പ്രശസ്ത സംവിധായകൻ ബ്ലെസി, യുവ സൂപ്പർ താരം പൃഥ്വിരാജ് സുകുമാരനെ നായകനാക്കി സംവിധാനം ചെയ്യുന്ന ബിഗ് ബജറ്റ് ചിത്രമാണ് ആട് ജീവിതം. ബെന്യാമിന്റെ ഇതേ പേരിലുള്ള ക്ലാസിക് നോവലിനെ അടിസ്ഥാനപ്പെടുത്തി ബ്ലെസ്സി തന്നെ രചിച്ച ഈ ചിത്രത്തിന്റെ ഷൂട്ടിംഗ് ഇപ്പോഴും പൂർത്തിയായിട്ടില്ല. ഇതിന്റെ രണ്ടാം ഷെഡ്യൂളിന് വേണ്ടി ഈ കഴിഞ്ഞ മാർച്ചിൽ ജോർദാനിൽ പോയ ഷൂട്ടിംഗ് സംഘം കൊറോണ ഭീഷണിയെ തുടർന്നുണ്ടായ ലോക്ക് ഡൌൺ കാരണം അവിടെ ഒരു മരുഭൂമിയിൽ കുടുങ്ങിയിരുന്നു. മെയ് അവസാനമാണ് അവർക്കു തിരിച്ചു വരാനായത്. മൂന്നു മാസത്തോളം അവിടെ ഉണ്ടായിരുന്നു എങ്കിലും അതിൽ ഒരു മാസത്തോളം മാത്രമാണ് അവർക്കു ഷൂട്ടിംഗ് നടത്താനായത്. ബാക്കി സമയം മുഴുവൻ സിനിമാ സെറ്റിൽ ക്രിക്കറ്റ് കളിച്ചും മറ്റും സമയം ചിലവിടുകയായിരുന്നു അംഗങ്ങൾ. ഇപ്പോഴിതാ അവിടുത്തെ ക്രിക്കറ്റ് കളിയുടെ ദൃശ്യങ്ങൾ സോഷ്യൽ മീഡിയ വഴി പങ്കു വെച്ചുകൊണ്ട് മുന്നോട്ടു വന്നിരിക്കുന്നത് നായകൻ പൃഥ്വിരാജ് സുകുമാരൻ തന്നെയാണ്.
താൻ ബാറ്റ് ചെയ്യുന്നതിന്റെയും ബോൾ എറിയുന്നതിന്റെയും ചിത്രങ്ങളാണ് സോഷ്യൽ മീഡിയ വഴി പൃഥ്വിരാജ് പങ്കു വെച്ചിരിക്കുന്നത്. ആ ചിത്രങ്ങൾ കഴിഞ്ഞ ദിവസം മുതൽ തന്നെ സോഷ്യൽ മീഡിയയിൽ വൈറലാണ്. ബാറ്റ് ചെയ്യുന്ന ചിത്രം പങ്കു വെച്ച് കൊണ്ട് പൃഥ്വിരാജ് പറയുന്നത്, രോഹിത് ശർമയെ പോലെ ഒരു പുൾ ഷോട്ട് അടിക്കാൻ പ്ലാൻ ചെയ്താണ് കളിച്ചതെങ്കിലും താൻ ആ ഷോട്ട് കളിച്ചു ഷോർട്ട് മിഡ് വിക്കറ്റിൽ ക്യാച്ച് നൽകി ഔട്ട് ആവുകയായിരുന്നു എന്നാണ്. മെയ് അവസാനം തിരിച്ചു നാട്ടിലെത്തിയ പൃഥ്വിരാജ്, സർക്കാർ നിർദേശിച്ച ക്വറന്റീൻ പൂർത്തിയാക്കി തന്റെ കുടുംബത്തിനൊപ്പം ചേർന്ന് കഴിഞ്ഞു. എന്നാൽ ആട് ജീവിതം ടീമിലെ ഒരു അംഗത്തിന് കോവിഡ് ബാധിച്ചതായി റിപ്പോർട്ടുകൾ വന്നിരുന്നു.
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
പാലേരി മാണിക്യം എന്ന ചിത്രത്തിന്റെ റീ റിലീസിന് ശേഷം മറ്റൊരു മമ്മൂട്ടി ക്ലാസിക് കൂടി റീ റിലീസായി പ്രേക്ഷകരുടെ മുന്നിലേക്ക്.…
This website uses cookies.