മലയാളത്തിന്റെ യുവ സൂപ്പർതാരമായ പൃഥ്വിരാജ് സുകുമാരൻ ഇപ്പോൾ അറിയപ്പെടുന്ന ഒരു സംവിധായകൻ കൂടിയാണ്. കംപ്ലീറ്റ് ആക്ടർ മോഹൻലാലിനെ നായകനാക്കി ലൂസിഫർ എന്ന ബ്ലോക്ക്ബസ്റ്റർ ചിത്രമൊരുക്കിയാണ് പൃഥ്വിരാജ് സംവിധായകനായി അരങ്ങേറ്റം കുറിച്ചത്. അതിനു ശേഷം ഇപ്പോൾ മോഹൻലാലിനെ തന്നെ നായകനാക്കി ബ്രോ ഡാഡി എന്ന തന്റെ രണ്ടാമത്തെ ചിത്രവും പൃഥ്വിരാജ് സംവിധാനം ചെയ്തു. ഒരു ഫാമിലി കോമഡി എന്റെർറ്റൈനെർ ആയ ഈ ചിത്രം റിലീസ് ആയിട്ടില്ല. പൃഥ്വിരാജ് സുകുമാരൻ ഒരുക്കുന്ന അടുത്ത രണ്ടു ചിത്രങ്ങളിലും നായകൻ മോഹൻലാൽ തന്നെയാണ്. അത് രണ്ടും ലൂസിഫർ എന്ന ചിത്രത്തിന്റെ രണ്ടും മൂന്നും ഭാഗങ്ങൾ ആയാവും ഒരുക്കുക. ഇപ്പോഴിതാ, അതിനു ശേഷം പൃഥ്വിരാജ് ചെയ്യാൻ പോകുന്ന പ്രൊജക്റ്റും തീരുമാനമായി കഴിഞ്ഞു എന്നുള്ള റിപ്പോർട്ടുകൾ ആണ് വരുന്നത്. ലൂസിഫർ സീരിസിന് ശേഷം പൃഥ്വിരാജ് ഒരുക്കാൻ പോകുന്നത് ഒരു ഹിന്ദി വെബ് സീരിസ് ആണ്.
ആ വെബ് സീരീസിലെ നായക വേഷവും പൃഥ്വിരാജ് തന്നെയാണ് ചെയ്യുക. ഇന്ത്യയുടെ ബിസ്ക്കറ്റ് കിംഗ് എന്നറിയപ്പെടുന്ന രാജൻ പിള്ളയുടെ ജീവിത കഥയാണ് ഈ വെബ് സീരിസിലൂടെ പ്രേക്ഷകരുടെ മുന്നിൽ എത്തിക്കുക. രാജൻ പിള്ളയുടെ വളർച്ചയും വീഴ്ചയുമാണ് ഈ വെബ് സീരിസിന്റെ പ്രമേയം. യോഡ്ലീ ഫിലിംസ് ആണ് ഈ വെബ് സീരിസ് നിർമ്മിക്കാൻ പോകുന്നത്. നേരത്തെ ലൂസിഫർ സീരിസ് വെബ് സീരിസ് ആയി ചെയ്യാനുള്ള ഓഫറും പൃഥ്വിരാജ് സുകുമാരന് ഹിന്ദിയിൽ നിന്നും വന്നിരുന്നു. മുരളി ഗോപി രചിക്കുന്ന ലൂസിഫർ സീരീസിൽ മോഹൻലാലിനൊപ്പം പൃഥ്വിരാജ് സുകുമാരനും അഭിനയിക്കുന്നുണ്ട്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ് ലൂസിഫർ സീരിസ് നിർമ്മിക്കുന്നത്. അടുത്ത വർഷമാണ് ലൂസിഫർ രണ്ടാം ഭാഗം ആരംഭിക്കുക.
ബ്ലോക്ബസ്റ്റർ ഹിറ്റായ കല്യാണി പ്രിയദർശൻ - ഡൊമിനിക് അരുൺ ചിത്രം "ലോക" യുടെ രണ്ടാം ഭാഗത്തിൽ ടോവിനോ തോമസ് നായകനായി…
ഷറഫുദീൻ പ്രൊഡക്ഷൻസിന്റെ ബാനറിൽ ഷറഫുദീൻ നിർമ്മിക്കുന്ന ചിത്രം "പെറ്റ് ഡിറ്റക്ടീവ്" റിലീസിന് ഒരുങ്ങുകയാണ്. ഇപ്പോഴിതാ ചിത്രത്തിൻ്റെ തീം സോങ് പുറത്ത്…
ദേശീയ, സംസ്ഥാന പുരസ്കാരജേതാവായ സെന്ന ഹെഗ്ഡെയുടെ ഏറ്റവും പുതിയ ചിത്രത്തിന്റെ ട്രെയിലർ പുറത്തിറങ്ങി. ‘അവിഹിതം’ എന്ന പേരിൽ പുറത്തിറങ്ങുന്ന ചിത്രത്തിന്റെ…
ദേശീയ പുരസ്കാര ജേതാവായ സംവിധായകൻ സജിൻ ബാബുവിന്റെ പുതിയ ചിത്രം, 'തീയേറ്റർ: ദ മിത്ത് ഓഫ് റിയാലിറ്റി' റഷ്യയിലെ കാസാനിൽ…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ പുറത്ത്.…
നവ്യ നായർ, സൗബിൻ ഷാഹിർ എന്നിവരെ കേന്ദ്ര കഥാപാത്രങ്ങളാക്കി റത്തീന സംവിധാനം ചെയ്യുന്ന "പാതിരാത്രി" എന്ന ചിത്രത്തിൻ്റെ ടീസർ നാളെ…
This website uses cookies.