വിജയ് സാർ.. എന്തൊരു താരമാണ് നിങ്ങൾ.. നിങ്ങളെ ഞാൻ നമിക്കുന്നു: റേസിംഗ് ചാമ്പ്യൻ അലീഷ അബ്ദുളള

തമിഴ്നാട്ടിൽ വലിയ തോതിൽ ആരാധക പിന്തുണയുള്ള താരമാണ് വിജയ്. താരത്തിനോടുള്ള കടുത്ത ആരാധന പങ്കുവെച്ചുകൊണ്ട് തമിഴ്നാട്ടിലെ പ്രശസ്ത റേസിംഗ് താരം അലീഷ അബ്ദുള്ള രംഗത്ത് എത്തിയിരിക്കുകയാണ്. റേസിംഗ് താരം മാത്രമല്ല തമിഴ്നാട് സർക്കാരിന്റെ മനുഷ്യാവകാശ ബോർഡിന്റെയും അഴിമതി വിരുദ്ധ സെല്ലിന്റെയും പ്രസിഡണ്ട് കൂടിയാണ് അലീഷ. അടുത്തിടെ സൺ ടി.വി യിൽ വിജയിയുടെ എക്കാലത്തെയും സൂപ്പർഹിറ്റ് ചിത്രമായ ഗില്ലി പ്രദർശിപ്പിക്കുകയുണ്ടായി. നടൻ ശന്തനു ഭാഗ്യരാജ് ഗില്ലി സൺ ടി.വി യിൽ ഇപ്പോൾ കാണിക്കുന്നുണ്ട് എന്ന് അറിയിച്ചുകൊണ്ട് ട്വിറ്ററിൽ ചിത്രം പങ്കുവെക്കുകയുണ്ടായി. താരത്തിന്റെ ട്വീറ്റ് ഷെയർ ചെയ്തുകൊണ്ട് അലീഷ താൻ ഏറെ ഇഷ്ടപ്പെടുന്ന വ്യക്തിയെ കുറിച്ചു തുറന്ന് പറയുകയായിരുന്നു.

വിജയ് സാർ, എന്തൊരു താരമാണ് നിങ്ങൾ. നിങ്ങളെ ഞാൻ നമിക്കുന്നു എന്നാണ് അലീഷ അബ്ദുള്ള ട്വിറ്ററിൽ കുറിച്ച വാക്കുകൾ. തുടർച്ചയായി സൺ ടി.വി യിൽ മാത്രമായി വർഷങ്ങളായി പ്രദർശിപ്പിക്കുന്ന ചിത്രമാണ് ഗില്ലി. 15 വർഷമായി തമിഴ്നാട്ടിൽ പ്രൈം ടൈമിൽ തന്നെയാണ് ഗില്ലി മിനി സ്ക്രീനിൽ വരുന്നത്. അലീഷ റേസിംഗ് മേഖലയിൽ നിന്ന് വരുന്നത്കൊണ്ട് നടൻ അജിത് കുമാറായി അടുത്ത പരിചയമുണ്ട്. അലീഷയുടെ പിതാവ് അബ്ദുള്ളയും നടൻ അജിതും ഒരുമിച്ച് പല മത്സരങ്ങളിലും ഒരുമിച്ചു പങ്കെടുത്തിട്ടുണ്ട്.