മലയാള സിനിമക്കു ഒരു മികച്ച കലാകാരനെ കൂടി ഇന്ന് നഷ്ടപ്പെട്ടു. എണ്പതുകളിൽ മലയാള സിനിമയിൽ വന്നു, അൻപതിലധികം സിനിമകളിലും നൂറോളം സീരിയലുകളിലും അഭിനയിച്ചു പ്രശസ്തനായ നടൻ രവി വള്ളത്തോളാണ് ഇന്ന് അന്തരിച്ചത്. 67 വയസ്സായിരുന്ന അദ്ദേഹം തിരുവനന്തപുരത്തുള്ള വീട്ടിൽ വെച്ചാണ് അന്തരിച്ചത്. അസുഖ ബാധിതനായി ഏറെക്കാലമായി അഭിനയ രംഗത്തു സജീവമായിരുന്നില്ല. ഒട്ടേറെ ശ്രദ്ധേയമായ റോളുകൾ മലയാള സിനിമയിൽ ചെയ്ത രവി വള്ളത്തോൾ ഒരു ഗാന രചയിതാവും ചെറുകഥാ രചയിതാവും കൂടിയായിരുന്നു. മോഹൻലാൽ നായകനായി എത്തിയ രേവതിക്കൊരു പാവകുട്ടി എന്ന ചിത്രത്തിന്റെ കഥ രചിച്ചതും രവി വള്ളത്തോൾ ആണ്. ഇപ്പോഴിതാ അദ്ദേഹവുമായുള്ള ഓർമകൾ പങ്കു വെക്കുകയാണ് സംവിധായകൻ രഞ്ജിത് ശങ്കർ.
രഞ്ജിത് ശങ്കറിന്റെ വാക്കുകൾ ഇങ്ങനെ, ഞാൻ ആദ്യമായി പരിചയപ്പെടുന്ന സിനിമാ നടൻ രവിയേട്ടനാണ്. ആദ്യമായി തിരക്കഥയെഴുതിയ നിഴലുകൾ, പിന്നീടെഴുതിയ അമേരിക്കൻ ഡ്രീംസ് എന്നീ സീരിയലുകളിലെ നായകൻ. അതിലുമുപരി വളരെ അടുത്ത വ്യക്തി ബന്ധം. അമേരിക്കൻ ഡ്രീംസിനു മികച്ച നടനുള്ള സംസ്ഥാന അവാർഡ് കിട്ടി കഴിഞ്ഞ് രവിയേട്ടൻ എന്നെ വിളിച്ചു ചോദിച്ചു ഇനി ഒരു സിനിമയൊക്കെ ചെയ്യാറായില്ലേ? ഞാൻ പറഞ്ഞു എനിക്കാരെയും സിനിമയിൽ പരിചയമില്ല. മമ്മൂട്ടിയോട് ഒരു കഥ പറയാമോ എന്ന് രവിയെട്ടൻ ചോദിച്ചു. അദ്ദേഹം എനിക്കു വേണ്ടി മമ്മുക്കയോട് തുടർച്ചയായി സംസാരിച്ചു. അങ്ങിനെ ആദ്യമായി ഞാൻ മമ്മൂക്കയോട് പാസഞ്ചറിൻ്റെ കഥ പറയുന്നു.
സിനിമയിൽ സജീവമായതിനു ശേഷവും രവിയേട്ടനുമായി ഇടയ്ക്കു സംസാരിക്കും. ഓർമിക്കപ്പെടുന്ന ഒരു വേഷം എൻ്റെ ഒരു സിനിമയിൽ അദ്ദേഹം ചെയ്യണമെന്ന എൻ്റെ ആഗ്രഹം പല കാരണങ്ങളാൽ നടന്നില്ല. ഓർമകൾ മാത്രം ബാക്കിയാവുന്നു.
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
പാലേരി മാണിക്യം എന്ന ചിത്രത്തിന്റെ റീ റിലീസിന് ശേഷം മറ്റൊരു മമ്മൂട്ടി ക്ലാസിക് കൂടി റീ റിലീസായി പ്രേക്ഷകരുടെ മുന്നിലേക്ക്.…
പ്രേമലു എന്ന ചിത്രത്തിന്റെ മഹാവിജയത്തോടെ മലയാള സിനിമാപ്രേമികളുടെ പ്രിയങ്കരനായി മാറിയിരിക്കുകയാണ് നസ്ലൻ ഗഫൂർ എന്ന യുവതാരം. തണ്ണീർ മത്തൻ ദിനങ്ങൾ…
പ്രേക്ഷകർ ഏറെ ആകാംഷയോടെ കാത്തിരുന്ന ഒരു കട്ടിൽ ഒരു മുറിയിലെ "നെഞ്ചിലെ" എന്ന ഗാനം യുട്യൂബിൽ റിലീസ് ചെയ്തു. രഘുനാഥ്…
This website uses cookies.