പൃഥ്വിരാജ്-മോഹന്ലാല്-മുരളി ഗോപി കൂട്ടുകെട്ടില് പുറത്തിറങ്ങാനിരിക്കുന്ന എമ്പുരാന് എന്ന ചിത്രത്തിനായുള്ള കാത്തിരിപ്പിലാണ് ഇപ്പോൾ ആരാധകരും മലയാള സിനിമ പ്രേമികളും. കോവിഡ് കാരണം ഷൂട്ടിംഗ് നീണ്ടു പോയ ഈ ചിത്രത്തിന്റെ പുതിയ അപ്ഡേറ്റ് പുറത്തു വിട്ടിരിക്കുകയാണ് ഇപ്പോൾ സംവിധായകൻ പൃഥ്വിരാജ്. അതിന്റെ സ്ക്രിപ്റ്റ് ജോലികൾ പൂർണ്ണമായി എന്നാണ് പൃഥ്വിരാജ് പറയുന്നത്. അടുത്ത വർഷം ആദ്യമാണ് ഈ ചിത്രത്തിന്റെ ഷൂട്ടിംഗ് ആരംഭിക്കുക എന്നും പൃഥ്വിരാജ് പറയുന്നു. അടുത്ത വർഷം എമ്പുരാന് റിലീസ് ചെയ്യുമെന്ന് രചയിതാവ് മുരളി ഗോപിയും ദിവസങ്ങൾക്കു മുൻപ് തന്റെ സോഷ്യൽ മീഡിയ പേജിലൂടെ പുറത്തു വിട്ടിരുന്നു. ജനഗണമന എന്ന തന്റെ പുതിയ ചിത്രത്തിന്റെ പ്രമോഷൻ പരിപാടികൾക്കിടയിൽ ആണ് പൃഥ്വിരാജ് എമ്പുരാന് അപ്ഡേറ്റ് പുറത്തു വിട്ടത്.
അത് മാത്രമല്ല, ലൂസിഫർ എന്ന ചിത്രം സംവിധാനം ചെയ്തു കഴിഞ്ഞു, ഒരു ചിത്രം സംവിധാനം ചെയ്യാൻ തന്നെ ഏറ്റവും ആദ്യം സമീപിച്ചത് കെ ജി എഫ് നിർമ്മിച്ച ഹോംബലെ ഫിലിംസ് ആണെന്നും അന്ന് മുതൽ അവരുമായുള്ള ഓർ ബന്ധമാണ് ഇപ്പോൾ കെ ജി എഫ് 2 കേരളത്തിൽ വിതരണം ചെയ്യുന്ന കാര്യത്തിലേക്കു എത്തിച്ചത് എന്നും പൃഥ്വിരാജ് പറഞ്ഞു. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ലൂസിഫറിന്റെ രണ്ടാം ഭാഗമാണ് എമ്പുരാന്. മലയാളത്തിലെ രണ്ടാമത്തെ മാത്രം നൂറു കോടി ഗ്രോസ് നേടിയ ചിത്രമായ ലൂസിഫർ സംവിധായകനായുള്ള പൃഥ്വിരാജ് സുകുമാരന്റെ അരങ്ങേറ്റ ചിത്രമായിരുന്നു. അതിനു ശേഷം മോഹൻലാലിനെ തന്നെ നായകനാക്കി ബ്രോ ഡാഡി എന്ന ചിത്രവും പൃഥ്വിരാജ് ഒരുക്കി. ഒറ്റിറ്റിയിൽ പാൻ ഇന്ത്യ തലത്തിൽ വിജയം നേടിയ ചിത്രമാണ് ബ്രോ ഡാഡി.
പ്രശസ്ത മലയാളി സംവിധായകൻ ലിജോ ജോസ് പെല്ലിശ്ശേരിയുടെ അടുത്ത ചിത്രം ഹിന്ദിയിൽ. ഒരു റൊമാന്റിക് കോമഡി പടം ആയിരിക്കും ലിജോ…
ദുൽഖർ സൽമാനെ നായകനാക്കി സെൽവമണി സെൽവരാജ് ഒരുക്കുന്ന തമിഴ് ചിത്രം 'കാന്ത' നവംബർ 14 ന് ആഗോള റിലീസായെത്തും. ചിത്രം…
കുപ്രസിദ്ധ കൊളംബിയൻ ഡ്രഗ് ലോർഡ് ആയിരുന്ന പാബ്ലോ എസ്കോബാറിൻ്റെ കഥയുടെ ഇന്ത്യൻ പതിപ്പ് ഒരുങ്ങുന്നു എന്ന് സൂചന. അതിൽ നിന്ന്…
മലയാളത്തിലെ ഇൻഡസ്ട്രി ഹിറ്റായി മാറിയ "തുടരും" എന്ന ചിത്രത്തിന് ശേഷം മോഹൻലാൽ - തരുൺ മൂർത്തി ടീം വീണ്ടും ഒന്നിക്കുന്നു.…
മമ്മൂട്ടി, വിനായകൻ എന്നിവരെ കേന്ദ്ര കഥാപാത്രങ്ങളാക്കി നവാഗതനായ ജിതിൻ കെ. ജോസ് സംവിധാനം നിർവഹിച്ച "കളങ്കാവൽ" സെൻസറിങ് പൂർത്തിയാക്കി. നവംബർ…
രഞ്ജിത്ത് സംവിധാനം ചെയ്യുന്ന പുതിയ ചിത്രത്തിൽ മമ്മൂട്ടി നായകൻ എന്ന് വാർത്തകൾ. മമ്മൂട്ടി കമ്പനിയുടെ ബാനറിൽ മമ്മൂട്ടി തന്നെയാണ് ചിത്രത്തിന്റെ…
This website uses cookies.