1983, ആക്ഷൻ ഹീറോ ബിജു, പൂമരം തുടങ്ങിയ സൂപ്പർഹിറ്റ് ചിത്രങ്ങൾ സംവിധാനം ചെയ്തുകൊണ്ട് പ്രേക്ഷകർക്ക് പ്രിയങ്കരനായി മാറിയ എബ്രിഡ് ഷൈൻ ഒരുക്കുന്ന പുതിയ ചിത്രത്തെക്കുറിച്ചുള്ള റിപ്പോർട്ടുകൾ പുറത്തു വന്നിരിക്കുന്നു. നിവിൻ പോളി,ആസിഫ് അലി എന്നിവരെ കേന്ദ്ര കഥാപാത്രങ്ങളാക്കിയാണ് എബ്രിഡ് ഷൈൻ തന്റെ പുതിയ ചിത്രം ഒരുക്കുന്നത്. ലൊക്കേഷൻ ചിത്രങ്ങളും മറ്റു വിവരങ്ങളും നടൻ നിവിൻ പോളി സമൂഹമാധ്യമങ്ങളിലൂടെ പങ്കുവെക്കുകയും ചെയ്തിട്ടുണ്ട്. വളരെ വ്യത്യസ്തമായ മേക്കിങ് കൊണ്ട് തന്റെ ചിത്രങ്ങൾ ഹിറ്റാക്കി മാറ്റിയ എബ്രിഡ് ഷൈൻ ഇത്തവണയും ആ പതിവ് ആവർത്തിക്കുമെന്ന് ഏവരും പ്രതീക്ഷിക്കുന്നു. ഏകദേശം പത്ത് വർഷങ്ങൾക്കിപ്പുറമാണ് ആസിഫ് അലിയും നിവിൻ പോളിയും ഒരുമിച്ച് അഭിനയിക്കുന്നത്. ഇരുവരും ഒന്നിച്ചിട്ടുള്ളത് 2011- ൽ പുറത്തിറങ്ങിയ സെവൻസ്, ട്രാഫിക് എന്നീ രണ്ടു ചിത്രങ്ങളിലാണ്. മഹാവീര്യർ എന്ന് പേരിട്ടിരിക്കുന്ന ഈ ചിത്രത്തിന്റെ ഷൂട്ടിംഗ് ജോലികൾ രാജസ്ഥാനിൽ ആരംഭിച്ചു. ജയ്പൂർ ആണ് ചിത്രത്തിന്റെ പ്രധാന ലൊക്കേഷൻ.
നിവിൻ പോളിയും ഷംനാസും ചേർന്നാണ് നിർമാണം നിർവഹിക്കുന്നത്. നിവിൻ പോളിയും എബ്രിഡ് ഷൈനും ഒന്നിച്ച ആക്ഷൻ ഹീറോ ബിജു എന്ന ചിത്രത്തിലും നിവിൻ പോളി നിർമ്മാണ പങ്കാളിയായിരുന്നു. നിരവധി താരങ്ങൾ അണിനിരക്കുന്ന ചിത്രത്തിൽ നായികയായി എത്തുന്നത് കന്നട നടി ഷാൻവി ശ്രീയാണ്. എന്നാൽ ലാൽ, സിദ്ദിഖ് തുടങ്ങിയ നടന്മാർ ചിത്രത്തിൽ മറ്റു കഥാപാത്രങ്ങളെ അവതരിപ്പിക്കുന്നു. എം. മുകുന്ദന്റെ കഥയെ അടിസ്ഥാനപ്പെടുത്തിയാണ് മഹാവീര്യർ ഒഴുകുന്നത്. ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നത് സംവിധായകൻ എബ്രിഡ് ഷൈൻ തന്നെയാണ്. പത്ത് വർഷങ്ങൾക്കിപ്പുറം നിവിൻ പോളിയുടെയും ആസിഫ് അലിയുടെയും താര മൂല്യത്തിൽ വളരെ വലിയ മാറ്റമാണ് വന്നിട്ടുള്ളത്. അതുകൊണ്ടുതന്നെ ഇരുവരും ഒന്നിക്കുന്ന ചിത്രത്തിന് വലിയ പ്രാധാന്യം തന്നെയാണുള്ളത്. മഹാവീര്യറി’നെക്കുറിച്ചുള്ള പുതിയ റിപ്പോർട്ടുകൾ പുറത്തുവന്നതോടെ ഇരു താരങ്ങളുടെയും ആരാധകർ വലിയ ആവേശത്തിലാണ്.
ധ്യാൻ ശ്രീനിവാസൻ, സണ്ണി വെയ്ൻ, അജു വർഗീസ്, നിരഞ്ജ് മണിയൻപിള്ള രാജു എന്നിവർ പ്രധാന കഥാപാത്രങ്ങളായെത്തുന്ന 'ത്രയം' ഒക്ടോബര് 25-ന്…
സൗബിൻ ഷാഹിർ, ബേസിൽ ജോസഫ്, ചെമ്പൻ വിനോദ് എന്നിവരെ പ്രധാന കഥാപാത്രങ്ങളാക്കി നവാഗതനായ ശ്രീരാജ് ശ്രീനിവാസൻ സംവിധാനം ചെയ്യുന്ന 'പ്രാവിൻ…
മലയാളത്തിന്റെ യുവസൂപ്പർതാരം ദുൽഖർ സൽമാൻ നായകനായി എത്തുന്ന ഏറ്റവും പുതിയ ചിത്രമായ ലക്കി ഭാസ്കർ ഒക്ടോബർ മുപ്പത്തിയൊന്നിന് ആഗോള റിലീസായി…
ഇന്റർനെറ്റ് മൂവി ഡാറ്റ ബേസ് എന്ന ലോകത്തെ ഏറ്റവും വലിയ മൂവി ഡാറ്റ ബേസ് ഇന്ത്യന് സിനിമയില് ഏറ്റവും മികച്ച…
വ്യത്യസ്ത രൂപത്തിലും ഭാവത്തിലുമുള്ള കഥാപാത്രങ്ങൾ കൊണ്ട് ഇപ്പോൾ തന്റെ കരിയറിലെ ഒരു ഗംഭീരമായ ഘട്ടത്തിലൂടെ കടന്നു പോവുകയാണ് നടൻ ജഗദീഷ്.…
യുവതാരം ആന്റണി വര്ഗീസ് പെപ്പെ നായകനായി എത്തുന്ന ഏറ്റവും പുതിയ ചിത്രം ദാവീദിന്റെ ഫസ്റ്റ് ലുക്ക് പുറത്ത്. ആന്റണി വർഗീസിന്റെ…
This website uses cookies.