ഫഹദ് ഫാസിലിന് ആശംസകളുമായി കാർബണിന്റെ ലൊക്കേഷനിൽ പി സി ജോർജ്..

മലയാളത്തിന്റെ പ്രിയ നടൻ ഫഹദ് ഫാസിൽ ഇപ്പോൾ വേണു സംവിധനം ചെയ്യുന്ന കാർബൺ എന്ന ചിത്രത്തിന്റെ തിരക്കിലാണ്. കുറച്ചു ദിവങ്ങൾക്കു മുന്നേ ചിത്രീകരണം ആരംഭിച്ച ഈ ചിത്രം നിർമ്മിക്കുന്നത് സിബി തോട്ടുപുറം ആണ്. മമത മോഹൻദാസ് ചിത്രത്തിൽ നായികയായി എത്തുന്നത് .മുന്നറിയിപ്പിന് ശേഷം വേണു സംവിധാനം ചെയുന്ന ചിത്രമാണ് കാർബൺ

ഇപ്പോൾ പൂഞ്ഞാർ ഭാഗത്തു ചിത്രീകരണം നടന്നു കൊണ്ടിരിക്കുന്ന ഈ ചിത്രത്തിൻറെ ലൊക്കേഷനിൽ പ്രമുഖ രാഷ്ട്രീയ നേതാവായ പി സി ജോർജ് എത്തി ചേരുകയും ഫഹദ് ഫാസിലിന് ആശംസകൾ നേരുകയും ചെയ്തു. കുറച്ചു മലയാള സിനിമകളിൽ അഭിനയിച്ചിട്ടുള്ള വ്യക്തി കൂടിയാണ് പി സി ജോർജ്.

കോട്ടയം, കുട്ടിക്കാനം, ഈരാറ്റുപേട്ട എന്നിവിടങ്ങിലായാണ് ഈ ചിത്രം ഇപ്പോൾ പുരോഗമിച്ചു കൊണ്ടിരിക്കുന്നത്. ഈ വർഷം തന്നെ പ്രദർശനത്തിനെത്താൻ സാധ്യതയുള്ള ഈ ചിത്രത്തിൽ ഫഹദിനും മമത മോഹൻദാസിനും ഒപ്പം മണികണ്ഠൻ ആചാരിയും ഒരു പ്രധാന വേഷം ചെയ്യുന്നുണ്ട്.

ബോളിവുഡ് ക്യാമറാമാൻ ആയ കെ യു മോഹനൻ ഛായാഗ്രഹം നിർവഹിക്കുന്ന ഈ ചിത്രത്തിന് സംഗീതം പകർന്നിരിക്കുന്നത് ബോളിവുഡിൽ നിന്ന് തന്നെയുള്ള പ്രശസ്ത സംവിധായകനും സംഗീതജ്ഞനും ആയ വിശാൽ ഭരദ്വാജ് ആണ്. സിബി എന്ന് പേരുള്ള ഒരു കഥാപാത്രത്തെയാണ് ഫഹദ് ഈ ചിത്രത്തിൽ അവതരിപ്പിക്കുന്നത്.

അൻവർ റഷീദ് സംവിധാനം ചെയ്യുന്ന ട്രാൻസ് എന്ന ചിത്രത്തിന്റെ ആദ്യ ഷെഡ്യൂൾ പൂർത്തിയാക്കിയതിനു ശേഷമാണു ഫഹദ് ഈ ചിത്രത്തിൽ ജോയിൻ ചെയ്തത്. തമിഴ് ചിത്രമായ വേലയ്ക്കാരൻ ആണ് ഫഹദിന്റെ അടുത്ത റിലീസ്. ഫഹദിന്റെ ആദ്യ തമിഴ് ചിത്രമായ വേലയ്ക്കാരൻ സെപ്റ്റംബർ 29 നു പ്രദർശനത്തിന് എത്തും.