‘കിസ്സിങ് സീനുകള്‍’ അഭിനയിക്കില്ല, കാരണം വ്യക്തമാക്കി സായ് പല്ലവി

ആദ്യ ചിത്രം കൊണ്ട് തന്നെ സൌത്ത് ഇന്ത്യ മുഴുവന്‍ ആരാധകരെ ഉണ്ടാക്കിയ നടിയാണ് സായ് പല്ലവി. പ്രേമത്തിലെ മലര്‍ എന്ന കഥാപാത്രം മലയാള സിനിമ ചരിത്രത്തിലെ ഏറെ ശ്രദ്ധ നേടിയ നായിക വേഷത്തില്‍ ഒന്നുമായിരുന്നു.

പ്രേമത്തിന്‍റെ വമ്പന്‍ ഹിറ്റിന് ശേഷം സായ് പല്ലവിയെ തേടി ഒട്ടേറെ സിനിമകള്‍ എത്തി. പക്ഷേ വളരെ കുറച്ചു സിനിമകള്‍ മാത്രമേ സായ് പല്ലവി ചെയ്തുള്ളൂ.

പ്രേമത്തിന് ശേഷം സായ് പല്ലവി അഭിനയിച്ചത് ദുല്‍ഖര്‍ ചിത്രം കലിയിലായിരുന്നു. അതിനു ശേഷം മലയാളത്തില്‍ നിന്നും മാറി തെലുങ്ക് സിനിമയാണ് സായ് പല്ലവി തിരഞ്ഞെടുത്തത്.

ശേഖര്‍ കമ്മുല സംവിധാനം ചെയ്ത ഫിദയിലെ സായ് പല്ലവിയുടെ പ്രകടനം തെലുങ്ക് പ്രേക്ഷകര്‍ക്കിടയിലും ഏറെ ആരാധകരെ ഉണ്ടാക്കിയെടുക്കാന്‍ സാധിച്ചു.

എന്നാല്‍ ഗ്ലാമര്‍ വേഷങ്ങളും അശ്ലീല രംഗങ്ങളും കിസ്സിങ് സീനുകളും ചെയ്യില്ല എന്നാണ് സായ് പല്ലവി തറപ്പിച്ചു പറയുന്നത്. അതിനുള്ള കാരണവും സായ് പല്ലവി പറയുന്നു.

“ഞാന്‍ എന്‍റെ സ്വപ്നങ്ങളെ പിന്തുടരുന്നത് മാതാപിതാക്കളുടെ സമ്മതത്തോടെയാണ്. അതുകൊണ്ട് തന്നെ അവരെ വിഷമിപ്പിക്കുന്ന ഒന്നും ഞാന്‍ ചെയ്യില്ല”

AL വിജയ് സംവിധാനം ചെയ്യുന്ന കരുവിലാണ് സായ് പല്ലവി ഇപ്പോള്‍ അഭിനയിച്ചു കൊണ്ടിരിക്കുന്നത്.