മലയാള സിനിമയിൽ പീരീഡ് ചിത്രങ്ങൾ എന്നും സ്വീകരിക്കപ്പെട്ടിട്ടുണ്ട്. ഒരു വടക്കൻ വീരഗാഥയും, പഴശ്ശി രാജയും കായംകുളം കൊച്ചുണ്ണിയും മരക്കാർ അറബിക്കടലിന്റെ സിംഹവുമെല്ലാം അങ്ങനെ പ്രേക്ഷകർ സ്വീകരിച്ച ചിത്രങ്ങളാണ്. ഇത് കൂടാതെയും പഴയ കാലഘട്ടത്തിലെ കഥകൾ പറയുന്ന ചിത്രങ്ങൾ മലയാളത്തിൽ സംഭവിക്കുകയും ശ്രദ്ധ നേടുകയും ചെയ്തിട്ടുണ്ട്. 1921, കാലാപാനി എന്നിവയെല്ലാം അതിനു ഉദാഹരണങ്ങൾ ആണ്. ഇപ്പോൾ വിനയൻ ഒരുക്കുന്ന പത്തൊൻപതാം നൂറ്റാണ്ടു എന്ന ചിത്രവും അതിന്റെ പോസ്റ്റ് പ്രൊഡക്ഷൻ സ്റ്റേജിലാണ്. പുതിയതായി വരുന്ന റിപ്പോർട്ടുകൾ പ്രകാരം മറ്റൊരു പീരിയോഡിക് ചിത്രം കൂടി മലയാളത്തിൽ ഒരുങ്ങാൻ പോവുകയാണ്. ആൻഡ്രോയിഡ് കുഞ്ഞപ്പൻ എന്ന സൂപ്പർ ഹിറ്റ് ചിത്രം സംവിധാനം ചെയ്തു കൊണ്ട് മലയാളത്തിൽ അരങ്ങേറ്റം കുറിച്ച രതീഷ് ബാലകൃഷ്ണൻ ആണ് ഈ ചിത്രം ഒരുക്കാൻ പോകുന്നത് എന്നാണ് റിപ്പോർട്ടുകൾ നമ്മളോട് പറയുന്നത്.
ചിത്രത്തിന്റെ താരനിരയെ കുറിച്ചോ മറ്റു അണിയറ പ്രവർത്തകരെ കുറിച്ചോ ഉള്ള വിവരങ്ങൾ നമ്മുക്ക് ലഭ്യമല്ല. ആൻഡ്രോയിഡ് കുഞ്ഞപ്പന് ശേഷം രതീഷ് ബാലകൃഷ്ണൻ ഒരുക്കിയത് നിവിൻ പോളി നായകനായ കനകം കാമിനി കലഹം എന്ന കോമഡി ചിത്രമാണ്. ഒറ്റിറ്റി റിലീസ് ആയാണ് ഈ ചിത്രം എത്തിയത്. ഇത് കൂടാതെ കുഞ്ചാക്കോ ബോബനെ നായകനാക്കി എന്നാ താൻ കേസ് കൊട് എന്നൊരു ചിത്രവും രതീഷ് ബാലകൃഷ്ണൻ ഒരുക്കുന്നുണ്ട്. അദ്ദേഹം ഒരുക്കാൻ പോകുന്ന വമ്പൻ ചിത്രം മഹാഭാരതത്തിലെ നള- ദമയന്തി പ്രണയകഥയാണ് എന്നാണ് റിപ്പോർട്ടുകൾ പറയുന്നത്. മലയാളത്തിലും ഹിന്ദിയിലും ആയി ഒരുക്കാൻ പോകുന്ന ഈ ചിത്രം, നളചരിതം ദമയന്തിയുടെ കാഴ്ചപ്പാടിലൂടെ പറയുന്ന ചിത്രം ആവുമെന്നാണ് സൂചന.
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
This website uses cookies.