ഹേ ജൂഡിന് പ്രശംസയുമായി പാർവതി..!

യുവ താരം നിവിൻ പോളിയെ നായകനാക്കി പ്രശസ്ത സംവിധായകൻ ശ്യാമ പ്രസാദ് ഒരുക്കിയ ഹേ ജൂഡ് കഴിഞ്ഞ വെള്ളിയാഴ്ച തീയേറ്ററുകളിൽ എത്തി. നിരൂപകരുടെയും പ്രേക്ഷകരുടെയും പ്രശംസ ഒരുപോലെ നേടിക്കൊണ്ടാണ് ഈ ചിത്രം ഇപ്പോൾ മുന്നേറുന്നത്. അതോടൊപ്പം സിനിമാ മേഖലയിൽ നിന്നുള്ളവരും ഈ ചിത്രത്തെ പ്രശംസിച്ചു മുന്നോട്ടു വന്നിട്ടുണ്ട്. ഈ ചിത്രത്തിന്റെ വിജയാഘോഷത്തിൽ പങ്കെടുക്കാൻ എത്തിയ നടി പാർവതിയും ഹേ ജൂഡ് കണ്ടതിനു ശേഷം ചിത്രത്തെ ഒരുപാട് പ്രശംസിച്ചു. വളരെ സ്വീറ്റ് ആയ വളരെ അധികം എൻജോയ് ചെയ്യാൻ പറ്റുന്ന ചിത്രമാണ് ഹേ ജൂഡ് എന്ന് പാർവതി അഭിപ്രായപ്പെട്ടു. ശ്യാമ പ്രസാദ് സാറിന്റെ എല്ലാ ചിത്രങ്ങളും താൻ എന്ജോയ് ചെയ്തിട്ടുണ്ടെന്നു പറഞ്ഞ പാർവതി, ഈ ചിത്രം വളരെ വ്യത്യസ്തമാണെന്നും പ്രതികരിച്ചു.

അഭിനേതാക്കളിൽ നിന്ന് അവരുടെ ബെസ്റ്റ് പെർഫോമൻസ് എടുക്കാനുള്ള കഴിവുള്ള സംവിധായകനാണ് ശ്യാമ പ്രസാദ് എന്നും , ഹേ ജൂഡിലും അദ്ദേഹം അത് ചെയ്തിട്ടുണ്ടെന്നും പാർവതി പറയുന്നു. ജൂഡ് ആയി നിവിൻ പോളി മികച്ച അഭിനയം കാഴ്ച വെച്ചപ്പോൾ തൃഷയും തന്റെ കഥാപാത്രം ഭംഗിയായി ചെയ്തു എന്ന് പാർവതി പറഞ്ഞു. ഇത് കൂടാതെ സിദ്ദിഖ്, വിജയ് മേനോൻ, നീന കുറുപ്പ് എന്നിവരേയും പാർവതി പ്രശംസിച്ചു. ഈ ചിത്രത്തിലെ ഓരോ ചെറിയ കഥാപാത്രവും ഈ സിനിമാ കഴിഞ്ഞിറങ്ങുമ്പോഴും നമ്മുടെ കൂടെ ഉണ്ടാകുമെന്നും ഇത്തരത്തിലുള്ള കൂടുതൽ നല്ല സിനിമകൾ മലയാളത്തിൽ ഉണ്ടാകണം എന്നും പാർവതി പറയുന്നു. നിർമ്മൽ സഹദേവ്, ജോർജ് കൊണാട്ട് എന്നിവർ ചേർന്നാണ് ഹേ ജൂഡ് രചിച്ചിരിക്കുന്നത്.