കഴിഞ്ഞ വർഷം ആദ്യം റിലീസ് ചെയ്തു മലയാളത്തിൽ സൂപ്പർ ഹിറ്റായി മാറിയ ചിത്രമാണ് അയ്യപ്പനും കോശിയും. പ്രേക്ഷകരും നിരൂപകരും ഒരുപോലെ പ്രശംസിച്ച ഈ ചിത്രം രചിച്ചു സംവിധാനം ചെയ്തത് സച്ചി ആണ്. എന്നാൽ നിർഭാഗ്യവശാൽ ഇത് സച്ചിയുടെ അവസാന ചിത്രമായി മാറി. ചിത്രം റിലീസ് ആയി മാസങ്ങൾക്കുള്ളിൽ സച്ചി അന്തരിക്കുകയായിരുന്നു. ബിജു മേനോൻ, പൃഥ്വിരാജ് സുകുമാരൻ എന്നിവർ അയ്യപ്പൻ നായർ, കോശി കുര്യൻ എന്നീ കഥാപാത്രങ്ങളെ അവതരിപ്പിച്ച ഈ ചിത്രം ഇപ്പോൾ ഹിന്ദി, തെലുങ്കു ഭാഷകളിലേക്ക് റീമേക്ക് ചെയ്യുകയാണ്. അതിൽ തന്നെ തെലുങ്കു റീമേക്കിന്റെ ഷൂട്ടിംഗ് ഏകദേശം പൂർത്തിയായി കഴിഞ്ഞു. വരുന്ന ജനുവരിയിൽ റിലീസ് ചെയ്യാൻ പോകുന്ന തെലുങ്കു വേര്ഷന് പേര് നൽകിയിരിക്കുന്നത് ഭീംല നായക് എന്നാണ്. തെലുങ്കു സൂപ്പർ സ്റ്റാർ പവൻ കല്യാൺ ആണ് ഈ ചിത്രത്തിൽ അയ്യപ്പൻ നായരുടെ കഥാപാത്രം ഭീംല നായക് എന്ന പേരിൽ അവതരിപ്പിക്കുന്നത്. മലയാളത്തിൽ പൃഥ്വിരാജ് അവതരിപ്പിച്ച കോശി എന്ന കഥാപാത്രത്തെ തെലുങ്കിൽ ഡാനിയൽ ശേഖർ എന്ന പേരിൽ അവതരിപ്പിക്കുന്നത് റാണ ദഗ്ഗുബതി ആണ്.
ഇപ്പോഴിതാ, ഈ ചിത്രത്തിലെ പ്രകടനത്തിന് സിമ്മ അവാർഡ് ലഭിച്ച പൃഥ്വിരാജ്, വേദിയിൽ വെച്ച് ഇതിന്റെ തെലുങ്കു റീമേക്കിനെ കുറിച്ച് പറഞ്ഞ വാക്കുകൾ ഏറെ ശ്രദ്ധ നേടുകയാണ്. പവൻ കല്യാൺ സാറിനെ പോലെ ഒരാൾ ഇത് റീമേക് ചെയ്യുക എന്നത് വലിയ കാര്യം ആണെന്നും ഇപ്പോൾ നമ്മുടെ കൂടെയില്ലെങ്കിലും സച്ചി ഇത് കണ്ടു സന്തോഷിക്കുന്നുണ്ടാകും എന്നും പൃഥ്വിരാജ് പറയുന്നു. താൻ ഈ ചിത്രത്തിലെ നായകൻ അല്ല എന്നും ഇതിലെ വില്ലൻ ആണെന്നും പൃഥ്വിരാജ് പറയുന്നു. അത്കൊണ്ട് തന്നെയാണ് കോശി എന്ന കഥാപാത്രം ചെയ്യാൻ ആഗ്രഹിച്ചതും അത് തിരഞ്ഞെടുത്തതും എന്നും പൃഥ്വിരാജ് വെളിപ്പെടുത്തി. പ്രശസ്ത തെലുങ്കു സംവിധായകൻ ത്രിവിക്രം ശ്രീനിവാസ് ആണ് ഈ ചിത്രം തെലുങ്കിൽ രചിച്ചത്. സാഗർ ചന്ദ്ര സംവിധാനം ചെയ്ത ഈ ചിത്രം സിതാര എന്റര്ടെയ്ന്മെന്റിസിന്റെ ബാനറില് നാഗ വംശിയാണ് നിർമ്മിക്കുന്നത്.
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ട്രെയ്ലർ പുറത്ത്.…
ഉണ്ണി ശിവലിംഗം സംവിധാനം ചെയ്ത, ഷെയിൻ നിഗത്തിൻ്റെ ഇരുപത്തിയഞ്ചാമത് ചിത്രമായ 'ബൾട്ടി' നിറഞ്ഞ സദ്ദസുകളിൽ പ്രദർശനം തുടരുകയാണ്. സൈലൻ്റായി വന്ന്…
മലയാളത്തിൻ്റെ മഹാനടന്മാരായ മമ്മൂട്ടി, മോഹൻലാൽ എന്നിവരെ കേന്ദ്ര കഥാപാത്രങ്ങളാക്കി മഹേഷ് നാരായണൻ ഒരുക്കുന്ന മൾട്ടിസ്റ്റാർ ചിത്രത്തിന്റെ ടൈറ്റിൽ ടീസർ പുറത്ത്.…
സെന്ന ഹെഗ്ഡെയുടെ സംവിധാനത്തിൽ ഒരുങ്ങുന്ന ‘അവിഹിതം’ ചിത്രത്തിന്റെ സെൻസറിങ് പൂർത്തിയായി. ഒക്ടോബർ പത്തിന് പ്രദർശനത്തിനൊരുങ്ങുന്നു സിനിമയ്ക്ക് U/A സർട്ടിഫിക്കറ്റ് ആണ്…
പ്രേക്ഷകരെ ആകാംഷയുടെ മുൾമുനയിൽ നിർത്തിയ ബ്ലോക്ക് ബസ്റ്റർ ചിത്രം കിഷ്കിന്ധ കാണ്ഡത്തിനു ശേഷം തിരക്കഥാകൃത്ത് ബാഹുൽ രമേശും സംവിധായകൻ ദിൻജിത്…
മാത്യു തോമസിനെ നായകനാക്കി, പ്രശസ്ത എഡിറ്റർ നൗഫൽ അബ്ദുള്ള ആദ്യമായി സംവിധാനം ചെയ്ത 'നെല്ലിക്കാംപൊയിൽ നൈറ്റ് റൈഡേഴ്സ്' എന്ന റൊമാൻ്റിക്…
This website uses cookies.