ്തിരിക്കുന്നത് നിരഞ്ജൻ ദേവരമനേ എന്നിവരാണ്. കോന വെങ്കട്ടും കെ ചക്രവർത്തി റെഡ്ഡിയും ചേർന്ന് തിരക്കഥ രചിച്ച ഈ ചിത്രത്തിന്റെ കഥയും സംഭാഷണവും രചിച്ചത് സംവിധായകൻ ബോബി കൊല്ലി തന്നെയാണ്. ജി കെ മോഹനാണ് ഈ ചിത്രത്തിന്റെ സഹനിർമ്മാതാവ്. ജനുവരി പതിമൂന്നിന് വാൾട്ടയർ വീരയ്യ റിലീസ് ചെയ്യുമെന്നാണ് ഇപ്പോൾ ലഭിക്കുന്ന റിപ്പോർട്ടുകൾ പറയുന്നത്.
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.