കമ്പ്ലീറ്റ് ആക്ടർ മോഹൻലാലിൻറെ മകൻ പ്രണവ് മോഹൻലാൽ നായകനാകുന്ന ആദി എന്ന ചിത്രത്തിലെ ആദ്യ സോങ് വീഡിയോ ഇന്നലെ ആറു മണിക്ക് റിലീസ് ചെയ്തു. ജീത്തു ജോസഫ് തിരക്കഥ എഴുതി സംവിധാനം ചെയ്ത ഈ ചിത്രത്തിന് സംഗീത സംവിധാനം നിർവഹിച്ചിരിക്കുന്നത് അനിൽ ജോൺസൻ ആണ്. സൂര്യനെ എന്ന് തുടങ്ങുന്ന ഈ ഗാനം രചിച്ചിരിക്കുന്നത് സന്തോഷ് വർമയും പാടിയിരിക്കുന്നത് നജിം അർഷാദുമാണ്. ഗംഭീര പ്രേക്ഷക പ്രതികരണം ആണ് ഈ ഗാനം നേടിയെടുക്കുന്നത്. മനോഹരമായ ദൃശ്യങ്ങളും പ്രണവ് മോഹൻലാലിൻറെ രംഗങ്ങളുമാണ് ഈ ഗാനത്തിന്റെ ഏറ്റവും വലിയ സവിശേഷതകൾ. ഇപ്പോൾ തന്നെ ഈ വര്ഷം പുറത്തു വന്ന ഏറ്റവും മികച്ച ഗാനങ്ങളുടെ പട്ടികയിൽ ഈ ഗാനം ഇടം നേടി കഴിഞ്ഞു എന്ന് തന്നെയാണ് പ്രേക്ഷക പ്രതികരണം സൂചിപ്പിക്കുന്നത്. ഈ മെലഡി തങ്ങൾ ഹൃദയത്തിലേറ്റി കഴിഞ്ഞു എന്നാണ് സംഗീതാസ്വാദകർ ഗാനത്തിന് കൊടുക്കുന്ന പ്രതികരണങ്ങൾ പറയുന്നത്. സോഷ്യൽ മീഡിയയിൽ ഈ ഗാനം ഇപ്പോഴേ തരംഗമായി കഴിഞ്ഞു.
ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ഈ ചിത്രം ഈ വരുന്ന ജനുവരി 26 നു റിലീസ് ചെയ്യും. ഒരു ഫാമിലി ത്രില്ലർ ആയി നിർമ്മിച്ചിരിക്കുന്ന ഈ ചിത്രത്തിൽ പ്രണവിന്റെ മികച്ച ആക്ഷൻ രംഗങ്ങളും ഉണ്ടെന്നാണ് റിപ്പോർട്ടുകൾ പറയുന്നത്. ഈ ചിത്രത്തിന് വേണ്ടി പ്രണവ് ഒരു ഇംഗ്ലീഷ് ഗാനം രചിച്ചു ആലപിച്ചിട്ടും ഉണ്ട്. സതീഷ് കുറുപ്പ് ഛായാഗ്രഹണം നിർവഹിച്ചിരിക്കുന്ന ആദി എഡിറ്റ് ചെയ്തിരിക്കുന്നത് അയൂബ് ഖാൻ ആണ്. ബാല താരം ആയി അഭിനയിച്ചു സംസ്ഥാന അവാർഡ് നേടിയിട്ടുള്ള പ്രണവ് നായകൻ ആയി അരങ്ങേറുന്ന ചിത്രമാണ് ആദി. പ്രണവിന് പുറമെ സിദ്ദിഖ്, ലെന, ജഗപതി ബാബു, ഷറഫുദീൻ, സിജു വിൽസൺ, കൃഷ്ണ ശങ്കർ, അദിതി രവി, അനുശ്രീ എന്നിവരും ഈ ചിത്രത്തിൽ അഭിനയിച്ചിട്ടുണ്ട്.
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
പായൽ കപാഡിയയുടെ 'ഓൾ വി ഇമാജിൻ ആസ് ലൈറ്റ്' (പ്രഭയായ് നിനച്ചതെല്ലാം) 2024 സെപ്റ്റംബർ 21 മുതൽ കേരളത്തിൽ പ്രദർശനം…
ഒരു വലിയ ഇടവേളക്ക് ശേഷം ആക്ഷൻ സൂപ്പർസ്റ്റാർ സുരേഷ് ഗോപി വക്കീൽ വേഷത്തിലെത്തുന്ന ചിത്രമാണ് 'ജെ.എസ്.കെ' (ജാനകി v\s സ്റ്റേറ്റ്…
തമിഴ്നാട്ടിൽ ജയിലറിനെ മറികടന്ന് ദളപതി വിജയ്യുടെ ഗോട്ട്. തമിഴ്നാട് നിന്ന് മാത്രം 200 കോടി നേട്ടത്തിലേക്ക് കുതിക്കുന്ന ഈ ചിത്രം…
This website uses cookies.