ഒരു താരത്തിന് വേണ്ടി എഴുതിയ ചിത്രങ്ങൾ പല പല കാരണങ്ങൾ കൊണ്ട് മറ്റൊരു താരത്തിലേക്ക് എത്തുന്നത് എല്ലാ സിനിമാ ഇന്ഡസ്ട്രികളിലും സ്ഥിരമായി നടക്കുന്ന ഒരു കാര്യമാണ്. അത്തരം ഒട്ടേറെ ചിത്രങ്ങൾ മലയാളത്തിലും ഉണ്ടായിട്ടുണ്ട്. മോഹൻലാലിന് വേണ്ടി എഴുതിയ ചിത്രം മമ്മൂട്ടിയും മമ്മൂട്ടിക്ക് വേണ്ടി എഴുതിയ ചിത്രം മോഹൻലാലും ചെയ്തതിന് ഉദാഹരണങ്ങളേറെ. അതുപോലെ തന്നെ മറ്റ് താരങ്ങളും ഇത്തരം ചിത്രങ്ങൾ ചെയ്തിട്ടുണ്ട്. ഇപ്പോഴിതാ മോഹൻലാലിനെ മനസ്സിൽ കണ്ട് എഴുതിയ ചിത്രം സുരേഷ് ഗോപിയെ വെച്ച് ചെയ്തതും അതിന് ശേഷം സംഭവിച്ച കാര്യങ്ങളും വെളിപ്പെടുത്തുകയാണ് ആ ചിത്രത്തിന്റെ നിർമ്മാതാവായ ദിനേശ് പണിക്കര്. മാസ്റ്റര് ബിന് ചാനലിന് നല്കിയ അഭിമുഖത്തിലാണ് രഞ്ജിത് രചിച്ച, ഷാജൂൺ കാര്യാൽ- സുരേഷ് ഗോപി ചിത്രമായ രജപുത്രൻ എന്ന ചിത്രത്തിന് പിന്നിലുള്ള കഥ അദ്ദേഹം പറഞ്ഞത്.
സുരേഷ് ഗോപിക്ക് വേണ്ടി ഗേറ്റ് വേ ഓഫ് ഇന്ത്യ എന്ന് പേരിട്ട ഒരു ചിത്രത്തിന്റെ കഥയാണ് രഞ്ജിത് പറഞ്ഞതെന്നും അത് സുരേഷ് ഗോപിക്കും ഇഷ്ടപ്പെട്ടു എന്നും ദിനേശ് പണിക്കർ ഓർത്തെടുക്കുന്നു. എന്നാൽ അതിന് മുൻപ് മോഹൻലാൽ- ഷാജി കൈലാസ് ടീമിന് വേണ്ടി എമ്പറർ എന്നൊരു ചിത്രവും രഞ്ജിത് രചിച്ചിരുന്നു. പക്ഷെ ആ ചിത്രം തുടങ്ങാൻ വൈകിയത് കൊണ്ടും ഗേറ്റ് വേ ഓഫ് ഇന്ത്യ എഴുതാനുള്ള സമയം ലഭിക്കാത്തത് കൊണ്ടും മോഹൻലാലിന് വേണ്ടി എഴുതിയ കഥ കുറച്ചു മാറ്റങ്ങൾ വരുത്തി സുരേഷ് ഗോപിയെ വെച്ച് ചെയ്യാൻ തീരുമാനമായി. ഒരു സുരേഷ് ഗോപി ചിത്രത്തിൽ നിന്ന് പ്രേക്ഷകർ പ്രതീക്ഷിക്കുന്ന എല്ലാം നിറഞ്ഞ ഒരു ത്രില്ലിംഗ് കഥയായിരുന്നു അതെന്നും ദിനേശ് പണിക്കർ ഓർത്തെടുക്കുന്നു. എന്നാൽ ഷൂട്ടിംഗ് തുടങ്ങിയപ്പോൾ മുതൽ കാലാവസ്ഥ പ്രശ്നങ്ങൾ ഉൾപ്പെടെ അതിനെ ബാധിക്കാൻ തുടങ്ങുകയും, 40 മുതല് 45 ദിവസം കൊണ്ട് തീർക്കാൻ പ്ലാൻ ചെയ്ത ചിത്രം തീർന്നപ്പോൾ 65 ദിവസമായെന്നും അദ്ദേഹം പറയുന്നു. തന്റെ സിനിമാ ജീവിതത്തിൽ കൈവിട്ടു പോയ ഒരു ചിത്രമായിരുന്നു രജപുത്രനെന്നും അദ്ദേഹം വെളിപ്പെടുത്തി. 1996 ലാണ് രജപുത്രൻ റിലീസ് ചെയ്തത്.
കൃത്യമായ പ്രാസത്തിലും താളത്തിലും വാക്കുകൾ ക്രമീകരിക്കുന്നതിൽ അവിശ്വസനീയമായ കഴിവ് തെളിയിച്ച റാപ്പർ ഫെജോയുടെ പുതിയ ഗാനം പുറത്തിറങ്ങി. ‘ബേബി കൂൾ…
ബ്ലോക്ക്ബസ്റ്റർ "കിഷ്കിന്ധ കാണ്ഡം" എന്ന മിസ്റ്ററി ത്രില്ലർ ചിത്രത്തിനു ശേഷം സംവിധായകൻ ദിൻജിത് അയ്യത്താൻ, തിരക്കഥാകൃത്ത് ബാഹുൽ രമേശ് എന്നിവർ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന ‘പാതിരാത്രി’ എന്ന ചിത്രത്തിന്റെ ആദ്യഗാനം പുറത്തിറങ്ങി.…
ക്യാമറയ്ക്ക് മുന്നിലും പിന്നിലുമായി ഒരു കൂട്ടം പുതുമുഖങ്ങളെ അണിനിരത്തിക്കൊണ്ട് മലയാള സിനിമ ചരിത്രത്തിൽ തന്നെ പുതിയ ഒരു തുടക്കം കുറിക്കുകയാണ്…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ഓഡിയോ ലോഞ്ച്…
മോഹൻലാൽ നായകനായ "രാവണപ്രഭു" റീ റിലീസിലും ബ്ലോക്ക്ബസ്റ്റർ. 2 ദിനം കൊണ്ട് 1.8 കോടി രൂപയാണ് ചിത്രം നേടിയ ആഗോള…
This website uses cookies.