വി എ ശ്രീകുമാർ മേനോൻ സംവിധാനം ചെയ്ത ഒടിയൻ എന്ന ബ്രഹ്മാണ്ഡ മോഹൻലാൽ ചിത്രം തുടങ്ങുന്നത് മമ്മൂട്ടിയുടെ വിവരണത്തോടെ. വർഷങ്ങൾക്കു മുൻപ് മമ്മൂട്ടിയുടെ കരിയറിലെ ഏറ്റവും വലിയ ചിത്രമായ പഴശ്ശി രാജ തുടങ്ങിയത് മോഹൻലാലിന്റെ ശബ്ദത്തിൽ ആണെങ്കിൽ ഇപ്പോൾ മോഹൻലാലിന്റെ കരിയറിലെ ഏറ്റവും വലിയ ചിത്രത്തിൽ മമ്മൂട്ടി ആണ് കഥാ വിവരണം നടത്തുന്നത്. ഈ ചിത്രത്തിന് വേണ്ടി മമ്മൂട്ടി ഇന്ന് ഡബ്ബ് ചെയ്തു കഴിഞ്ഞു. മമ്മൂട്ടിയുമൊത്തു ഡബ്ബിങ് സ്റ്റുഡിയോയിൽ നിന്നുളള ചിത്രം സംവിധായകൻ ശ്രീകുമാർ മേനോൻ തന്നെ സോഷ്യൽ മീഡിയയിൽ പങ്കു വെക്കുകയും ചെയ്തു. മമ്മൂട്ടിയുടെ ഗംഭീര ശബ്ദത്തിൽ തന്നെ ഒടിയൻ തുടങ്ങാൻ സാധിക്കുന്നത് വലിയ ഭാഗ്യം ആണെന്നും ഒരു സ്വപ്നം കൂടി പൂവണിഞ്ഞു എന്നും ശ്രീകുമാർ മേനോൻ പറയുന്നു.
വരുന്ന ഡിസംബർ പതിനാലിന് ലോകം മുഴുവൻ റിലീസ് ചെയ്യാൻ പോകുന്ന ഈ ചിത്രം നിർമ്മിച്ചിരിക്കുന്നത് ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ ആണ്. ഹരികൃഷ്ണൻ രചന നിർവഹിച്ച ഈ ചിത്രത്തിൽ മഞ്ജു വാര്യർ, പ്രകാശ് രാജ് എന്നിവരും പ്രധാന വേഷത്തിൽ എത്തുന്നു. നാളെയാണ് ഈ ചിത്രത്തിന്റെ സെൻസറിങ് നടക്കുന്നത് എന്നാണ് റിപ്പോർട്ടുകൾ സൂചിപ്പിക്കുന്നത്. അധികം വൈകാതെ തന്നെ ഒടിയന്റെ ഓഡിയോ ലോഞ്ചും ഉണ്ടാകും. മലയാള സിനിമ കണ്ട എക്കാലത്തെയും ഏറ്റവും വലിയ റിലീസ് ആയാവും ഈ ചിത്രം എത്തുക. ഇതിന്റെ തെലുങ്ക് ഡബ്ബിങ് വേർഷനും മലയാളത്തിനൊപ്പം തന്നെ റിലീസ് ചെയ്യും. ഫാൻസ് ഷോസിന്റെ എണ്ണത്തിൽ ഇപ്പോൾ തന്നെ റെക്കോർഡ് ഇട്ട ഈ ചിത്രം ഇന്ത്യയിൽ തന്നെ സിനിമാ പ്രേമികൾ ഏറ്റവും അധികം കാത്തിരിക്കുന്ന ചിത്രങ്ങളുടെ പട്ടികയിൽ ഒന്നാമതും എത്തിയിരുന്നു.
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന മജു ചിത്രം 'പെരുമാനി'യിലെ ആദ്യ ഗാനം…
പവി കെയർ ടേക്കറിലൂടെ മലയാളത്തിന്റെ സ്വന്തം ജനപ്രിയനായകൻ വമ്പൻ തിരിച്ചു വരവ് നടത്തിയിരിക്കുകയാണ്. മികച്ച അഭിപ്രായങ്ങളുമായി പവി കെയർ ടേക്കർ…
'അനുരാഗ കരിക്കിൻ വെള്ളം', 'ഉണ്ട', 'ലവ്', 'തല്ലുമാല' എന്നീ ഹിറ്റ് ചിത്രങ്ങൾക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രത്തിന്റെ…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവരെ കേന്ദ്ര കഥാപാത്രങ്ങളാക്കി മജു തിരക്കഥ എഴുതി സംവിധാനം ചെയ്യുന്ന 'പെരുമാനി'…
ജനപ്രിയ നായകൻ ദിലീപ് നായകനായ പവി കെയർ ടേക്കർ അഞ്ചു ദിവസം പിന്നടുമ്പോൾ മികച്ച അഭിപ്രയത്തോടൊപ്പം ബോക്സ് ഓഫീസിലും മിന്നുന്ന…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന 'പെരുമാനി'യുടെ ട്രെയിലർ പുറത്തിറങ്ങി. കത്തിക്കാനും കലഹങ്ങളുണ്ടാക്കാനും…
This website uses cookies.