ആദ്യ ദിന കളക്ഷൻ റെക്കോർഡ് രജനികാന്ത് സ്വന്തമാക്കുമോ?…കേരളത്തിൽ ഇന്നേവരെ കാണാത്ത വമ്പൻ റിലീസിനൊരുങ്ങി രജനീകാന്തിന്റെ കാലാ…

ഇന്ത്യൻ സിനിമയുടെ സൂപ്പർ സ്റ്റാർ രജനികാന്ത് വീണ്ടുമൊരിക്കൽ കൂടി എത്തുമ്പോൾ ആരാധകർ ഏവരും ആവേശത്തിൽ തന്നെയാണ്. ഇത്തവണ ആരാധകർ വലിയ പ്രതീക്ഷ വച്ച് പുലർത്തിയ കാലയിലൂടെയാണ് രജനികാന്ത് എത്തുന്നത്. ചിത്രത്തിൽ കരികാലൻ എന്ന കാലാ ആയാണ് രജനികാന്ത് എത്തുന്ന തകർപ്പൻ ലുക്കിൽ എത്തിയ കാലായുടെ ചിത്രങ്ങളെല്ലാം ഇതിനോടകം തന്നെ വലിയ ശ്രദ്ധാകേന്ദ്രമായി കഴിഞ്ഞു. ചിത്രത്തിന്റെ ട്രെയ്ലറും വലിയ ഓളമാണ് സോഷ്യൽ മീഡിയയിൽ സൃഷ്ടിച്ചത്. മുൻ ചിത്രം കബാലി ഒരുക്കിയ പാ. രഞ്ജിത്ത് തന്നെയാണ് ഈ ചിത്രവും ഒരുക്കുന്നത്. മുൻ ചിത്രം രജനികാന്ത് എന്ന നടനെ ഏറെ ഉപയോഗിച്ച് എങ്കിൽ ഇത്തവണ രജനികാന്ത് എന്ന സൂപ്പർ താരത്തെയാണ് പ്രേക്ഷകരുടെ മുൻപിലേക്ക് പാ. രഞ്ജിത്ത് എത്തിക്കുന്നത്. ആരാധകർക്കായുള്ള മാസ്സ് ആക്ഷൻ രംഗങ്ങൾ എല്ലാം തന്നെ ചിത്രത്തിൽ ആവോളം ഉണ്ടാകും.

ഏപ്രിലിൽ വമ്പൻ റിലീസായാണ് കാല തീയേറ്ററുകളിൽ എത്തുവാൻ നിശ്ചയിച്ചതെങ്കിലും തമിഴ്നാട്ടിൽ നടന്ന തീയേറ്റർ സമരങ്ങളെ തുടർന്ന് ചിത്രത്തിന്റെ റിലീസ് വൈകുകയായിരുന്നു. എന്നാൽ മറ്റ് ചിത്രങ്ങൾ കൂടി പുറത്തിറങ്ങാൻ ഉള്ളതിനാൽ ചിത്രം ജൂൺ 7 ലേക്ക് മാറ്റുകയായിരുന്നു. തമിഴ് നാട്ടിലേത് പോലെ ആരാധകർ ഏറെയുള്ള കേരളത്തിലും ചിത്രം വമ്പൻ റിലീസായി എത്തും. ചിത്രത്തിന്റെ കേരള വിതരണം വമ്പൻ തുകയ്ക്കാണ് വിറ്റ് പോയത്.

ബാഹുബലിക്ക് ശേഷം മലയാളത്തിലെ ഏറ്റവും വലിയ വിതരണ തുക ആണെന്നാണ് കരുതപ്പെടുന്നത്. ചിത്രം ആഘോഷപൂർവ്വം വലിയ റിലീസായി കേരളത്തിൽ എത്തും. ഇരുന്നൂറോളം സ്‌ക്രീനുകളിൽ കബാലിയെക്കാൾ വമ്പൻ റിലീസായിട്ടായിരിക്കും ചിത്രം എത്തുക. കേരളാ ബോക്സ് ഓഫിസിൽ ആദ്യ ദിന റെക്കോർഡ് സ്വന്തമാക്കിയ ബാഹുബലി 2 ചിത്രം കടത്തി വെട്ടുമോ എന്നാണ് ഇനി അറിയാനായി ഉള്ളത്.