എന്റെ അവസാന ശ്വാസം നിലക്കുവോളം ഞാൻ ഓർത്തുകൊണ്ട് ജീവിക്കാൻ പോകുന്ന സിനിമ; വെയിൽ നിർമ്മാതാവിന്റെ വാക്കുകൾ ഇതാ..!

യുവ താരം ഷെയിൻ നിഗമിനെ നായകനാക്കി നവാഗത സംവിധായകൻ ശരത് മേനോന്‍ സംവിധാനം ചെയ്ത ചിത്രമാണ് വെയിൽ. കഴിഞ്ഞ മാസം റിലീസ് പ്രഖ്യാപിച്ചിരുന്ന ഈ ചിത്രം കോവിഡ് പ്രതിസന്ധി മൂലം റിലീസ് മാറ്റി വെച്ചു. അതിനിടയിൽ ഈ ചിത്രത്തിന്റെ സംവിധായകൻ നിർമ്മാതാവിനെതിരെ ഒരു ഇൻസ്റ്റാഗ്രാം സ്റ്റോറി പോസ്റ്റ് ചെയ്യുകയും പിന്നീട് ഡിലീറ്റ് ചെയ്യുകയും ചെയ്തത് വലിയ വിവാദമായി മാറിയിരുന്നു. ഈ ചിത്രത്തിന്റെ ഷൂട്ടിംഗ് നടക്കുമ്പോഴും വിവാദങ്ങൾക്കു പഞ്ഞമില്ലായിരുന്നു. ചിത്രത്തിലെ നായകൻ ഷെയിൻ നിഗമും നിർമ്മാതാവ് ജോബി ജോർജുമായി ഉണ്ടായ പ്രശ്നങ്ങൾ ആയിരുന്നു വിവാദങ്ങൾക്കു കാരണം. ഏതായാലും ഇപ്പോൾ ഈ ചിത്രത്തിന്റെ പുതിയ റിലീസ് ഡേറ്റ് പ്രഖ്യാപിച്ചു കൊണ്ട് മുന്നോട്ടു വന്നിരിക്കുകയാണ് നിർമ്മാതാവ് ജോബി ജോർജ്. അത് പങ്കു വെച്ചു കൊണ്ട് അദ്ദേഹം തന്റെ ഫേസ്ബുക് പോസ്റ്റിൽ കുറിച്ച വാക്കുകളും ശ്രദ്ധ നേടുന്നുണ്ട്.

ജോബി ജോർജിന്റെ വാക്കുകൾ ഇപ്രകാരം, 2004 മുതൽ വളരെ സീരിയസ് ആയി സിനിമയും ആയി അടുത്ത് നിൽക്കുന്ന ഒരു സാധാരണക്കാരനാണ് ഞാൻ. എന്തോ ദൈവം ഓരോ വർഷം കഴിയും തോറും വീഴ്ത്തിയിട്ടില്ല. വളർത്തിയിട്ടേ ഉള്ളു എന്നാൽ. എന്റെ അവസാന ശ്വാസം നിലക്കുവോളം ഞാൻ ഓർത്തുകൊണ്ട് ജീവിക്കാൻ പോകുന്ന സിനിമ ആയിരിക്കും വെയിൽ. ഓരോരോ തടസ്സങ്ങൾ. ഓരോ പ്രാവശ്യം റിലീസ് പ്ലാൻചെയ്യുമ്പോൾ. ഞാൻ പോലും അറിയാത്ത പ്രേശ്നങ്ങൾ എന്തോ മനസ്സിലാകുന്നില്ല എന്താണി ങ്ങനെ. എന്തുമാകട്ടെ നമ്മൾ വീണ്ടും തയ്യാറെടുക്കുകയാണ് വെയിൽ റിലീസ്‌ ചെയ്യാൻ. 25 feb അതാണ് നമ്മുടെ ദിവസം കൂടെ വേണം. ഷൈൻ ടോം ചാക്കോയും ഈ ചിത്രത്തിൽ ഒരു പ്രധാന വേഷം ചെയ്യുന്നുണ്ട്.