നിവിൻ പോളി ചിത്രം റിലീസ് ചെയ്യാൻ ഗപ്പി, ഗോദ, എസ്ര നിർമ്മാതാക്കൾ

നിവിൻ പോളി നായകനാകുന്ന പുതിയ ചിത്രം ഞണ്ടുകളുടെ നാട്ടിൽ ഒരിടവേള റിലീസിങിന് ഒരുങ്ങുകയാണ്. വിഷു റിലീസ് ആയി എത്തിയ സഖാവിന് ശേഷം നിവിൻ പോളിയുടേതായി തിയേറ്ററിൽ എത്തുന്ന മലയാള സിനിമ കൂടെയാണ് ഇത്. പ്രേമത്തിലൂടെയും സഖാവിലൂടെയും ശ്രദ്ധേയനായ അത്താഫാണ് ചിത്രം സംവിധാനം ചെയ്യുന്നത്.

പോളി ജൂനിയറിന്റെ ബാനറിൽ നിവിൻ പോളി തന്നെ നിർമ്മിക്കുന്ന ചിത്രം ഗപ്പി, ഗോദ, എസ്ര എന്നീ സൂപ്പർ ഹിറ്റ് ചിത്രങ്ങൾ നിർമിച്ച E4 എന്റർടൈന്മെന്റ്സും സ്റ്റുഡിയോ 11 റിലീസും ചേർന്നാണ് തിയേറ്ററിൽ എത്തിക്കുന്നത്.

തുടർച്ചയായ ഹിറ്റുകൾക്ക് ശേഷം എത്തുന്ന നിവിൻ പോളി ചിത്രമായതിനാൽ പ്രേക്ഷകർക്കുള്ള പ്രതീക്ഷകൾ ഏറെയാണ് കുടുംബ പശ്ചാത്തലത്തിൽ പറയുന്ന ചിത്രം ഈ വർഷം ഓണക്കാല റിലീസായാണ് തിയേറ്ററുകളിൽ എത്തുക