പ്രശസ്ത മലയാള നടൻ സുകുമാരൻ ഓർമയായിട്ടു ഇന്നേക്ക് 23 വർഷങ്ങൾ. 1997 ജൂൺ പതിനാറിനാണ് ഹൃദയാഘാതം മൂലം സുകുമാരൻ അന്തരിച്ചത്. പ്രശസ്ത നടി മല്ലിക ഭാര്യയും അതുപോലെ ഇന്നത്തെ മലയാള സിനിമയുടെ അവിഭാജ്യ ഘടകങ്ങളായ ഇന്ദ്രജിത്ത്, പൃഥ്വിരാജ് എന്നീ മക്കളുമാണ് സുകുമാരന്റെ കുടുംബം. അച്ഛൻ വിട വാങ്ങി 23 വർഷം തികയുന്ന ഈ വേളയിൽ, ഇന്ദ്രജിത്ത്, പൃഥ്വിരാജ്, പൃഥ്വിരാജ് സുകുമാരന്റെ ഭാര്യ സുപ്രിയ മേനോൻ തുടങ്ങിയവർ സോഷ്യൽ മീഡിയയിൽ പോസ്റ്റ് ചെയ്ത വാക്കുകൾ ഏറെ ശ്രദ്ധ നേടുന്നുണ്ട്. അച്ഛനെ എന്നും മിസ് ചെയ്യുന്നു എന്ന് ഇന്ദ്രജിത്ത് കുറിച്ചപ്പോൾ, പൃഥ്വിരാജ് കുറിച്ചത് അച്ഛന് അഭിമാനമാവാൻ കഴിഞ്ഞുവെന്ന് വിശ്വസിക്കുന്നു എന്നും അച്ഛനെ ഒരുപാട് മിസ് ചെയ്യുന്നു എന്നുമാണ്.
മരുമകളായ സുപ്രിയ മേനോൻ കുറിച്ചത് താൻ ഒപ്പം ജീവിക്കുന്ന ആളിൽ അച്ഛന്റെ ഒരംശം എന്നും കാണാറുണ്ട് എന്നും, അദ്ദേഹം കാഴ്ചയിലും പെരുമാറ്റത്തിലും മാത്രമല്ല മനോഭാവത്തിലും അച്ഛനെ പോലെയെന്ന് എല്ലാവരും പറയാറുണ്ട് എന്നുമാണ്. ഇതെല്ലാം കാണാൻ മകൾ അല്ലിക്കും തനിക്കും കഴിഞ്ഞിരുന്നെങ്കിൽ എന്നാഗ്രഹിക്കാറുണ്ട് എന്നും പറഞ്ഞ സുപ്രിയ, എന്നും തങ്ങൾ അച്ഛനെ സ്നേഹത്തോടെ ഓർത്തിരിക്കുമെന്നും പറയുന്നു. പൃഥ്വിരാജുമായി രൂപ സാദൃശ്യമുള്ള സുകുമാരന്റെ ഒരു പഴയ ഫോട്ടോയും സുപ്രിയ പങ്കു വെച്ചിട്ടുണ്ട്. ഇവർക്ക് പുറമെ മലയാളത്തിന്റെ സൂപ്പർ താരമായ മോഹൻലാലും സുകുമാരന് ഓർമ്മ പൂക്കൾ അർപ്പിച്ച് മുന്നോട്ടു വന്നിട്ടുണ്ട്. 80 കളിൽ മലയാള സിനിമയിലെ താര സാന്നിധ്യമായിരുന്ന സുകുമാരൻ ഒരു നിർമ്മാതാവ് കൂടിയായിരുന്നു. നായകനും വില്ലനും സഹനടനുമായി ഒരുപാട് ചിത്രങ്ങളിലൂടെ പ്രേക്ഷകരുടെ മനസ്സു കീഴടക്കിയ താരമാണ് സുകുമാരൻ.
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
This website uses cookies.