ഈ ഓണക്കാലത്ത് പ്രേക്ഷകരുടെ മുന്നിലെത്തിയ മലയാള ചിത്രങ്ങളിലൊന്നാണ് ബേസിൽ ജോസഫ് നായകനായി അഭിനയിച്ച പാൽത്തു ജാൻവർ. നവാഗതനായ സംഗീത് പി രാജനാണ് ഈ ചിത്രം സംവിധാനം ചെയ്തത്. ഇപ്പോഴിതാ തന്റെ ആദ്യ ചിത്രം നേടിയ വിജയത്തിന് പിന്നാലെ ജീവിതത്തിലും പുതിയ ഇന്നിംഗ്സ് ആരംഭിച്ചിരിക്കുകയാണ് സംഗീത് പി രാജൻ. ഇന്നാണ് സംഗീത് പി രാജന്റെ വിവാഹം കഴിഞ്ഞത്. കരിക്ക് വെബ് സീരിസിലൂടെ ഏറെ ശ്രദ്ധ നേടിയ നടി ശ്രുതിയാണ് സംഗീതിന്റെ വധു. പാൽത്തു ജാൻവറിൽ ശ്രുതി ഒരു പ്രധാന വേഷത്തിൽ അഭിനയിച്ചിട്ടുമുണ്ട്. സംഗീത് തന്നെയാണ് തന്റെ വിവാഹ ചിത്രം സോഷ്യൽ മീഡിയ വഴി പങ്കു വെച്ചത്. സംഗീതിന്റെ ആദ്യ ചിത്രമായ പാൽത്തു ജാൻവർ സെപ്റ്റംബർ രണ്ടിനാണ് റിലീസ് ചെയ്തത്. ആദ്യ ദിനം മുതൽ തന്നെ പ്രേക്ഷകരുടെ കയ്യടി നേടിയ ഈ ചിത്രം നിരൂപകരേയും തൃപ്തിപ്പെടുത്തി. വളരെ റിയലിസ്റ്റിക്കായി, രസകരമായ ഒരു കഥ പറഞ്ഞ ഈ ചിത്രം എല്ലാത്തരം പ്രേക്ഷകരേയും ഒരുപോലെ ആകർഷിച്ചു കൊണ്ടാണിപ്പോൾ മുന്നേറുന്നത്. ഒരു സംവിധായകനെന്ന നിലയിൽ സംഗീത് പുലർത്തിയ കയ്യടക്കം തന്നെയാണ് ഈ ചിത്രത്തിന്റെ മികവിന്റെ കാരണങ്ങളിലൊന്ന്.
ഭാവന സ്റ്റുഡിയോസ്, ഫഹദ് ഫാസിൽ ആൻഡ് ഫ്രണ്ട്സ്, വർക്കിംഗ് ക്ലാസ് ഹീറോ എന്നീ ബാനറുകളിൽ ഫഹദ് ഫാസിൽ, ദിലീഷ് പോത്തൻ, ശ്യാം പുഷ്കരൻ എന്നിവർ ചേർന്ന് നിർമ്മിച്ചിരിക്കുന്ന ഈ ചിത്രം രചിച്ചത് വിനോയ് തോമസ്, അനീഷ് അഞ്ജലി എന്നിവർ ചേർന്നാണ്. തെരുവക്കുന്നെന്ന പഞ്ചായത്തിൽ എത്തുന്ന പ്രസൂൺ എന്ന് പേരുള്ള ലൈവ് സ്റ്റോക്ക് ഇൻസ്പെക്ടറുടെ കഥയാണ് ഈ ചിത്രം നമ്മുടെ മുന്നിലെത്തിച്ചത്. ബേസിൽ ജോസഫിനൊപ്പം ഇന്ദ്രൻസ്, ഷമ്മി തിലകൻ, ദിലീഷ് പോത്തന്, ശ്രുതി സുരേഷ്, ജയ കുറുപ്പ്, ആതിര ഹരികുമാര്, തങ്കം മോഹന്, സ്റ്റെഫി സണ്ണി, വിജയകുമാര്, സിബി തോമസ്, ജോജി ജോണ് എന്നിവരും അഭിനയിച്ച ഈ ചിത്രത്തിന് സംഗീതമൊരുക്കിയത് ജസ്റ്റിൻ വർഗീസാണ്.
മലയാളത്തിലെ പ്രശസ്ത സംവിധായകനായ അൻവർ റഷീദിന്റെ പുതിയ പ്രൊജെക്ടുകളെ കുറിച്ചുള്ള വാർത്തകളാണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്. രാജമാണിക്യം, ചോട്ടാ…
മലയാളത്തിന്റെ മെഗാസ്റ്റാർ മമ്മൂട്ടിയുടെ ഏറ്റവും പുതിയ ലുക്ക് ആണ് ഇപ്പോൾ സോഷ്യൽ മീഡിയയിൽ സംസാര വിഷയം. മുടി പിന്നിലേക്ക് ചീകിയൊതുക്കി,…
കേരളത്തിൽ നിന്ന് മാത്രം 50 കോടി രൂപ ഗ്രോസ് കളക്ഷൻ നേടുന്ന ചിത്രങ്ങളിൽ ഒന്നായി ടോവിനോ തോമസിന്റെ അജയന്റെ രണ്ടാം…
മെഗാബ്ലോക്ക്ബസ്റ്റർ വിജയം നേടി മുന്നേറുന്ന ടോവിനോ തോമസ് ചിത്രം അജയന്റെ രണ്ടാം മോഷണത്തിന് കയ്യടിയുമായി പ്രശസ്ത സംവിധായകൻ ജൂഡ് ആന്റണി…
മാജിക് ഫ്രെയിംസിന്റെ ചരിത്രത്തിലെ ഏറ്റവും വലിയ ബോക്സ് ഓഫീസ് തേരോട്ടമാണ് 3D A.R.M ലൂടെ മലയാള സിനിമ സാക്ഷ്യം വഹിക്കുന്നത്…
ബ്ലോക്ക്ബസ്റ്റർ ഹിറ്റുകൾ മലയാള സിനിമാ പ്രേക്ഷകർക്ക് സമ്മാനിച്ച സുരേഷ് ഗോപി- ജോഷി ടീം വീണ്ടും ഒന്നിക്കുന്നു എന്ന് വാർത്തകൾ. സൂപ്പർ…
This website uses cookies.