[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

വീണ്ടും ലംബോർഗിനി സ്വന്തമാക്കി പൃഥ്വിരാജ് സുകുമാരൻ

മലയാളത്തിലെ സിനിമാ താരങ്ങളിൽ വാഹനങ്ങളോട് ഏറെ കമ്പമുള്ള നടന്മാരിലൊരാളാണ് യുവ സൂപ്പർ താരമായ പൃഥ്വിരാജ് സുകുമാരൻ. കാറുകളോടാണ് പൃഥ്വിരാജ് കൂടുതൽ കമ്പം കാണിക്കാറുള്ളത്. അതുകൊണ്ട് തന്നെ ഒട്ടേറെ കാറുകളാണ് അദ്ദേഹത്തിന്റെ വാഹന ശേഖരത്തിലുള്ളത്. അതിൽ തന്നെ മലയാളത്തിലെ സിനിമാ താരങ്ങളിൽ ആദ്യം ലംബോർഗിനി സ്വന്തമാക്കിയതും പൃഥ്വിരാജ് സുകുമാരനാണ്. ഇപ്പോഴിതാ വീണ്ടും ഒരു ലംബോർഗിനി മേടിച്ചിരിക്കുകയാണ് പൃഥ്വിരാജ്. ലംബോര്ഗിനിയുടെ പുതിയ മോഡലാണ് പൃഥ്വിരാജ് വാങ്ങിയിരിക്കുന്നത്. കഴിഞ്ഞ ദിവസമാണ് ഇതിന്റെ ഡെലിവറി പൃഥ്വിരാജ് സുകുമാരന് ലഭിച്ചത്. അതിന്റെ ചിത്രങ്ങളും വീഡിയോകളും ഇപ്പോൾ സോഷ്യൽ മീഡിയയിൽ വൈറലാണ്. ലംബോര്‍ഗിനിയുടെ എസ്.യു.വി. മോഡലായ ഉറുസാണ് പൃഥ്വിരാജിന്റെ വാഹന ശേഖരത്തില്‍ പുതിയതായി അദ്ദേഹം ചേർത്തിരിക്കുന്നത്. 2019-ല്‍ രജിസ്റ്റര്‍ ചെയ്ത വാഹനമാണ് അദ്ദേഹം സ്വന്തമാക്കിയിരിക്കുന്നതെന്നും ഏറ്റവും പുതിയ വാഹമനല്ല ഇതെന്നും റിപ്പോർട്ടുകൾ വരുന്നുണ്ട്. എന്ത് വിലക്കാണ് പൃഥ്വിരാജ് ഇപ്പോഴിത് സ്വന്തമാക്കിയതെന്നത് പുറത്തു വന്നിട്ടില്ല.

എന്നാൽ 4.35 കോടി രൂപയായിരുന്നു 2019-ല്‍ ഈ വാഹനത്തിന്റെ എക്‌സ്‌ഷോറൂം വില എന്നത് സോഷ്യൽ മീഡിയ തപ്പിയെടുത്തിട്ടുണ്ട്. കേരളത്തിലെ പ്രീമിയം യൂസ്ഡ് കാര്‍ ഡീലര്‍ഷിപ്പായ റോയല്‍ ഡ്രൈവില്‍ നിന്നാണ് കേരളാ രജിസ്‌ട്രേഷനിലുള്ള ഈ പുത്തൻ ലംബോര്‍ഗിനി ഉറുസ് മലയാളത്തിന്റെ യുവ സൂപ്പർ താരം സ്വന്തമാക്കിയിരിക്കുന്നത്. അതോടൊപ്പം തന്നെ തന്റെ കയ്യിൽ നേരത്തെ ഉണ്ടായിരുന്ന ലംബോര്‍ഗിനി ഹുറാകാന്‍ എക്‌സ്‌ചേഞ്ച് ചെയ്താണ് പൃഥ്വിരാജ് ഉറുസ് എസ്.യു.വി ഇപ്പോൾ മേടിച്ചതെന്നും വാർത്തകൾ പറയുന്നു. 2018-ലാണ് പൃഥ്വിരാജ് ഹുറകാന്‍ എന്ന ലംബോർഗിനി വാങ്ങിയത്. ആടുജീവിതം എന്ന ബ്ലെസി ചിത്രത്തിന്റെ വിദേശ ഷെഡ്യൂൾ പൂർത്തിയാക്കി ഈ അടുത്തിടെയാണ് പൃഥ്വിരാജ് ജോർദാനിൽ നിന്ന് തിരിച്ചെത്തിയത്.

webdesk

Recent Posts

“വരവ് “അറിയിച്ച് ഷാജി കൈലാസും ജോജു ജോർജും.

ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…

2 weeks ago

പുതു വർഷത്തിൽ പുത്തൻ ചുവട് വെയ്പ്പുമായി ലിസ്റ്റിൻ സ്റ്റീഫന്റെ സൗത്ത് സ്റ്റുഡിയോസ്

പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…

2 weeks ago

എപിക് സ്‌ക്രീനുകളിൽ റിലീസ് ചെയ്യാൻ “ലോക”

ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…

1 month ago

പ്രഭാസ്- പ്രശാന്ത് വർമ്മ ചിത്രത്തിൽ നായികയായി ഭാഗ്യശ്രീ ബോർസെ?

പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…

1 month ago

തെലുങ്കിൽ വിസ്മയിപ്പിച്ചു വെങ്കിടേഷ് വി പി; ‘കിങ്‌ഡം’ വില്ലന് ഗംഭീര പ്രശംസ

വിജയ് ദേവരകൊണ്ട നായകനായ "കിങ്‌ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…

1 month ago

കാർത്തി ചിത്രമൊരുക്കാൻ തരുൺ മൂർത്തി?

മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…

1 month ago

This website uses cookies.