ജനപ്രിയ താരം ബിജു മേനോൻ നായകനായി എത്തിയ ഏറ്റവും പുതിയ ചിത്രമായ ഒരു തെക്കൻ തല്ല് കേസ് സൂപ്പർ ഹിറ്റായി മുന്നോട്ട് പോവുകയാണ്. തിരുവോണത്തിന് പ്രേക്ഷകരുടെ മുന്നിലെത്തിയ ഈ ചിത്രം ജി.ആർ. ഇന്ദുഗോപൻ രചിച്ച അമ്മിണിപ്പിള്ള വെട്ടുകേസ് എന്ന പുസ്തകത്തെ അധികരിച്ചു കൊണ്ട് രാജേഷ് പിന്നാടൻ തിരക്കഥ രചിച്ച ചിത്രമാണ്. നവാഗതനായ ശ്രീജിത്ത് എൻ സംവിധാനം ചെയ്ത ഈ ചിത്രത്തിൽ ആക്ഷൻ, കോമഡി, പ്രണയം എന്നിവയെല്ലാം കൃത്യമായി കോർത്തിണക്കിയിട്ടുണ്ട്. പ്രധാന വേഷങ്ങൾ ചെയ്ത ബിജു മേനോൻ, റോഷൻ മാത്യു എന്നിവർ കയ്യടി നേടുന്നതിനൊപ്പം തന്നെ വലിയ പ്രേക്ഷക- നിരൂപക പ്രശംസ നേടുന്നത് ഈ ചിത്രത്തിലെ പ്രധാന സ്ത്രീ കഥാപാത്രങ്ങൾക്ക് ജീവൻ പകർന്ന പദ്മപ്രിയ, നിമിഷ സജയൻ എന്നിവരാണ്. രുഗ്മിണി എന്ന കഥാപാത്രമായി ഗംഭീര പ്രകടനം കാഴ്ച വെച്ച പദ്മപ്രിയ ഒരിടവേളക്ക് ശേഷം വമ്പൻ തിരിച്ചു വരവാണ് നടത്തിയിരിക്കുന്നത്. ബിജു മേനോൻ അവതരിപ്പിച്ച അമ്മിണിപ്പിള്ളയുടെ ഭാര്യയായി ആദ്യാവസാനം നിറഞ്ഞു നിൽക്കുകയാണ് പദ്മപ്രിയ.
ഭർത്താവിനെ ഏറെ സ്നേഹിക്കുന്ന, ഭർത്താവിന്റെ തോൽവി സ്വന്തം തോൽവി പോലെ കാണുന്ന രുഗ്മിണി ചിത്രത്തിന്റെ ക്ളൈമാക്സിനോടടുക്കുമ്പോൾ ഒരു മാസ്സ് കഥാപാത്രമായി മാറുന്നുണ്ട്. അതുപോലെ തന്നെ ഇതിൽ നിമിഷ സജയൻ അവതരിപ്പിച്ച വാസന്തിയും ശ്രദ്ധ നേടുന്നു. റോഷൻ മാത്യു അവതരിപ്പിച്ച പൊടിയനെ സ്നേഹിക്കുന്ന വാസന്തി, അവനെ മാത്രമേ വിവാഹം കഴിക്കു എന്ന നിലപാടിൽ ഉറച്ചു നിൽക്കുന്ന ഒരു കഥാപാത്രമാണ്. ആരുടെ മുന്നിലും പൊടിയനെ തള്ളി പറയാത്ത വാസന്തി, പല സാഹചര്യങ്ങളിലും കാണിക്കുന്ന മനഃശക്തിയും എടുക്കുന്ന നിലപാടുകളും ശ്രദ്ധേയമാണ്. ശ്കതമായ ഈ രണ്ടു സ്ത്രീ കഥാപാത്രങ്ങളാണ് ഒരു തെക്കൻ തല്ല് കേസിന്റെ നട്ടെല്ലായി നിൽക്കുന്നതെന്ന് പറഞ്ഞാലും അതിൽ അതിശയോക്തിയില്ല. രൂപം കൊണ്ടും ഭാവം കൊണ്ടും ഡയലോഗ് ഡെലിവറി കൊണ്ടുമെല്ലാം, പദ്മപ്രിയയും നിമിഷാ സജയനും കഥാപാത്രമായി സ്ക്രീനിൽ ജീവിക്കുകയാണ് ചെയ്തത്. അത്കൊണ്ട് തന്നെ കുടുംബ പ്രേക്ഷകരും ഈ ഫാമിലി എന്റെർറ്റൈനെർ ഇരു കയ്യും നീട്ടിയാണ് സ്വീകരിക്കുന്നത്.
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ബുക്കിങ്ങ് ആരംഭിച്ചു. ലോകമെമ്പാടും ചിത്രത്തിന്റെ ബുക്കിങ്ങ് അതിവേഗത്തിലാണ് നടക്കുന്നത്. നിമിഷനേരം…
"മഞ്ഞുമ്മൽ ബോയ്സ്" നിർമ്മാതാക്കൾക്കെതിരായ ക്രിമിനൽ നടപടികൾക്ക് കോടതിയുടെ സ്റ്റേ. സൗബിൻ്റെ പിതാവ് സമർപ്പിച്ച ഹർജിയിലാണ് കോടതിയുടെ ഇടക്കാല ഉത്തരവ്. കേസിലെ…
മെഗാസ്റ്റാർ മമ്മൂട്ടി നായകനായെത്തുന്ന മാസ്സ് ആക്ഷൻ കോമഡി ചിത്രം 'ടർബോ'യുടെ ട്രെയിലർ റിലീസായി. ദുബായിലെ സിലിക്കോൺ സെൻട്രൽ മാളിൽ വെച്ചാണ് ട്രെയിലർ…
പെരുമാനീലെ കവലയിൽ സ്ഥാപിച്ച നോട്ടീസ് ബോർഡിൽ അപ്രതീക്ഷിതമായ് ഒരു നോട്ടീസ് പ്രത്യക്ഷപ്പെടുന്നു. കലഹങ്ങൾ ഇല്ലാത്ത പെരുമാനി ഗ്രാമത്തിൽ പ്രത്യക്ഷപ്പെട്ട ആ…
വ്യത്യസ്ത ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ സംവിധായകൻ മജു ഒരുക്കിയ ഏറ്റവും പുതിയ ചിത്രമായ പെരുമാനി ഇപ്പോൾ…
ജനപ്രിയ നായകൻ ദിലീപ് കേന്ദ്ര കഥാപാത്രമായ പവി കെയർ ടേക്കർ തീയേറ്ററുകളിൽ വിജയകരമായി പ്രദശനം തുടരുന്നു. റിലീസായി രണ്ടാഴ്ച പിന്നിടുമ്പോഴും…
This website uses cookies.