മലയാളത്തിന്റെ പുതിയ തലമുറയിലെ ഏറ്റവും മികച്ച നടനായാണ് ഫഹദ് ഫാസിലിനെ പ്രേക്ഷകരും നിരൂപകരും വിലയിരുത്തുന്നത്. അരങ്ങേറ്റ ചിത്രത്തിന്റെ പരാജയത്തിന്റെ പേരിലും അതിലെ അഭിനയത്തിന്റെ പേരിലും ഏറെ വിമർശനങ്ങളേറ്റ് വാങ്ങിയ ഈ നടൻ പിന്നീട് വർഷങ്ങൾക്ക് ശേഷം നടത്തിയ തിരിച്ചു വരവിൽ ഇപ്പോഴെത്തി നിൽക്കുന്നത് ഇന്ത്യൻ സിനിമയിലെ തന്നെ, പുതിയ തലമുറയിലെ ഏറ്റവും മികച്ച നടന്മാരിലൊരാൾ എന്ന സ്ഥാനത്താണ്. കഴിഞ്ഞ മാസം റിലീസായ അൻവർ റഷീദ് ചിത്രം ട്രാൻസിലും ഫഹദ് കാഴ്ച വെച്ചത് ഗംഭീര പ്രകടനമാണ്. ചിത്രത്തെ കുറിച്ച് സമ്മിശ്ര അഭിപ്രായമുള്ളവർ പോലും ഒരേപോലെ എടുത്തു പറഞ്ഞത് ഫഹദ് ഫാസിലെന്ന നടന്റെ പ്രകടനം ഗംഭീരമായി എന്നതാണ്. ഇപ്പോഴിതാ റിപ്പോർട്ടർ ചാനലിന് കൊടുത്ത ഒരഭിമുഖത്തിൽ ഫഹദ് പറയുന്നത് തന്റെ അഭിനയ ജീവിതത്തിൽ ഇതുവരെ തനിക്കു പൂർണ്ണ തൃപ്തി നൽകിയ ഒറ്റ സിനിമ പോലുമില്ല എന്നാണ്.
അതിനു കാരണവും ഫഹദ് പറയുന്നുണ്ട്. അങ്ങനെ പൂർണ്ണ സംതൃപ്തി ലഭിച്ചാൽ താൻ ഈ ജോലി നിർത്തേണ്ടി വരുമെന്നും, അങ്ങനെയുള്ള ആ തൃപ്തി തേടിയുള്ള യാത്രയിലാണ് ഓരോ മികച്ച ചിത്രങ്ങൾ സംഭവിക്കുന്നതെന്നുമാണ്. തന്റെ കരിയറിൽ താൻ അഭിനയിച്ച എല്ലാ ചിത്രങ്ങളുമൊന്നും തനിക്കു ഇഷ്ടമല്ല എന്നും അതുപോലെ ഏറ്റവുമിഷ്ടപെട്ട ഒരു ചിത്രം ഏതെന്നു പറയാൻ പറഞ്ഞാലും തനിക്കതിനു കഴിയില്ലായെന്നും ഫഹദ് ഫാസിൽ പറയുന്നു. ഇപ്പോൾ അഖിൽ സത്യൻ സംവിധാനം ചെയ്യുന്ന പേരിടാത്ത ചിത്രത്തിലാണ് ഫഹദ് അഭിനയിക്കുന്നത്. അമൽ നീരദ് ഒരുക്കുന്ന മമ്മൂട്ടി ചിത്രമായ ബിലാലിൽ ഫഹദ് ഫാസിലുണ്ടെന്നു റിപ്പോർട്ടുകൾ വരുന്നുണ്ടെങ്കിലും അതിനിതുവരെ ഔദ്യോഗിക സ്ഥിതീകരണം ലഭിച്ചിട്ടില്ല.
ദേശീയ പുരസ്കാരം നേടിയ ആവാസവ്യൂഹം, ശേഷം വന്ന പുരുഷ പ്രേതം എന്നീ ചിത്രങ്ങളിലൂടെ വലിയ പ്രേക്ഷക- നിരൂപക പ്രശംസ നേടിയ…
പ്രേക്ഷകപ്രശംസയും നിരൂപക പ്രശംസയും ഒരുപോലെ ഏറ്റുവാങ്ങികൊണ്ടിരിക്കുന്ന ഷാനവാസ് കെ ബാവക്കുട്ടി ചിത്രം ഒരു കട്ടിൽ ഒരു മുറി സ്ത്രീകൾക്കായി പ്രത്യേക…
പ്രശസ്ത സംവിധായകനും രചയിതാവുമായ മിഥുൻ മാനുവൽ തോമസ് സംവിധായകനായി അരങ്ങേറിയ ആട് ഒരു ഭീകര ജീവിയാണ് എന്ന ചിത്രത്തിന്റെ മൂന്നാം…
പാലേരി മാണിക്യം എന്ന ചിത്രത്തിന്റെ റീ റിലീസിന് ശേഷം മറ്റൊരു മമ്മൂട്ടി ക്ലാസിക് കൂടി റീ റിലീസായി പ്രേക്ഷകരുടെ മുന്നിലേക്ക്.…
പ്രേമലു എന്ന ചിത്രത്തിന്റെ മഹാവിജയത്തോടെ മലയാള സിനിമാപ്രേമികളുടെ പ്രിയങ്കരനായി മാറിയിരിക്കുകയാണ് നസ്ലൻ ഗഫൂർ എന്ന യുവതാരം. തണ്ണീർ മത്തൻ ദിനങ്ങൾ…
പ്രേക്ഷകർ ഏറെ ആകാംഷയോടെ കാത്തിരുന്ന ഒരു കട്ടിൽ ഒരു മുറിയിലെ "നെഞ്ചിലെ" എന്ന ഗാനം യുട്യൂബിൽ റിലീസ് ചെയ്തു. രഘുനാഥ്…
This website uses cookies.