”പുത്തൻപള്ളി ജോസായി ചെമ്പൻ വിനോദ് ;പൊറിഞ്ചു മറിയം ജോസിലെ പുതിയ കാരക്ടർ പോസ്റ്റർ എത്തി

ഒരിടവേളക്ക് ശേഷം മാസ്റ്റർ ഡയറക്ടർ ജോഷി സംവിധാനം ചെയ്യുന്ന ചിത്രമാണ് പൊറിഞ്ചു മറിയം . കഴിഞ ദിവസങ്ങളിൽ ഈ ചിത്രത്തിലെ രണ്ടു കാരക്ടർ പോസ്റ്റർ റിലീസ് ചെയ്തിരുന്നു .കാട്ടാളൻ പൊറിഞ്ചുമായി ജോജുവും ,ആലപ്പാട്ട് മറിയാമായി നയില ഉഷയുടെയും പോസ്റ്ററുകൾക് മികച്ച പ്രതികാരണമാണ് സോഷ്യൽമീഡിയയിൽ ലഭിച്ചത് .ഇപ്പോഴിതാ ഈ ചിത്രത്തിലെ പുതിയ കാരക്ടർ പോസ്റ്റർ റിലീസ് ചെയ്തു കഴിഞ്ഞു.ചെമ്പൻ വിനോദ് അവതരിപ്പിക്കുന്ന പുത്തൻപള്ളി ജോസ് എന്ന കഥാപാത്രത്തിന്റെ പോസ്റ്റർ ആണ് ഇപ്പോൾ റിലീസ് ചെയ്തിരിക്കുന്നത് .ലിജോ ജോസ് ഒരുക്കുന്ന ജെല്ലിക്കെട്ടിനു ശേഷം ചെമ്പൻ വിനോദും കേന്ദ്ര കഥാപാത്രം ആയെത്തുന്ന ചിത്രമാണ് ഇത്.

ഇപ്പോൾ ചിത്രീകരണം പുരോഗമിച്ചു കൊണ്ടിരിക്കുന്ന ഈ ചിത്രത്തിന് കാമറ ചലിപ്പിക്കുന്നത് അജയ് ഡേവിഡ് കാച്ചപ്പിള്ളിയും ഇതിനു സംഗീതം ഒരുക്കുന്നത് പ്രശസ്ത സന്ഗീത സംവിധായകൻ ആയ ജേക്സ് ബിജോയും ആണ്. ശ്യാം ശശിധരൻ ആണ് ഈ ചിത്രത്തിന്റെ എഡിറ്റർ. അഭിലാഷ് എൻ ചന്ദ്രൻ രചന നിർവഹിച്ചിരിക്കുന്ന ഈ ചിത്രം നിർമ്മിക്കുന്നത് ഡേവിഡ് കാച്ചപ്പിള്ളി, റെജിമോൻ എന്നിവർ ചേർന്ന് ഡേവിഡ് കാച്ചപ്പിള്ളി പ്രൊഡക്ഷൻസ് , കീർത്തന മൂവീസ് എന്നിവയുടെ ബാനറിൽ ആണ്.