ഹാപ്പി വെഡിങ്, ചങ്ക്സ്, ഒരു അടാർ ലവ്, ധമാക്ക എന്നീ ചിത്രങ്ങളൊരുക്കി പ്രശസ്തനായ സംവിധായകനാണ് ഒമർ ലുലു. പാട്ടും നൃത്തവും കോമേഡിയുമൊക്കെയായി വളരെ കളർഫുള്ളായി ചിത്രങ്ങളൊരുക്കുന്ന ഒമർ ലുലു നിർമ്മാതാക്കൾക്ക് ലാഭം നേടിക്കൊടുക്കുന്ന ഒരു സംവിധായകൻ കൂടിയാണ് എന്നത് അദ്ദേഹത്തിന് മലയാള സിനിമയിൽ തന്റേതായ സ്ഥാനം നേടിക്കൊടുക്കുന്നു. തന്റെ ചിത്രങ്ങളിലൂടെ ഒട്ടേറെ യുവ താരങ്ങളേയും നായികാ താരങ്ങളേയും അദ്ദേഹം മലയാള സിനിമയിലേക്ക് കൊണ്ട് വന്നിട്ടുമുണ്ട്. ഇപ്പോഴിതാ തന്റെ പതിവ് സ്റ്റൈലിൽ നിന്ന് മാറി ഒരു പക്കാ ആക്ഷൻ ചിത്രമൊരുക്കാനുള്ള തയ്യാറെടുപ്പിലാണ് ഒമർ ലുലു. പാട്ടും, നൃത്തവും, നായികയുമൊന്നുമില്ലാതെ, ഇടിയുടെ പൊടിപൂരവുമായാണ് അദ്ദേഹം ഇനിയെത്താൻ പോകുന്നത്. ഒരുകാലത്തെ മലയാള സിനിമയിലെ ഏറ്റവും വിലപിടിപ്പുള്ള തിരക്കഥാ രചയിതാവായിരുന്ന ഡെന്നിസ് ജോസഫാണ് ഈ ചിത്രത്തിന് തിരക്കഥയൊരുക്കുന്നത്. മലയാള സിനിമയിലെ ആക്ഷൻ ഹീറോ ആയ ബാബു ആന്റണി നായകനായ ഈ ചിത്രത്തിന്റെ പേര് പവർ സ്റ്റാർ എന്നാണ്.
ബാബു ആന്റണിക്ക് ഒപ്പം മലയാള സിനിമയിലെ ആക്ഷൻ താരങ്ങളായ റിയാസ് ഖാൻ, ബാബു രാജ്, അബു സലിം എന്നിവരും ഈ ചിത്രത്തിന്റെ താരനിരയിൽ ഉണ്ട്. ഒമർ ലുലുവിന്റെ സിനിമകളെ വിമർശിക്കുന്നവർ പറയാറുള്ള ദ്വയാർത്ഥ ഹാസ്യവും ഈ ചിത്രത്തിൽ ഉണ്ടാവില്ല എന്ന് തന്നെയാണ് അറിയാൻ സാധിക്കുന്നത്. ലോക്ക് ഡൌൺ കഴിഞ്ഞാലുടൻ തന്നെ ഈ ചിത്രമാരംഭിക്കുമെന്നാണ് പ്രതീക്ഷിക്കപ്പെടുന്നത്. ഏതായാലും തൊണ്ണൂറുകളിൽ മലയാള സിനിമാ പ്രേമികളുടെ ഹരമായിരുന്ന ബാബു ആന്റണി എന്ന ആക്ഷൻ ഹീറോയെ ഒരിക്കൽ കൂടി നായകനായി കൊണ്ട് വരികയാണ് ഒമർ ലുലു. അത് തന്നെയാണ് ഈ ചിത്രത്തിന്റെ ഏറ്റവും വലിയ ആകർഷണം. ഒപ്പം രാജാവിന്റെ മകനും ന്യൂ ഡെൽഹിയുമെല്ലാം രചിച്ച ഡെന്നിസ് ജോസഫ് കൂടി ചേരുമ്പോൾ ഇതൊരു ഒമർ ലുലു മാസ്സ് ആവുമെന്നാണ് അദ്ദേഹത്തിന്റെ ആരാധകർ പ്രതീക്ഷിക്കുന്നത്.
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
പാലേരി മാണിക്യം എന്ന ചിത്രത്തിന്റെ റീ റിലീസിന് ശേഷം മറ്റൊരു മമ്മൂട്ടി ക്ലാസിക് കൂടി റീ റിലീസായി പ്രേക്ഷകരുടെ മുന്നിലേക്ക്.…
This website uses cookies.