ഇന്ന് ജന്മദിനം ആഘോഷിക്കുന്ന യുവസൂപ്പർതാരം പൃഥ്വിരാജ് സുകുമാരന് ആശംസകൾ അർപ്പിച്ചു കൊണ്ട് മോഹൻലാൽ നായകനായ എമ്പുരാൻ എന്ന ചിത്രത്തിലെ പൃഥ്വിരാജ് കഥാപാത്രത്തിന്റെ ഫസ്റ്റ് ലുക്ക് പുറത്ത് വിട്ടു. ചിത്രത്തിലെ നായകനായ മോഹൻലാൽ തന്നെയാണ് ഈ ഫസ്റ്റ് ലുക്ക് പോസ്റ്റർ റിലീസ് ചെയ്തിരിക്കുന്നത്. ദൈവത്താൽ ഉപേക്ഷിക്കപ്പെട്ട, ചെകുത്താനാൽ വളർത്തപ്പെട്ട, ചക്രവർത്തിയുടെ പടനായകൻ എന്ന വിശേഷണത്തോടെയാണ് ഈ പോസ്റ്റർ റിലീസ് ചെയ്തിരിക്കുന്നത്.
പൃഥ്വിരാജ് തന്നെ സംവിധാനവും ചെയ്യുന്ന ഈ ബ്രഹ്മാണ്ഡ ചിത്രം , അദ്ദേഹം മോഹൻലാലിനെ നായകനാക്കി ഒരുക്കുന്ന തുടർച്ചയായ മൂന്നാമത്തെ ചിത്രമാണ്. ഇവർ ആദ്യമായി ഒന്നിച്ച ലൂസിഫറിന്റെ രണ്ടാം ഭാഗമാണ് എമ്പുരാൻ. മോഹൻലാൽ അവതരിപ്പിക്കുന്ന ഖുറേഷി എബ്രഹാം എന്ന കഥാപാത്രത്തിന്റെ വലം കൈ ആയ സയ്ദ് മസൂദ് എന്ന അംഗരക്ഷകനെയാണ് പൃഥ്വിരാജ് ഇതിൽ അവതരിപ്പിക്കുന്നത്.
മുരളി ഗോപി രചിച്ച ഈ ബിഗ് ബഡ്ജറ്റ് ചിത്രം നിർമിക്കുന്നത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ, ലൈക്ക പ്രൊഡക്ഷൻസ് എന്നിവർ ചേർന്നാണ്. അടുത്ത വർഷം മാർച്ചിലാണ് ചിത്രം റിലീസ് ചെയ്യുക. ടോവിനോ തോമസ്, മഞ്ജു വാര്യർ, ഇന്ദ്രജിത് സുകുമാരൻ എന്നിവരും വേഷമിടുന്ന ഈ ചിത്രത്തിന് സംഗീതമൊരുക്കുന്നത് ദീപക് ദേവ്, കാമറ ചലിപ്പിക്കുന്നത് സുജിത് വാസുദേവ്.
ഇപ്പോൾ കേരളത്തിൽ ഷൂട്ടിംഗ് പുരോഗമിക്കുന്ന ഈ ചിത്രം അടുത്ത മാസത്തോടെ പൂർത്തിയാവും. മുംബൈ, അബുദാബി, മൊറോക്കോ എന്നിവിടങ്ങളിലാണ് ഇനി ചിത്രത്തിന്റെ ഷൂട്ടിംഗ് പ്ലാൻ ചെയ്തിരിക്കുന്നത്. ചിത്രത്തിന്റെ താരനിരയെ കുറിച്ചുള്ള കൂടുതൽ വിവരങ്ങൾ വൈകാതെ പുറത്ത് വിടുമെന്നാണ് സൂചന.
നടൻ സൂര്യയുടെ കരിയറിലെ തന്നെ ഏറ്റവും വലിയ ചിത്രമായ കങ്കുവ റിലീസിന് ഒരുങ്ങുകയാണ്. സ്റ്റുഡിയോ ഗ്രീനിന്റെ ബാനറിൽ കെ ഇ…
ഗുരുവായൂരമ്പലനടയിലിന് ശേഷം വീണ്ടും പൃഥ്വിരാജ് - വിപിൻ ദാസ് കോംബോ..! ഇത്തവണ കൂടെ മാജിക് ഫ്രെയിംസും ലിസ്റ്റിൻ സ്റ്റീഫനും. പിറന്നാൾ…
ദുൽഖർ സൽമാൻ നായകനായ പാൻ ഇന്ത്യൻ ചിത്രം ലക്കി ഭാസ്കറിലെ ഏറ്റവും പുതിയ വീഡിയോ ഗാനം പുറത്ത്. ജി വി…
സൂപ്പർസ്റ്റാർ രജനീകാന്ത് നായകനായ വേട്ടയ്യൻ റിലീസ് ചെയ്ത് ആദ്യ വീക്കെൻഡിൽ നേടിയ ആഗോള കളക്ഷൻ 240 കോടിക്ക് മുകളിൽ. കേരളത്തിലും…
സായ് ദുർഗ തേജ് നായകനാവുന്ന രോഹിത് കെ പി ചിത്രത്തിലെ 'ഇൻട്രൂഡ് ഇൻ ടു ദ വേൾഡ് ഓഫ് ആർക്കാഡി'…
മെഗാസ്റ്റാർ മമ്മൂട്ടിയെ നായകനാക്കി മഹേഷ് നാരായണൻ ഒരുക്കാൻ പോകുന്ന ചിത്രത്തിൽ മലയാളത്തിലെ മറ്റൊരു മെഗാതാരമായ മോഹൻലാൽ അതിഥി വേഷം ചെയ്യുന്നു…
This website uses cookies.