പൃഥ്വിരാജ്, ബിജു മേനോൻ എന്നിവരെ കേന്ദ്ര കഥാപാത്രങ്ങളാക്കി സച്ചി സംവിധാനം ചെയ്ത ചിത്രമാണ് അയ്യപ്പനും കോശിയും. അനാർക്കലി എന്ന സൂപ്പർഹിറ്റ് ചിത്രത്തിന് ശേഷം ഈ കൂട്ടുക്കെട്ട് വീണ്ടും ഒന്നിച്ചപ്പോൾ മറ്റൊരു ഹിറ്റ് തന്നെയാണ് മലയാളികൾക്ക് സമ്മാനിച്ചത്. തിരകഥാകൃത്തായി മലയാള സിനിമയിലേക്ക് കടന്നു വന്ന സച്ചിയുടെ രണ്ടാമത്തെ സംവിധാന സംരഭമാണ് അയ്യപ്പനും കോശിയും. ഒരു പോലീസ്ക്കാരന്റെയും വിരമിച്ച പട്ടാളക്കാരന്റെയും പ്രതികാരത്തിന്റെ കഥ പറയുന്ന ചിത്രത്തിൽ വേറിട്ടൊരു മേക്കിങ് തന്നെയാണ് സച്ചി സ്വീകരിച്ചത്. അയ്യപ്പനും കോശിയും തീയറ്ററിൽ കണ്ടപ്പോൾ കൈയടിച്ച നിമിഷത്തെ കുറിച്ചു പൃഥ്വിരാജ് ഒരു അഭിമുഖത്തിൽ വെളിപ്പെടുത്തിയിരിക്കുകയാണ്.
ബിജു മേനോന്റെ അയ്യപ്പൻ നായർക്ക് വേണ്ടിയാണ് താൻ തീയറ്ററിൽ കൂടുതൽ കൈയടിച്ചതെന്ന് പൃഥ്വിരാജ് തുറന്ന് പറഞ്ഞിരിക്കുകയാണ്. ബിജു മേനോന്റെ കരിയറിൽ ഒരു വഴിത്തിരിവ് സൃഷ്ട്ടിക്കാൻ സാധ്യതയുള്ള കഥാപാത്രമാണ് അയ്യപ്പൻ നായരെന്ന് റിലീസ് മുന്നോടിയായി പൃഥ്വിരാജ് പറഞ്ഞിരുന്നു. സച്ചി കഥ പറഞ്ഞതിന് ശേഷം ഇഷ്ടമുള്ള കഥാപാത്രം തിരഞ്ഞെടുക്കാനുള്ള അവസരം തന്നപ്പോൾ താൻ കോശിയുടെ കഥാപാത്രമാണ് തിരഞ്ഞെടുത്തതെന്നും പൃഥ്വിരാജ് തുറന്ന് പറഞ്ഞിരിക്കുകയാണ്. കോശി കുര്യൻ കുറെ ലയറുകളുള്ള ക്യാരക്ടർ ആണെന്നും കോശിയാണ് സിനിമയുടെ തീം വെച്ചു നോക്കുമ്പോൾ പ്രതിനായകനെന്നും താരം സൂചിപ്പിക്കുകയുണ്ടായി. ബിജു മേനോൻ ഹീറോ ആയിട്ട് അഭിനയിക്കുമ്പോൾ താൻ വില്ലനായി അഭിനയിക്കുമോ എന്ന സച്ചിയുടെ ചോദ്യത്തിന് അത് ഒരിക്കലും തനിക്ക് ഒരു ഇഷ്യു ആയിരിക്കില്ല എന്നാണ് പൃഥ്വിരാജ് മറുപടി നൽകിയത്. അയ്യപ്പൻ നായർ എന്ന കഥാപാത്രം തനിക്ക് ചെയ്യാൻ തോനാഞ്ഞതിന് കാരണം അയ്യപ്പൻ നായരുടെ കാസ്റ്റിംഗിൽ താൻ നൂറ് ശതമാനം സംതൃപ്തനായിരുന്നു എന്ന് പൃഥ്വിരാജ് കൂട്ടിച്ചേർത്തു.
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
പാലേരി മാണിക്യം എന്ന ചിത്രത്തിന്റെ റീ റിലീസിന് ശേഷം മറ്റൊരു മമ്മൂട്ടി ക്ലാസിക് കൂടി റീ റിലീസായി പ്രേക്ഷകരുടെ മുന്നിലേക്ക്.…
പ്രേമലു എന്ന ചിത്രത്തിന്റെ മഹാവിജയത്തോടെ മലയാള സിനിമാപ്രേമികളുടെ പ്രിയങ്കരനായി മാറിയിരിക്കുകയാണ് നസ്ലൻ ഗഫൂർ എന്ന യുവതാരം. തണ്ണീർ മത്തൻ ദിനങ്ങൾ…
പ്രേക്ഷകർ ഏറെ ആകാംഷയോടെ കാത്തിരുന്ന ഒരു കട്ടിൽ ഒരു മുറിയിലെ "നെഞ്ചിലെ" എന്ന ഗാനം യുട്യൂബിൽ റിലീസ് ചെയ്തു. രഘുനാഥ്…
This website uses cookies.