രഞ്ജിത് ശങ്കർ എന്ന പ്രശസ്ത സംവിധായകൻ ചെയ്ത രണ്ടാമത്തെ ചിത്രമാണ് അർജുനൻ സാക്ഷി. പാസഞ്ചർ എന്ന ഹിറ്റ് ചിത്രത്തിന് ശേഷം രഞ്ജിത് ശങ്കർ ഒരുക്കിയ ഈ ചിത്രത്തിൽ പൃഥ്വിരാജ് സുകുമാരൻ ആയിരുന്നു നായകൻ. വളരെ വ്യത്യസ്തമായ രീതിയിൽ കഥ പറഞ്ഞ ഈ ത്രില്ലർ അന്ന് തീയേറ്ററുകളിൽ വലിയ വിജയം നേടിയില്ല എങ്കിലും പിന്നീട് പ്രേക്ഷകരുടെ അഭിനന്ദനം നേടി എടുത്തിരുന്നു. അതിനു ശേഷം രഞ്ജിത് ശങ്കർ ചെയ്ത മോളി ആന്റി റോക്ക്സ് എന്ന ചിത്രത്തിലും പൃഥ്വിരാജ് ആയിരുന്നു നായകൻ. എന്നാൽ ആ ചിത്രവും മികച്ച അഭിപ്രായം നേടിയത് ഒഴിച്ചാൽ ഒരു വലിയ വിജയം ബോക്സ് ഓഫീസിൽ കരസ്ഥമാക്കാൻ കഴിയാതെ പോയ ഒരു ചിത്രം ആയിരുന്നു. പിന്നീട് ജയസൂര്യയുമായി ചേർന്ന് കരിയറിലെ വമ്പൻ വിജയങ്ങൾ സ്വന്തമാക്കിയ രഞ്ജിത് ശങ്കർ പൃഥ്വിരാജ് സുകുമാരനുമായി ഒരിക്കൽ കൂടി ഒരു ചിത്രം ചെയ്യാൻ തയ്യാറെടുക്കുകയാണ്.
രഞ്ജിത് ശങ്കർ തന്നെയാണ് ഈ ചിത്രത്തെ കുറിച്ച് ഇന്ന് അനൗൺസ് ചെയ്തത്. തന്റെ പുതിയ സ്വപ്നം എന്ന് രഞ്ജിത് ശങ്കർ വിശേഷിപ്പിച്ച ഈ ചിത്രത്തിൽ ഒരു ജീവിതകാലത്തിനിടയിൽ തന്നെ ഒൻപതു ജീവിതകാലത്തിന്റെ അനുഭവങ്ങളിലൂടെ കടന്നു പോയ ഒരു ചെറുപ്പക്കാരന്റെ കഥയാണ് പറയുന്നത്. ആ ചെറുപ്പക്കാരൻ ആയി പൃഥ്വിരാജ് സുകുമാരൻ അഭിനയിക്കും. ഈ ചിത്രത്തിലൂടെ പൃഥ്വിരാജ് ഒരു വലിയ വിജയം തന്നെയാണ് രഞ്ജിത് ശങ്കർ ലക്ഷ്യമാക്കുന്നത് എന്ന് ചുരുക്കം.
ദി ഗ്രേറ്റ് ഫാദർ എന്ന മമ്മൂട്ടി ചിത്രത്തിന് ശേഷം ഓഗസ്റ്റ് സിനിമാസിൽ നിന്ന് പുറത്തു വന്ന പൃഥ്വിരാജ് ഈ രഞ്ജിത് ശങ്കർ ചിത്രത്തിന്റെ സഹ നിർമ്മാതാവ് കൂടി ആയിരിക്കും. ഡ്രീംസ് ആൻഡ് ബീയോണ്ട് എന്ന ബാനറിൽ രഞ്ജിത് ശങ്കർ തന്നെ ആയിരിക്കും ഈ ചിത്രത്തിന്റെ നിർമ്മാണ പങ്കാളിത്തവും നിർവഹിക്കുക. ഈ ചിത്രം എന്ന് തുടങ്ങും എന്നോ ചിത്രത്തെ കുറിച്ചുള്ള മറ്റു വിവരങ്ങളോ ഇപ്പോൾ പുറത്തു വിട്ടിട്ടില്ല. ഏതായാലും അടുത്ത വർഷം അവസാനത്തോടെ മാത്രമേ ഈ ചിത്രത്തിന്റെ ജോലികൾ തുടങ്ങാൻ സാധ്യത ഉള്ളു എന്നാണ് റിപ്പോർട്ടുകൾ സൂചിപ്പിക്കുന്നത്.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ബുക്കിങ്ങ് ആരംഭിച്ചു. ലോകമെമ്പാടും ചിത്രത്തിന്റെ ബുക്കിങ്ങ് അതിവേഗത്തിലാണ് നടക്കുന്നത്. നിമിഷനേരം…
"മഞ്ഞുമ്മൽ ബോയ്സ്" നിർമ്മാതാക്കൾക്കെതിരായ ക്രിമിനൽ നടപടികൾക്ക് കോടതിയുടെ സ്റ്റേ. സൗബിൻ്റെ പിതാവ് സമർപ്പിച്ച ഹർജിയിലാണ് കോടതിയുടെ ഇടക്കാല ഉത്തരവ്. കേസിലെ…
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
This website uses cookies.