ദിലീപ് നിരപരാധി; ജനങ്ങൾ ക്ഷമ പറയേണ്ടി വരും : പിസി ജോർജ്

നടിയെ ആക്രമിച്ച കേസിൽ അറസ്റ്റിലായ നടൻ ദിലീപിനെ അനുകൂലിച്ചു കൊണ്ട് MLA പിസി ജോർജ് രംഗത്ത്. കേസ് കെട്ടി ചമച്ചത് ആണെന്നും ഒടുവിൽ കേരളത്തിലെ ജനങ്ങൾ ദിലീപിനോട് ക്ഷമ പറയേണ്ടി വരുമെന്നും പിസി ജോർജ് പറയുന്നു.

കേരള മുഖ്യമന്ത്രി പിണറായി വിജയനും ദിലീപിനെ ഉപേക്ഷിച്ചുപോയ സ്ത്രീയും വേദി പങ്കിട്ടതിനു ശേഷമാണ് ഗൂഢാലോചന ഉയര്‍ന്നു വന്നത്. മുന്‍ ഡിജിപി സെന്‍കുമാര്‍ ദിലീപിനെതിരെ തെളിവില്ലെന്ന് പറഞ്ഞതാണ്. എന്നിട്ട് ഒന്നര ദിവസം കഴിഞ്ഞപ്പോള്‍ ദിലീപിനെ അറസ്റ്റ് ചെയ്തു. ഇതില്‍ എന്ത് ന്യായമാണ് ഉള്ളതെന്ന് പിസി ജോര്‍ജ് ചോദിക്കുന്നു.

ഒട്ടേറെ സ്ത്രീകള്‍ കേരളത്തില്‍ ബലാത്സംഗത്തിന് ഇരയാവുന്നുണ്ട്. അവർക്കു വേണ്ടി സിന്ദാബാദ് വിളിക്കാന്‍ അപ്പോഴൊന്നും ആരെയും കണ്ടിട്ടില്ല. സിനിമാ നടിയെ ബലാത്സംഗം ചെയ്തപ്പോള്‍ മാത്രമാണ് സിന്ദാബാദ് വിളിയുമായി ചിലർ വന്നതെന്നും പിസി ജോർജ് പറഞ്ഞു.

അതേ സമയം ദിലീപിന്‍റെ ജ്യാമപേക്ഷ പരിഗണിക്കുന്നത് കോടതി നീട്ടി വെച്ചിരിക്കുകയാണ് ഇപ്പോള്‍. ദിലീപിനെ ചോദ്യം ചെയ്യലിനും തെളിവെടുപ്പിനുമായി കസ്റ്റഡിയില്‍ വേണമെന്ന അന്വേഷണ സംഘത്തിന്‍റെ ആവശ്യം അംഗീകരിച്ച് നടനെ രണ്ടു ദിവസത്തെ പോലീസ് കസ്റ്റഡിയില്‍ വിടുകയും ചെയ്തു.