രഘുനാഥ് പലേരി- ഷാനവാസ് കെ ബാവക്കുട്ടി ചിത്രം ‘ഒരു മുറി ഒരു കട്ടിൽ’ ഇന്ന് മുതൽ; തിയേറ്റർ ലിസ്റ്റ് ഇതാ

രഘുനാഥ് പലേരിയുടെ തിരക്കഥയിൽ ഷാനവാസ് കെ ബാവക്കുട്ടി സംവിധാനം ചെയ്ത ‘ ഒരു കട്ടിൽ ഒരു മുറി’ എന്ന ചിത്രം ഇന്ന് മുതൽ പ്രേക്ഷകരുടെ മുന്നിൽ. ചിത്രത്തിന്റെ തിയേറ്റർ ലിസ്റ്റ് ഇവിടെ ചേർക്കുന്നു. കേരളത്തിൽ മികച്ച റിലീസ് ആണ് ഈ ചിത്രത്തിന് ലഭിച്ചിരിക്കുന്നത്. സപ്ത തരംഗ് ക്രിയേഷൻസ് ആൻഡ് വിക്രമാദിത്യൻ ഫിലിംസിൻ്റെ ബാനറുകളിൽ നിർമ്മിച്ചിരിക്കുന്ന ഈ ചിത്രത്തിൽ ഹക്കിംഷാ, പ്രിയംവദാകൃഷ്ണൻ, പൂർണ്ണിമ ഇന്ദ്രജിത്ത് എന്നിവരാണ് കേന്ദ്ര കഥാപാത്രങ്ങളെ അവതരിപ്പിച്ചിരിക്കുന്നത്.

ഇതിലെ ഒരു ഗാനം, ഇതിന്റെ ട്രൈലെർ എന്നിവ വലിയ പ്രേക്ഷക പ്രീതിയാണ് നേടിയെടുത്തത്. വളരെ വ്യത്യസ്തമായ ഒരു കഥയെ ഏറെ ആകാംഷ നിറക്കുന്ന രീതിയിൽ അവതരിപ്പിക്കുന്ന ചിത്രമാണിതെന്ന സൂചനയാണ് ഇതിന്റെ ട്രൈലെർ നൽകിയത്. അത്കൊണ്ട് തന്നെ ചിത്രത്തെ കുറിച്ചുള്ള പ്രേക്ഷക പ്രതീക്ഷകളും വലുതാണ്. കിസ്മത്ത്, തൊട്ടപ്പൻ, എന്നീ ചിത്രങ്ങൾക്കു ശേഷം ഷാനവാസ് കെ ബാവക്കുട്ടി സംവിധാനം ചെയ്ത ചിത്രമാണിത്.

ഷമ്മി തിലകൻ, വിജയരാഘവൻ, രഘുനാഥ് പലേരി, ജാഫർ ഇടുക്കി, ജനാർദ്ദനൻ, ഗണപതി, സ്വാതി ദാസ് പ്രഭു, പ്രശാന്ത് മുരളി, മനോഹരി ജോയ്, തുഷാരപിള്ള, വിജയകുമാർ, ഹരിശങ്കർ, രാജീവ് വി തോമസ്, ഉണ്ണിരാജാ, ദേവരാജൻ കോഴിക്കോട്, ജിബിൻ ഗോപിനാഥ് എന്നിവരും വേഷമിട്ട ഈ ചിത്രത്തിന്റെ ഛായാഗ്രഹണം – എൽദോസ് ജോർജ്, എഡിറ്റിംഗ്‌ – മനോജ്, കലാസംവിധാനം- അരുൺ ജോസ്, ഗാനങ്ങൾ- അൻവർ അലി, സംഗീതം-പശ്ചാത്തല സംഗീതം – വർക്കി, അങ്കിത് മേനോൻ.