മലയാള സിനിമയിലെ പ്രശസ്തരായ യുവ നടിമാരിൽ ഒരാളാണ് പ്രയാഗ മാർട്ടിൻ. പത്തു വർഷം മുൻപ് സാഗർ ഏലിയാസ് ജാക്കി എന്ന മോഹൻലാൽ- അമൽ നീരദ് ചിത്രത്തിലൂടെ ബാല താരമായി ആയാണ് പ്രയാഗ മാർട്ടിൻ മലയാള സിനിമയിൽ എത്തിയത്. അതിനു ശേഷം നായികാ വേഷത്തിലും മലയാളത്തിൽ തിളങ്ങിയ പ്രയാഗ ഇപ്പോൾ ഏകദേശം പതിനഞ്ചോളം സിനിമകളുടെ ഭാഗമായി. പിസാസ്സ് എന്ന തമിഴ് ചിത്രത്തിലും അഭിനയിച്ച പ്രയാഗയുടെ അവസാനം റിലീസ് ചെയ്ത ചിത്രം പൃഥ്വിരാജ് സുകുമാരനെ നായകനാക്കി കലാഭവൻ ഷാജോൺ ഒരുക്കിയ ബ്രദേഴ്സ് ഡേ ആയിരുന്നു. ഇപ്പോഴിതാ തന്റെ ബിരുദ പഠനം വിജയകരമായി പൂർത്തിയാക്കിയ വിവരം ആരാധകരെ അറിയിച്ച പ്രയാഗക്കു സോഷ്യൽ മീഡിയയുടെ അഭിനന്ദനങ്ങൾ ലഭിക്കുകയാണ്.
സിനിമാ ജീവിതത്തിലെ തിരക്കുകൾക്ക് ഇടയിലും പഠനത്തിന് സമയം കണ്ടെത്തി മികച്ച രീതിയിൽ തന്നെ തന്റെ ബിരുദ പഠനം പൂർത്തിയാക്കിയ പ്രയാഗ ബിരുദധാരി ആയി നിൽക്കുന്ന ഫോട്ടോ സോഷ്യൽ മീഡിയയിൽ പങ്കു വെച്ചു. അച്ഛനും അമ്മക്കും ഒപ്പമുള്ള ചിത്രവും പ്രയാഗ പങ്കു വെച്ചിട്ടുണ്ട്. എറണാകുളം സെന്റ് തെരേസാസ് കോളേജില് ഇംഗ്ലീഷ് ലിറ്ററേച്ചര് ആന്റ് കമ്മ്യൂണിക്കേഷന് ആണ് പ്രയാഗ പഠിച്ചത്. തന്റെ അച്ഛനും അമ്മയ്ക്കും അധ്യാപകർക്കും കൂട്ടുകാർക്കും നന്ദി പറഞ്ഞ പ്രയാഗ, തന്റെ പഠനത്തെ ബാധിക്കാത്ത രീതിയിൽ തനിക്കു ഷൂട്ടിംഗ് സെറ്റിൽ നിന്നെല്ലാം ലീവ് അനുവദിച്ചു തന്ന സംവിധായകർ, നിർമ്മാതാക്കൾ എന്നിവർക്കും നന്ദി പറയുന്നു.
ഉണ്ണി മുകുന്ദന്റെ നായികയായി എത്തിയ ഒരു മുറൈ വന്ത് പാർത്തായ എന്ന ചിത്രമായിരുന്നു നായികയായി പ്രയാഗക്കു വലിയ പോപ്പുലാരിറ്റി നേടിക്കൊടുത്ത ചിത്രം. മികച്ച ഒരു നർത്തകി കൂടിയായ പ്രയാഗ സ്റ്റേജ് ഷോകളിലെ തന്റെ നൃത്തം കൊണ്ടും ഏറെ കയ്യടി നേടിയെടുത്തിട്ടുണ്ട്. പഠനം കഴിഞ്ഞ സ്ഥിതിക്ക് ഇനി സിനിമയിൽ കൂടുതലായി ഈ നടിയെ നമ്മുക്ക് കാണാൻ സാധിക്കും എന്ന് പ്രതീക്ഷിക്കാം. ഏതായാലും സിനിമയുടെ വെള്ളിവെളിച്ചത്തിൽ നിൽക്കുമ്പോഴും തന്റെ പഠനം കൈവിടാതെ മുന്നോട്ടു കൊണ്ട് പോവുകയും , ഇപ്പോൾ ബിരുദധാരി ആയി മാറുകയും ചെയ്ത പ്രയാഗക്കു ഏവരും അഭിനന്ദനം ചൊരിയുകയാണ്.
രഘുനാഥ് പലേരിയുടെ രചനയിൽ ഷാനവാസ് ബാവക്കുട്ടി സംവിധാനം ചെയ്ത ഒരു കട്ടിൽ ഒരു മുറി കഴിഞ്ഞ ദിവസമാണ് പ്രേക്ഷകരുടെ മുന്നിലെത്തിയത്.…
മലയാളത്തിന്റെ മഹാനടൻ മോഹൻലാലിനെ നായകനാക്കി L360 എന്ന് താത്കാലികമായി പേര് നൽകിയിരിക്കുന്ന ചിത്രം ഒരുക്കുകയാണ് പ്രശസ്ത സംവിധായകൻ തരുൺ മൂർത്തി.…
സെക്കന്റ് ഷോ, കൂതറ, ബ്ലോക്ക്ബസ്റ്റർ ദുൽഖർ സൽമാൻ ചിത്രമായ കുറുപ്പ് എന്നിവക്ക് ശേഷം ശ്രീനാഥ് രാജേന്ദ്രൻ ഒരുക്കാൻ പോകുന്ന പുതിയ…
ദളപതി വിജയ് നായകനായെത്തുന്ന അവസാന ചിത്രമാണ് ദളപതി 69 . എച്ച് വിനോദ് ഒരുക്കുന്ന ഈ ചിത്രത്തിന്റെ പൂജ ഒക്ടോബർ…
2019 ൽ പുറത്തിറങ്ങി സൂപ്പർ വിജയം നേടിയ ചിത്രമാണ് കുമ്പളങ്ങി നൈറ്റ്സ്. കേരളത്തിന് അകത്തും പുറത്തും പ്രേക്ഷക- നിരൂപക പ്രശംസ…
കഴിഞ്ഞ വർഷം പ്രഖ്യാപിക്കപ്പെട്ട ഒരു വമ്പൻ തമിഴ് ചിത്രമാണ് സുധ കൊങ്കര- സൂര്യ എന്നിവര് ഒന്നിക്കുന്ന രണ്ടാമത്തെ ചിത്രമായ ‘പുറനാനൂറ്'.…
This website uses cookies.