‘ഒരു കടത്തു നാടൻ കഥ’യുടെ പുതിയ പോസ്റ്റർ റിലീസ് ചെയ്യാൻ ടോവിനോ തോമസ്

നവാഗതനായ പീറ്റർ സാജൻ തിരക്കഥ ഒരുക്കി സംവിധാനം ചെയ്ത ഒരു കടത്തു നാടൻ കഥയുടെ പുതിയ പോസ്റ്റർ യുവനടൻ ടോവിനോ തോമസ് സെപ്റ്റംബർ 25 നു റിലീസ് ചെയ്യും. ഷഹീൻ സിദ്ദിഖ്, പ്രദീപ് റാവത്, സലിം കുമാർ, സുധീർ കരമന , ബിജു കുട്ടൻ, നോബി, ശശി കലിംഗ, കോട്ടയം പ്രദീപ്, സാജൻ പള്ളുരുത്തി, എഴുപുന്ന ബൈജു, അബു സലിം, പ്രശാന്ത് പുന്നപ്ര, അഭിഷേക്, രാജ്‌കുമാർ, ജയാ ശങ്കർ, ആര്യ അജിത്, പ്രസീദ, സാവിത്രി ശ്രീധരൻ, സരസ ബാലുശ്ശേരി, അഞ്ജന അപ്പുക്കുട്ടൻ, രാംദാസ് തിരുവില്വാമല, ഷഫീക് എന്നിവരാണ് ഈ ചിത്രത്തിൽ അഭിനയിക്കുന്നത്.

ചിത്രത്തിന്റെ ഫസ്റ്റ് ലുക്ക് പോസ്റ്റർ സെപ്റ്റംബർ 15 ഞായറാഴ്ച റിലീസ് ചെയ്തിരുന്നു. ജനപ്രിയ നായകൻ ദിലീപ് ആണ് തന്റെ ഒഫീഷ്യൽ ഫേസ്ബുക് പേജിലൂടെ പുറത്തു വിട്ട ഈ ചിത്രത്തിന്റെ ഫസ്റ്റ് ലുക്ക് പോസ്റ്റർ മികച്ച പ്രേക്ഷക ശ്രദ്ധ നേടിയെടുത്തിരുന്നു .

എൻജിനിയറിങ്ങ് കഴിഞ്ഞിട്ടും തൊഴിലൊന്നും ഇല്ലാതെ അലയുന്ന ഷാനുവെന്ന കഥാപാത്രത്തിന്റെ ചുറ്റുമാണ് ഈ ചിത്രം വികസിക്കുന്നത്. ഷാനുവിന്റെ ജീവിതത്തിൽ ഒരു ദിവസം രാവിലെ 8 മുതൽ വൈകിട്ട് 6 വരെ നേരിടേണ്ടി വരുന്ന ക്രൂരതകളുടെയും, ബുദ്ധിപൂർവമായ അതിജീവനത്തിന്റെയും കഥയാണ് ഒരു കടത്ത് നാടൻ കഥ എന്ന ചിത്രം നമ്മളോട് പറയുക. നീരാഞ്ജനം സിനിമാസിന്റെ ബാനറിൽ റിഥേഷ് കണ്ണൻ നിർമ്മിച്ച ഈ ചിത്രത്തിനു സംഗീതം ഒരുക്കിയിരിക്കുന്നത് അൽഫോൻസ് ജോസഫ് ആണ്. സംവിധായകനും അനൂപ് മാധവും ചേർന്ന് ആണ് ഈ ചിത്രത്തിന്റെ തിരക്കഥ, സംഭാഷണം എന്നിവ ഒരുക്കിയിരിക്കുന്നത്.