തമിഴകത്തിന്റെ തലൈവർ സൂപ്പർ സ്റ്റാർ രജനികാന്ത് നായകനായി എത്തുന്ന ഏറ്റവും പുതിയ ചിത്രത്തിന്റെ ടൈറ്റിൽ ഇന്ന് പ്രഖ്യാപിച്ചു. കോലമാവ് കോകില, ഡോക്ടർ, ബീസ്റ്റ് എന്നീ ചിത്രങ്ങൾ സംവിധാനം ചെയ്ത നെൽസൺ ദിലീപ്കുമാർ സംവിധാനം ചെയ്യാൻ പോകുന്ന ഈ ചിത്രം രജനികാന്തിന്റെ 169 ആം ചിത്രമാണ്. ജയിലർ എന്നാണ് ഈ രജനികാന്ത്- നെൽസൺ ചിത്രത്തിന് നൽകിയിരിക്കുന്ന ടൈറ്റിൽ. സൺ പിക്ചേഴ്സ് നിർമ്മിക്കുന്ന ഈ ബിഗ് ബഡ്ജറ്റ് ചിത്രത്തിന് സംഗീതമൊരുക്കുന്നത് സൂപ്പർ ഹിറ്റ് സംഗീത സംവിധായകനായ അനിരുദ്ധ് രവിചന്ദറാണ്. വളരെ വ്യത്യസ്തമായ ഒരു കഥാപാത്രമാവും രജനികാന്ത് ഈ ചിത്രത്തിലവതരിപ്പിക്കുകയെന്നാണ് സൂചന. ദളപതി വിജയ് നായകനായ നെൽസൺ ചിത്രം ബീസ്റ്റ് ഏറെ വിമർശങ്ങൾ നേരിട്ടപ്പോൾ, രജനികാന്ത് ചിത്രത്തിന്റെ സംവിധാന ചുമതലയില് നിന്ന് നെൽസനെ മാറ്റി എന്ന് റിപ്പോര്ട്ടുകള് വന്നിരുന്നു. ഏതായാലും നെൽസൺ ദിലീപ്കുമാർ എന്ന സംവിധായകനിൽ പൂർണ്ണ വിശ്വാസമർപ്പിച്ചിരിക്കുകയാണ് രജനികാന്തും നിർമ്മാതാക്കളായ സൺ പിക്ചേഴ്സും. ബീസ്റ്റ് എന്ന ചിത്രം നിർമ്മിച്ചതും സൺ പിക്ചേഴ്സാണ്.
ശിവ ഒരുക്കിയ അണ്ണാത്തെ എന്ന ചിത്രത്തിന് ശേഷം രജനികാന്ത് ചെയ്യുന്ന ചിത്രമാണ് ജയിലർ. ശിവ ചിത്രം വലിയ വിമർശനം നേടിയെന്നു മാത്രമല്ല, ബോക്സ് ഓഫീസിൽ തകരുകയും ചെയ്തു. അതുകൊണ്ട് തന്നെ ജയിലർ എന്ന ഈ പുതിയ ചിത്രം സംവിധായകൻ നെൽസനൊപ്പം തന്നെ സൂപ്പർ സ്റ്റാർ രജനികാന്തിനും നിർണ്ണായകമാണ്. സംവിധായകൻ നെല്സണ് തന്നെയാണ് ഈ ചിത്രത്തിന്റെ തിരക്കഥയും രചിച്ചിരിക്കുന്നത്. നേരത്തെ, തിരക്കഥാ രചനയിൽ നെൽസനെ സഹായിക്കാൻ പ്രശസ്ത സംവിധായകൻ കെ എസ് രവികുമാർ ഈ ചിത്രത്തിന്റെ ഭാഗമാകുമെന്നു റിപ്പോർട്ടുകൾ വന്നിരുന്നു.
പ്രശസ്ത രചയിതാവ് രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ' ഒരു കട്ടിൽ ഒരു മുറി'…
100 കോടി പിന്നിട്ടിട്ടും A.R.M ൻ്റെ ബോക്സ് ഓഫീസ് കുതിപ്പ് തുടർന്നുകൊണ്ടിരിക്കുകയാണ്. കഴിഞ്ഞ ആഴ്ചകളിലായി കേരളത്തിലെ തിയറ്ററുകളിൽ നിന്ന് എല്ലാ…
കൺവിൻസിങ് സ്റ്റാർ എന്ന പേരിൽ സമൂഹ മാധ്യമങ്ങളിൽ ഇപ്പോൾ നിറഞ്ഞു നിൽക്കുകയാണ് പ്രശസ്ത മലയാള താരം സുരേഷ് കൃഷ്ണ. അതീവ…
'തല്ലുമാല'ക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന പുതിയ ചിത്രത്തിന്റെ ടൈറ്റിൽ പുറത്ത്. സ്പോർട്സ് കോമഡി വിഭാഗത്തിൽ ഒരുങ്ങുന്ന ചിത്രത്തിൽ…
നസ്ലൻ, കല്യാണി പ്രിയദർശൻ എന്നിവരെ പ്രധാന കഥാപാത്രങ്ങളാക്കി അരുൺ ഡൊമിനിക് രചിച്ചു സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് ഇപ്പോൾ പുരോഗമിക്കുകയാണ്.…
മലയാള സിനിമയിലെ മികച്ച എഴുത്തുകാരുടെ നിരയിൽ മുൻപന്തിയിൽ സ്ഥാനം പിടിച്ചയാളാണ് രഘുനാഥ് പലേരി. മലയാള സിനിമയിലെ ക്ലാസ്സിക്കുകൾ പലതും പിറന്ന…
This website uses cookies.