ദിലീപ് ചിത്രത്തിൽ വമ്പൻ താരനിര; അതിഥി വേഷത്തിൽ പ്രണവ് മോഹൻലാൽ?
ജനപ്രിയ നായകൻ ദിലീപ് നായകനായ രണ്ട് വമ്പൻ ചിത്രങ്ങളാണ് ഇപ്പോൾ റിലീസിനൊരുങ്ങുന്നത്. അരുൺ ഗോപി സംവിധാനം ചെയ്ത ബാന്ദ്ര, രതീഷ് രഘുനന്ദൻ ഒരുക്കിയ തങ്കമണി എന്നിവയാണവ. നവംബർ പത്തിനായിരിക്കും ബാന്ദ്ര റിലീസ് ചെയ്യുകയെന്ന വാർത്തകളാണ് ഇപ്പോൾ വരുന്നത്. എന്നാൽ ഒക്ടോബർ 27 ന് ജന്മദിനമാഘോഷിക്കുന്ന ദിലീപിന്റെ പുതിയ ചിത്രത്തിന്റെ പ്രഖ്യാപനവും അതേ ദിവസമുണ്ടാവുമെന്ന വാർത്തകളാണ് സോഷ്യൽ മീഡിയയുടെ ശ്രദ്ധ നേടുന്നത്. ഈ ചിത്രവുമായി ബന്ധപ്പെട്ട അനൗദ്യോഗികമായ ചില വിവരങ്ങളും സമൂഹ മാധ്യമങ്ങളിൽ വൈറലാവുന്നുണ്ട്. വിനീത് ശ്രീനിവാസന്റെ സംവിധാന സഹായിയായ ധനഞ്ജയ് ശങ്കർ ഒരുക്കുന്ന ചിത്രമാണ് ദിലീപ് പ്രഖ്യാപിക്കാൻ പോകുന്നതെന്നും ഇതിന് തിരക്കഥ രചിച്ചിരിക്കുന്നത് ഫാഹിം സഫർ, നൂറിൻ ഷെരീഫ് എന്നിവർ ചേർന്നാണെന്നും റിപ്പോർട്ടുകൾ പറയുന്നു.
അഹമ്മദ് കബീർ ഒരുക്കിയ മധുരം എന്ന ചിത്രത്തിന്റെ രചയിതാക്കളിൽ ഒരാളാണ്, പ്രശസ്ത നടൻ കൂടിയായ ഫാഹിം സഫർ. ദിലീപിനൊപ്പം വിനീത് ശ്രീനിവാസൻ, അർജുൻ അശോകൻ, അജു വർഗീസ് എന്നിവരും വേഷമിടുമെന്ന് കരുതപ്പെടുന്ന ഈ ചിത്രത്തിൽ പ്രണവ് മോഹൻലാൽ അതിഥി വേഷത്തിലുമെത്തുമെന്ന് സൂചനയുണ്ട്. ഏതായാലും ഒക്ടോബർ 27 ന് ദിലീപിന്റെ ജന്മദിനം പ്രമാണിച്ച് ഒരുപിടി വലിയ അപ്ഡേറ്റുകളാണ് ആരാധകർ പ്രതീക്ഷിക്കുന്നത്. ബാന്ദ്ര ട്രൈലെർ, തങ്കമണി ടീസർ, പുത്തൻ ചിത്രത്തിന്റെ പ്രഖ്യാപനം, വിനീത് കുമാർ സംവിധാനം ചെയ്യുന്ന പുത്തൻ ചിത്രത്തിന്റെ ടൈറ്റിൽ പ്രഖ്യാപനം തുടങ്ങിയയൊക്കെ ആരാധകർ കാത്തിരിക്കുന്ന അപ്ഡേറ്റുകളാണ്. ബാന്ദ്ര റിലീസ് തീയതിയും ഒഫീഷ്യലായി ഉടനെ പുറത്തു വരുമെന്നാണ് പ്രതീക്ഷിക്കപ്പെടുന്നത്. ഈ വർഷം റിലീസ് ചെയ്ത ഏക ദിലീപ് ചിത്രമായ വോയ്സ് ഓഫ് സത്യനാഥൻ വലിയ വിജയം നേടിയിരുന്നു.
ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…
പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…
ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…
പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…
വിജയ് ദേവരകൊണ്ട നായകനായ "കിങ്ഡം" എന്ന തെലുങ്കു ചിത്രത്തിലെ പ്രകടനത്തിന് മലയാളി താരം വെങ്കിടേഷ് വി പി ക്ക് വമ്പൻ…
മോഹൻലാൽ നായകനായ മലയാളത്തിലെ ഇൻഡസ്ട്രി ഹിറ്റ് ചിത്രം "തുടരും" ഒരുക്കിയ തരുൺ മൂർത്തിക്കൊപ്പം ഒന്നിക്കാൻ തമിഴ് നടൻ കാർത്തി എന്ന്…
This website uses cookies.