‘മിഖായേൽ’ : ഇനി ഗ്രേറ്റ് ഫാദർ സംവിധായകൻ ഹനീഫ് അദേനി നിവിൻ പോളിക്കൊപ്പം

മലയാള സിനിമയിൽ ആദ്യ ചിത്രത്തിലൂടെ തന്നെ ശ്രദ്ധേനായ സംവിധായകനാണ് ഹനീഫ് അദേനീ . മമ്മൂട്ടിയെ നായകനാക്കി ‘ഗ്രേറ്റ് ഫാദർ’ എന്ന ചിത്രമാണ് അദ്ദേഹം ആദ്യമായി സംവിധാനം ചെയ്ത്, പിന്നീട് അബ്രഹാമിന്റെ സന്തതികൾ എന്ന മമ്മൂട്ടി ചിത്രത്തിന് വേണ്ടി തിരക്കഥ ഒരുക്കുകയും ചെയ്തിരുന്നു. ഹനീഫ് അദേനീ തന്റെ രണ്ടാമത്തെ ചിത്രം നിവിൻ പോളി ആയിട്ടായിരിക്കും എന്ന് നേരത്തെ സൂചന നൽകിയിരുന്നു. കാത്തിരിപ്പിന് വിരാമമെന്നപ്പോലെ ചിത്രത്തിന്റെ ടൈറ്റിൽ പോസ്റ്റർ നിവിൻ പോളിയുടെ ഫേസ്ബുക്ക് പേജിലൂടെ ഒഫീഷ്യലായി പുറത്തു വിട്ടിരിക്കുകയാണ്

‘മിഖായേൽ’ എന്നാണ് ചിത്രത്തിന് ടൈറ്റിൽ നൽകിയിരിക്കുന്നത്. പ്രീ പ്രൊഡക്ഷൻ വർക്കുകൾ ഇതിനോടകം ആരംഭിച്ചു കഴിഞ്ഞു. വീണ്ടും ഒരു ക്രിസ്റ്റിയൻ ടൈറ്റിലുമായാണ് സംവിധായകൻ വന്നിരിക്കുകന്നത്. ഗ്രേറ്റ് ഫാദർ ചിത്രം എന്നപ്പോലെ മറ്റൊരു ഡാർക്ക് ത്രില്ലറാണ് അണിയറയിൽ ഒരുങ്ങുന്നത്. ബിഗ് ബഡ്ജറ്റിൽ ഒരുങ്ങുന്ന ചിത്രം പ്രധാനമായും ആഫ്രിക്കയിലായിരിക്കും ചിത്രീകരിക്കുക. ഹനീഫിന്റെ മുമ്പത്തെ രണ്ട് തിരക്കഥകൾ പോലെ തന്നെ ഒരു ത്രില്ലർ സ്വഭാവത്തിലായിരിക്കും ചിത്രം അണിയിച്ചൊരുക്കുന്നതെന്ന് റിപ്പോർട്ടുകൾ സൂചിപ്പിക്കുന്നത്. ‘ടേക്ക് ഓഫ്‌’ എന്ന ചിത്രത്തിന് ശേഷം ആന്റോ ജോസഫ് ഫിലിം കമ്പനിയുടെ ബാനറിൽ ആന്റോ ജോസഫ നിർമ്മിക്കുന്ന ചിത്രങ്ങളിൽ ഒന്നാണിത് .

നിവിൻ പോളിയുടെ അണിയറിൽ റീലീസിനായി ഒരുങ്ങുന്ന ചിത്രമാണ് ‘കായംകുളം കൊച്ചുണ്ണി’. ഓഗസ്റ്റ് 18ന് മലയാളത്തിലും, തമിഴിലും, തെലുഗിലും വമ്പൻ റീലീസോട് കൂടി ചിത്രം പ്രദർശനത്തിനെത്തും. മലയാളത്തിലെ കംപ്ലീറ്റ് ആക്ടർ മോഹൻലാൽ ഇത്തികര പക്കിയായി വേഷമിടുന്നുണ്ട്. കേരളത്തിൽ മാത്രമായി ഏകദേശം 300ൽ പരം തീയറ്ററുകളിലാണ് ചിത്രം റിലീസിനായി ഒരുങ്ങുന്നത്