അങ്കമാലി ഡയറീസ് ഫെയിം ആന്റണി വർഗീസ് നായകനായി എത്തുന്ന പുതിയ ചിത്രമായ സ്വാതന്ത്ര്യം അർദ്ധരാത്രിയിൽ എന്ന ചിത്രത്തിന്റെ ട്രെയിലർ തരംഗമാകുന്നു.
നവാഗതനായ ടിനു പാപ്പച്ചൻ സംവിധാനം ചെയ്ത ഈ ചിത്രം നിർമ്മിച്ചിരിക്കുന്നത് ബി സി ജോഷി, ബി ഉണ്ണികൃഷ്ണൻ, ചെമ്പൻ വിനോദ്, ലിജോ ജോസ് പെല്ലിശേരി എന്നിവർ ചേർന്നാണ്. ദിലീപ് കുര്യൻ തിരക്കഥ എഴുതിയിരിക്കുന്ന ഈ ചിത്രം ഒരു ആക്ഷൻ ത്രില്ലർ ആയാണ് ഒരുക്കിയിരിക്കുന്നത്.
ചുരുങ്ങിയ സമയം കൊണ്ട് ഈ നവാഗത സംവിധായകന്റെ ചിത്രത്തിന് ഒരു മില്യൺ വ്യൂസ് ആണ് നേടിക്കഴിഞ്ഞിരിക്കുന്നത. മൂന്ന് ദിവസം മുമ്പ് റീലീസ് ചെയ്ത ട്രയ്ലറിന് ഗംഭീര പ്രതികരണം ആണ് പ്രേക്ഷകരിൽ നിന്നു ലഭിക്കുന്നത്. ചിത്രത്തിന് മേലുള്ള പ്രതീക്ഷകൾ വലിയ രീതിയിൽ വർധിപ്പിക്കാൻ ഈ ഗംഭീര ട്രയ്ലർ കാരണമായിട്ടുണ്ട്.
ഈ ചിത്രത്തിന്റെ പോസ്റ്ററുകൾ എല്ലാം തന്നെ വമ്പൻ ശ്രദ്ധ നേടിയിരിന്നു. ബി ഉണ്ണികൃഷ്ണന്റെ ആർ ഡി ഇല്ലുമിനേഷൻ വിതരണം ചെയ്യുന്ന ഈ ചിത്രം മാർച്ച് അവസാനം പ്രദര്ശനത്തിനെത്തും.
വിനായകൻ, ചെമ്പൻ വിനോദ് എന്നിവരും ഈ ചിത്രത്തിൽ നിർണ്ണായക കഥാപാത്രങ്ങളെ അവതരിപ്പിക്കുന്നുണ്ട്. സംവിധായകൻ ലിജോ ജോസ് പെല്ലിശേരിയും ഈ ചിത്രത്തിന്റെ താര നിരയുടെ ഭാഗം ആണ്. ഗിരീഷ് ഗംഗാധരൻ കാമറ ചലിപ്പിച്ച ഈ ചിത്രം എഡിറ്റ് ചെയ്തത് ഷമീർ മുഹമ്മദും ഈ സിനിമക്കു വേണ്ടി ഗാനങ്ങൾ ഒരുക്കിയത് ജെക്സ് ബിജോയും ആണ്. ദീപക് അലക്സാണ്ടർ ആണ് പശ്ചാത്തല സംഗീതം ഒരുക്കിയിരിക്കുന്നത്.
ട്രെയിലർ സൂപ്പർ ഹിറ്റായി മാറിയതോടെ ഈ ചിത്രം അങ്കമാലി ഡയറീസ് പോലെ മറ്റൊരു റിയലിസ്റ്റിക് ആക്ഷൻ ക്ലാസിക് ആയി മാറുമെന്ന പ്രതീക്ഷയിൽ ആണ് പ്രേക്ഷകർ.
ഉണ്ണി മുകുന്ദനെ നായകനാക്കി ഹനീഫ് അദനി ഒരുക്കുന്ന ആക്ഷൻ ചിത്രം മാർക്കോയുടെ ഏറ്റവും പുതിയ പോസ്റ്റർ സോഷ്യൽ മീഡിയയിൽ വൈറലാവുന്നു.…
മലയാളത്തിന്റെ യുവതാരം ദുൽഖർ സൽമാൻ നായകനായി ഒരു മലയാള ചിത്രം പ്രേക്ഷകരുടെ മുന്നിലെത്തിയത് കഴിഞ്ഞ വർഷം ഓണത്തിനാണ്. അഭിലാഷ് ജോഷിയുടെ…
സൈജു കുറുപ്പ്, വിൻസി അലോഷ്യസ് എന്നിവരെ പ്രധാന കഥാപാത്രങ്ങളാക്കി ഒരുക്കുന്ന 'ഓകെ ഡിയർ' എന്ന ചിത്രത്തിന്റെ മോഷൻ പോസ്റ്റർ പുറത്ത്.…
മലയാളത്തിന്റെ മഹാനടൻ മോഹൻലാലും, മലയാള സിനിമയിൽ വ്യത്യസ്ത ശൈലിയിലൂടെ കഥ പറഞ്ഞ് കൊണ്ട് ലോക ശ്രദ്ധയാകർഷിച്ച സംവിധായകൻ ലിജോ ജോസ്…
മലയാളത്തിന്റെ മെഗാസ്റ്റാർ മമ്മൂട്ടി വീണ്ടും വില്ലനായി എത്തുന്നു എന്ന് വാർത്തകൾ. ഈ വർഷം പുറത്ത് വന്ന ഭ്രമയുഗം എന്ന പീരീഡ്…
മലയാള സിനിമയുടെ 'അമ്മ മുഖം എന്നറിയപ്പെടുന്ന കവിയൂർ പൊന്നമ്മ കാലയവനികക്കുള്ളിൽ മറഞ്ഞു. മലയാളി പ്രേക്ഷകരുടെ മനസ്സിൽ ''അമ്മ" എന്ന് കേൾക്കുമ്പോൾ…
This website uses cookies.