ഒട്ടേറെ ചിത്രങ്ങളിലൂടെ മലയാള സിനിമാ പ്രേമികളുടെ പ്രിയതാരമായ ചെമ്പൻ വിനോദ് വിവാഹിതനായി. ശാന്തിപുരം സ്വദേശിനി മറിയം തോമസിനെയാണ് ചെമ്പൻ വിനോദ് ജീവിത സഖിയാക്കിയത്. സൈക്കോളജിസ്റ്റായ മറിയം ഒരു സുമ്പ ട്രൈനർ കൂടിയാണ്. ഈ വർഷം ഫെബ്രുവരി മാസത്തിൽ വിവാഹം രജിസ്റ്റർ ചെയ്തെങ്കിലും ഇപ്പോഴാണ് ചടങ്ങുകൾ പൂർത്തിയാക്കിയത്. ഭാര്യയോടൊപ്പമുള്ള ചിത്രങ്ങൾ ചെമ്പൻ വിനോദ് ഇന്ന് പങ്കു വെച്ചു. 2010 ല് ലിജോ ജോസ് പെല്ലിശ്ശേരി സംവിധാനം ചെയ്ത നായകന് എന്ന ചിത്രത്തിലൂടെയാണ് ചെമ്പൻ വിനോദ് മലയാള സിനിമയിലേക്ക് കടന്നു വരുന്നത്. സഹനടനായും വില്ലനായും, നായകനായുമെല്ലാം തിളങ്ങിയിട്ടുള്ള ഈ നടൻ ഇന്ന് മലയാള സിനിമയുടെ പുതിയ തലമുറയിലെ ഏറ്റവും മികച്ച നടന്മാരിലൊരാളായാണ് വിലയിരുത്തപ്പെടുന്നത്.
ലിജോ ജോസ് പെല്ലിശ്ശേരി ഒരുക്കിയ ആമേൻ, ഈ മാ യൗ, ജെല്ലിക്കെട്ട് എന്നീ ചിത്രങ്ങൾ ഈ നടന്റെ കരിയറിൽ വഴിതിരിവുകളായ വേഷങ്ങളാണ്. അതുപോലെ തന്നെ ചെമ്പൻ വിനോദ് തിളങ്ങിയ മറ്റു ചിത്രങ്ങളാണ് ഒപ്പം, പൊറിഞ്ചു മറിയം ജോസ്, ഡബ്ബിൾ ബാരൽ, ഡാർവിന്റെ പരിണാമം, ട്രാൻസ്, സപ്തമശ്രീ തസ്കരാ, ഇയ്യോബിന്റെ പുസ്തകം, സ്വാതന്ത്ര്യം അർദ്ധരാത്രിയിൽ, ഒരു സെക്കന്റ് ക്ലാസ് യാത്ര, ആടു ഒരു ഭീകര ജീവിയാണ് എന്നിവ. 2018 ഇൽ ഗോവ അന്താരാഷ്ട്ര ചലചിത്രോത്സവത്തിൽ മികച്ച നടനുള്ള പുരസ്കാരവും ചെമ്പൻ വിനോദിനെ തേടിയെത്തിയിരുന്നു. ലിജോ ജോസ് പെല്ലിശ്ശേരി ഒരുക്കിയ അങ്കമാലി ഡയറീസ് രചിച്ച ചെമ്പൻ വിനോദ് നിർമ്മാതാവ് കൂടിയാണ്. ആഷിഖ് അബു, വിജയ് ബാബു, ആൻ അഗസ്റ്റിൻ, അനുമോൾ, രഞ്ജിത് ശങ്കർ, ലിജോ ജോസ് പെല്ലിശ്ശേരി തുടങ്ങി ഒട്ടേറെ പേർ ചെമ്പൻ വിനോദിന് വിവാഹാശംസകളുമായി എത്തിയിട്ടുണ്ട്.
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
പാലേരി മാണിക്യം എന്ന ചിത്രത്തിന്റെ റീ റിലീസിന് ശേഷം മറ്റൊരു മമ്മൂട്ടി ക്ലാസിക് കൂടി റീ റിലീസായി പ്രേക്ഷകരുടെ മുന്നിലേക്ക്.…
പ്രേമലു എന്ന ചിത്രത്തിന്റെ മഹാവിജയത്തോടെ മലയാള സിനിമാപ്രേമികളുടെ പ്രിയങ്കരനായി മാറിയിരിക്കുകയാണ് നസ്ലൻ ഗഫൂർ എന്ന യുവതാരം. തണ്ണീർ മത്തൻ ദിനങ്ങൾ…
പ്രേക്ഷകർ ഏറെ ആകാംഷയോടെ കാത്തിരുന്ന ഒരു കട്ടിൽ ഒരു മുറിയിലെ "നെഞ്ചിലെ" എന്ന ഗാനം യുട്യൂബിൽ റിലീസ് ചെയ്തു. രഘുനാഥ്…
This website uses cookies.