യുവ താരം പ്രണവ് മോഹൻലാലിനെ നായകനാക്കി സൂപ്പർ ഹിറ്റ് സംവിധായകനും ഗായകനും നടനുമായ വിനീത് ശ്രീനിവാസൻ ഒരുക്കുന്ന മലയാള ചിത്രമാണ് ഹൃദയം. കല്യാണി പ്രിയദർശൻ നായികാ വേഷം ചെയ്യുന്ന ഈ ചിത്രത്തിൽ ദർശന രാജേന്ദ്രൻ, അജു വർഗീസ് എന്നിവരും പ്രധാന വേഷങ്ങൾ ചെയ്യുന്നുണ്ട്. മെറിലാൻഡ് സിനിമാസിന്റെ ബാനറില് വിശാഖ് സുബ്രഹ്മണ്യം നിര്മിക്കുന്ന ഈ ചിത്രത്തിന് സംഗീതമൊരുക്കുന്നത് ഹിഷാം അബ്ദുൽ വഹാബും ക്യാമറ ചലിപ്പിക്കുന്നത് വിശ്വജിത്തുമാണ്. ഷൂട്ടിംഗ് ഏകദേശം പൂർത്തിയായി കഴിഞ്ഞ ഈ ചിത്രം മലയാള സിനിമാ പ്രേമികൾ ഏറെ കാത്തിരിക്കുന്ന ചിത്രം കൂടിയാണ്. ഇപ്പോഴിതാ ഹൃദയം എന്ന ചിത്രത്തെ കുറിച്ച് കൂടുതൽ വിവരങ്ങൾ വെളിപ്പെടുത്തുകയാണ് നിർമ്മാതാവ് വിശാഖ് സുബ്രമണ്യം. വൈശാഖും അജു വർഗീസും ചേർന്ന് നിർമ്മിക്കുന്ന സാജൻ ബേക്കറി എന്ന ചിത്രത്തിന്റെ പ്രചരണാർത്ഥം ഒരു ഓൺലൈൻ മീഡിയ ചാനലിനോട് സംസാരിക്കവേയാണ് വിശാഖ് ഹൃദയത്തെ കുറിച്ചും മനസ്സ് തുറന്നതു.
ചിത്രത്തെ കുറിച്ച് കൂടുതൽ ഒന്നും പുറത്തു പറയരുത് എന്ന് സംവിധായകൻ വിനീത് ശ്രീനിവാസന്റെ നിര്ദേശമുണ്ടെന്നും വിശാഖ് പറയുന്നു. ഒരു ചെറുപ്പക്കാരന്റെ 17 വയസ്സ് മുതൽ 30 വയസ്സുവരെയുള്ള ജീവിത യാത്രയുടെ കഥയാണ് ഈ ചിത്രം പറയുന്നത് എന്നും അങ്ങനെ ആ കാലഘട്ടത്തിൽ ഒരാളുടെ ജീവിതത്തിൽ കടന്നു വരാൻ സാധ്യതയുള്ള എല്ലാ കാര്യങ്ങളും ഈ ചിത്രത്തിന്റെ കഥയിലും കടന്നു വരുമെന്നും വിശാഖ് പറയുന്നു. പ്രണവ് തന്റെ വേഷം വളരെ മനോഹരമായി തന്നെ ചെയ്യുന്നുണ്ട് എന്ന് നേരത്തെ വിനീത് ശ്രീനിവാസൻ പറഞ്ഞിരുന്നു. തന്റെ ആദ്യ ചിത്രത്തിലെ ആക്ഷൻ രംഗങ്ങളിലൂടെ ഒരുപാട് ആരാധകരെ നേടിയ താരമാണ് പ്രണവ് എങ്കിലും ഈ ചിത്രത്തിൽ ആക്ഷൻ ഇല്ല എന്നും പ്രണവ് എന്ന അഭിനേതാവിന്റെ മറ്റൊരു വശമാണ് ഇതിലൂടെ കാണാൻ സാധിക്കുക എന്നും വിശാഖ് പറഞ്ഞു. ചിത്രം തീയേറ്ററിൽ തന്നെ റിലീസ് ചെയ്യുമെന്നും അദ്ദേഹം അറിയിച്ചു.
ധ്യാൻ ശ്രീനിവാസൻ, സണ്ണി വെയ്ൻ, അജു വർഗീസ്, നിരഞ്ജ് മണിയൻപിള്ള രാജു എന്നിവർ പ്രധാന കഥാപാത്രങ്ങളായെത്തുന്ന 'ത്രയം' ഒക്ടോബര് 25-ന്…
സൗബിൻ ഷാഹിർ, ബേസിൽ ജോസഫ്, ചെമ്പൻ വിനോദ് എന്നിവരെ പ്രധാന കഥാപാത്രങ്ങളാക്കി നവാഗതനായ ശ്രീരാജ് ശ്രീനിവാസൻ സംവിധാനം ചെയ്യുന്ന 'പ്രാവിൻ…
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
This website uses cookies.