മലയാളത്തിന്റെ യുവ സൂപ്പർ താരമായ പൃഥ്വിരാജ് സുകുമാരൻ ഇപ്പോൾ അൽഫോൻസ് പുത്രൻ ഒരുക്കുന്ന ഗോൾഡ് എന്ന ചിത്രത്തിൽ അഭിനയിക്കുകയാണ്. ഈ ചിത്രം ലിസ്റ്റിൻ സ്റ്റീഫനോപ്പം ചേർന്ന് നിർമ്മിക്കുന്നതും പൃഥ്വിരാജ് തന്നെയാണ്. ഇതിനു മുൻപ് മോഹൻലാൽ നായകനായ ബ്രോ ഡാഡി എന്ന ചിത്രം പൃഥ്വിരാജ് സംവിധാനം ചെയ്തു പൂർത്തിയാക്കിയിരുന്നു. പൃഥ്വിരാജ് അഭിനയിക്കുക കൂടി ചെയ്ത ഈ ചിത്രത്തിന്റെ പോസ്റ്റ് പ്രൊഡക്ഷൻ ജോലികളും ഇപ്പോൾ നടക്കുന്നുണ്ട്. ഇനി ഷാജി കൈലാസ് ഒരുക്കുന്ന കടുവ, ഡിജോ ജോസ് ആന്റണി ഒരുക്കുന്ന ജനഗണമന എന്നീ ചിത്രങ്ങളുടെ ബാക്കി ഭാഗവും കൂടി പൂർത്തിയാക്കുന്ന പൃഥ്വിരാജ്, സിനിമയിൽ നിന്ന് മൂന്നു മാസത്തെ ബ്രേക്ക് എടുക്കുമെന്നും അതിനു ശേഷം ബ്ലെസ്സി ഒരുക്കുന്ന ആട് ജീവിതം എന്ന ചിത്രത്തിന് വേണ്ടി വീണ്ടും ശരീര ഭാരം കുറക്കുമെന്നുമാണ് റിപ്പോർട്ടുകൾ വരുന്നത്.
എന്നാൽ പുതിയ വിവരങ്ങൾ പ്രകാരം, അതിനു മുൻപ് പൃഥ്വിരാജ് ഒരു വമ്പൻ പാൻ ഇന്ത്യൻ ചിത്രത്തിൽ അഭിനയിക്കും. പ്രഭാസിനെ നായകനാക്കി പ്രശാന്ത് നീൽ സംവിധാനം ചെയ്യുന്ന സലാർ എന്ന ചിത്രമായിരിക്കും അതെന്നാണ് സൂചന. ഈ ബിഗ് ബഡ്ജറ്റ് ചിത്രത്തിൽ പൃഥ്വിരാജ് അഭിനയിക്കുമെന്നുള്ള സ്ഥിതീകരിക്കാത്ത റിപ്പോർട്ടുകൾ ഇപ്പോൾ സോഷ്യൽ മീഡിയയിൽ പ്രചരിക്കുന്നുണ്ട്. താൻ ഒരു പാൻ ഇന്ത്യ ചിത്രത്തിന്റെ ഭാഗമാകുന്നു എന്ന് പൃഥ്വിരാജ് നേരത്തെ വെളിപ്പെടുത്തിയിരുന്നു എങ്കിലും അത് ഏതെന്നു പുറത്തു പറഞ്ഞിരുന്നില്ല. പ്രശാന്ത് നീൽ ഒരുക്കിയ കെ ജി എഫ് രണ്ടാം ഭാഗം അടുത്ത വർഷം മാർച്ച്/ ഏപ്രിൽ മാസങ്ങളിൽ പുറത്തു വരുമെന്നാണ് സൂചന. സലാർ എന്ന ചിത്രത്തിന്റെ ഷൂട്ടിംഗ് ആരംഭിച്ചിട്ട് ഇപ്പോൾ കുറെ നാളായിട്ടുണ്ട്. ഏതായാലൂം പൃഥ്വിരാജ് ഇതിൽ ഉണ്ടോ എന്ന കാര്യത്തിലുള്ള ഔദ്യോഗിക പ്രഖ്യാപനം ഉടനെ വരുമെന്നാണ് പ്രതീക്ഷ.
ജനപ്രിയ നായകൻ ദിലീപ് നായകനായ പവി കെയർ ടേക്കർ അഞ്ചു ദിവസം പിന്നടുമ്പോൾ മികച്ച അഭിപ്രയത്തോടൊപ്പം ബോക്സ് ഓഫീസിലും മിന്നുന്ന…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന 'പെരുമാനി'യുടെ ട്രെയിലർ പുറത്തിറങ്ങി. കത്തിക്കാനും കലഹങ്ങളുണ്ടാക്കാനും…
https://youtu.be/BByOSYKXwY0 വിനീത് കുമാറിന്റെ സംവിധാനത്തിൽ ദിലീപ് കേന്ദ്ര കഥാപാത്രമാകുന്ന ചിത്രം “പവി കെയർ ടേക്കർ” ന്റെ മഹാ വിജയമാണ് ഇപ്പോൾ…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവരെ കേന്ദ്ര കഥാപാത്രങ്ങളാക്കി മജു സംവിധാനം ചെയ്യുന്ന ഏറ്റവും പുതിയ സിനിമയാണ്…
ജനപ്രിയ നായകൻ ദിലീപ് നായകനായ പവി കെയർ ടേക്കർ റീലിസ് ആയി രണ്ടു ദിവസം പിന്നടുമ്പോൾ മികച്ച അഭിപ്രയത്തോടൊപ്പം ബോക്സ്…
മികച്ച പ്രതികരണങ്ങൾ നേടി തിയേറ്ററിൽ മുന്നേറുന്ന ജനപ്രിയ നായകൻ ദിലീപിനെ നായകനാക്കി വിനീത് കുമാര് സംവിധാനം ചെയ്ത പവി കെയര്…
This website uses cookies.