ആരാധകനെ ശാസിച്ച് പെർളി മാണിയുടെ ഭർത്താവ് ശ്രീനിഷ് കൈയടി നേടുന്നു

മിനിസ്ക്രീനിൽ ഏറ്റവും സ്വീകാരിതയുള്ള റിയാലിറ്റി ഷോയാണ് ബിഗ് ബോസ്. നടൻ മോഹൻലാലാണ് അവതാരകനായി പരിപാടി മുന്നിൽ നിന്ന് നയിക്കുന്നത്. ബിഗ് ബോസ് സീസൺ 2 ലെ ഏറ്റവും മികച്ച മത്സരാർത്ഥി ആയിരുന്നു രജിത് സർ. ഒരു ഡെയ്‌ലി ടാസ്ക്കിൽ കുസൃതി നിറഞ്ഞ വിദ്യാർത്ഥിയായി അഭിനയിക്കാൻ ആവശ്യപ്പെട്ടപ്പോൾ രജിത് സാറിന്റെ കുസൃതിത്തരം അതിര് വിടുകയും ഒടുക്കം വിടവാങ്ങലിന് വഴി ഒരുക്കിയിരിക്കുകയാണ്. രേഷ്മ എന്ന മത്സരാർത്ഥിയുടെ കണ്ണിൽ മുളക് തേച്ചതിനെ തുടർന്ന് രജിത് സാറിനെ ബിഗ് ബോസ് വീട്ടിൽ നിന്ന് ഇന്നലെ പുറത്താക്കുകയുണ്ടായി. ഇതിലും വലിയ സംഭവങ്ങൾ ബിഗ് ബോസിൽ അരങ്ങേറിയപ്പോൾ ഇത്തരം പുറത്താക്കൽ ഉണ്ടായിട്ടില്ല എന്ന് ചൂണ്ടിക്കാട്ടികൊണ്ട് ഒരുപാട് പേർ രജിത് സാറിന് പിന്തുണയിമായി രംഗത്ത് വന്നിരിക്കുകയാണ്. ഏഷ്യാനെറ്റിലെ സീരിയൽ താരങ്ങൾ മുതൽ നടിനടന്മാർ വരെ രജിത് സാറിന് സ്പോർട്ടുമായി രംഗത്തെത്തിയിരിക്കുകയാണ്.

കഴിഞ്ഞ വർഷത്തെ മത്സരാർത്ഥിയും നടിയും അവതാരികയുമായ പേർളി മാണി രജിത് സാറിനെ ബിഗ് ബോസ് സീസൺ 2 ലെ റിയൽ വിന്നർ എന്ന് അഭിസംബോധന ചെയ്തുകൊണ്ട് ഇൻസ്റ്റാഗ്രാമിൽ അദ്ദേഹത്തിന്റെ ഫോട്ടോ അടക്കം പോസ്റ്റ് ചെയ്യുകയുണ്ടായി. ഒരു സ്ത്രീയുടെ മുഖത്ത് മുളക് തേച്ച ആളിനെ സപ്പോർട്ട് ചെയ്യുവാൻ നിങ്ങൾക്ക് നാണമില്ലേ നിങ്ങളും ഒരു സ്ത്രീയല്ലേ എന്ന് ആരോപിച്ചു യുവാവ് ഒരു കമന്റ് രേഖപ്പെടുത്തുകയുണ്ടായി. “ബ്ലാക്ക് ഷീപ്പ്. ഹാവ് യു എനി വൂൾ” എന്ന രസകരമായ മറുപടിയാണ് പേർളി നൽകിയത്. പേർളിയുടെ ഭർത്താവും കഴിഞ്ഞ ബിഗ് ബോസ് സീസണിലെ മത്സരാർത്ഥിയുമായ ശ്രീനിഷ് ഇതിനോട് വളരെ ശക്തമായി പ്രതികരിച്ചിരിക്കുകയാണ്. കമെന്റ് ചെയ്‌തവനെ പേഴ്‌സണലി അറിയാമെന്നും സീസൺ വൺ മുതൽ തന്റെ ഭാര്യക്കെതിരെ മോശമായ കമന്റ്സ് എടുന്ന വ്യക്തിയാണെന്നും സ്ത്രീ ആണോ പുരുഷനാണോ എന്ന് നീ ഓര്മിപ്പിക്കേണ്ട ആവശ്യമില്ല എന്ന് ശ്രീനിഷ് യുവാവിനെ ശാസിക്കുകയുണ്ടായി. ഇപ്പോൾ സമൂഹ മാധ്യമങ്ങളിൽ നിറഞ്ഞു നിൽകുന്നത് രജിത് സാറിന്റെ വിടവാങ്ങൽ തന്നെയാണ്.