ഇന്ന് മലയാള സിനിമയിലെ ഏറ്റവും മികച്ച നടിമാരിൽ ഒരാളാണ് നിമിഷ സജയൻ. ദിലീഷ് പോത്തൻ ഒരുക്കിയ ഫഹദ് ഫാസിൽ- സുരാജ് വെഞ്ഞാറമൂട് ചിത്രം തൊണ്ടിമുതലും ദൃക്സാക്ഷിയും ആയിരിന്നു നിമിഷയുടെ മലയാളത്തിലെ അരങ്ങേറ്റ ചിത്രം. അതിനു ശേഷം ഒരുപിടി മികച്ച ചിത്രങ്ങളുടെ ഭാഗമായി തന്റെ അഭിനയത്തികവ് കാണിച്ചു തന്ന ഈ നടിയുടെ ഏറ്റവും പുതിയ റിലീസ് ജൂലൈ പതിനഞ്ചിനു എത്തുന്ന മഹേഷ് നാരായണൻ- ഫഹദ് ഫാസിൽ ചിത്രം മാലിക് ആണ്. ആമസോൺ പ്രൈം റിലീസ് ആയാണ് മാലിക് എത്തുന്നത്. ഇപ്പോൾ കൈ നിറയെ പ്രൊജെക്ടുകൾ ഉള്ള ഈ യുവനടി ബോളിവുഡിലും അരങ്ങേറ്റം കുറിക്കുകയാണെന്ന റിപ്പോർട്ടുകളാണ് പുറത്തു വരുന്നത്. ദേശീയ പുരസ്കാര ജേതാവായ ഒനിര് സംവധാനം ചെയ്യുന്ന ബോളിവുഡ് സിനിമയില് പ്രധാന വേഷം ചെയ്യാൻ പോകുന്നത് നിമിഷ ആണെന്നുള്ള വാർത്തകളാണ് ഇപ്പോൾ ലഭിക്കുന്നത്. വി ആർ എന്നാണ് ചിത്രത്തിന്റെ പേരെന്നും സൂചനകളുണ്ട്.
ഒനിർ തന്നെ സംവിധാനം ചെയ്ത ഐം ആം ലൈക് ഐ ആം എന്ന സിനിമയുടെ തുടര്ച്ചയാണിതെന്നാണ് ചില ബോളിവുഡ് മാധ്യമങ്ങൾ റിപ്പോർട്ട് ചെയ്യുന്നത്. ഈ വർഷം സെപ്റ്റംബർ മാസത്തിൽ ഈ ചിത്രത്തിന്റെ ഷൂട്ടിംഗ് ആരംഭിക്കുമെന്നും ഇപ്പോൾ ലഭിക്കുന്ന വിവരങ്ങൾ നമ്മളോട് പറയുന്നു. ഈ വർഷം ആദ്യം ആമസോൺ പ്രൈം റിലീസ് ആയെത്തിയ ദി ഗ്രേറ്റ് ഇന്ത്യൻ കിച്ചൻ എന്ന ചിത്രത്തിലെ ഗംഭീര പ്രകടനം നിമിഷക്ക് നേടിക്കൊടുത്തത് വമ്പൻ ദേശീയ ശ്രദ്ധയാണ്. മാർട്ടിൻ പ്രക്കാട്ട് ചിത്രമായ നായാട്ടിലും ഗംഭീര പ്രകടനം കാഴ്ച വെച്ച ഈ നടിക്ക് 2021 ഒരു സൗഭാഗ്യ വർഷമായി മാറുകയാണ് എന്ന് തന്നെ പറയാം. നതാലിയ ശ്യാം സംവിധാനം ചെയ്യുന്ന ഇംഗ്ലീഷ് ചിത്രമായ ഫുട്പ്രിന്റ്സ് ഓണ് വാട്ടർ ആണ് നിമിഷ സജയൻ പ്രധാന വേഷം ചെയ്ത് ഇനി വരാൻ പോകുന്ന മറ്റൊരു ചിത്രം.
ഇപ്പോൾ കേരളം നേരിടുന്ന സാമൂഹിക പ്രശ്നങ്ങളിൽ ഒന്നാണ് വിദേശരാജ്യങ്ങളിലേക്ക് നമ്മുടെ യുവതലമുറയുടെ പാലായനം. സാമ്പത്തിക സുസ്ഥിരത നേടാൻ യുവതലമുറ തെരഞ്ഞെടുക്കുന്ന…
ഇന്ന് കേരകത്തിൽ പ്രദർശനം ആരംഭിച്ച പ്രധാന മലയാള ചിത്രങ്ങളിൽ ഒന്നാണ് പ്രശസ്ത സംവിധായകനായ അരുൺ വൈഗ സംവിധാനം ചെയ്ത യുണൈറ്റഡ്…
പ്രശസ്ത സംവിധായകൻ അരുൺ വൈഗ ഒരുക്കിയ യുണൈറ്റഡ് കിങ്ഡം ഓഫ് കേരള ഇന്ന് മുതൽ കേരളത്തിൽ പ്രദർശനം ആരംഭിക്കും. കേരളത്തിൽ…
രഞ്ജിത്ത് സജീവ്, ഇന്ദ്രൻസ്, സംഗീത,ജോണി ആന്റണി,മഞ്ജു പിള്ള, സാരംഗി ശ്യാം എന്നിവരെ പ്രധാന കഥാപാത്രങ്ങളാക്കി ചെമ്പരത്തി പൂവ്, ഉപചാരപൂർവ്വം ഗുണ്ട…
എ ആൻഡ് എച്ച് എസ് പ്രൊഡക്ഷൻസിന്റെ ബാനറിൽ അബ്ബാസ് തിരുനാവായ, സജിൻ അലി, ദിപൻ പട്ടേൽ എന്നിവർ ചേർന്ന് നിർമ്മിക്കുന്ന…
എസ്. പ്രേം ആനന്ദ് രചനയും സംവിധാനവും നിർവ്വഹിച്ച് 2025-ൽ പുറത്തിറങ്ങിയ ആക്ഷൻ ഹൊറർ കോമഡി ചിത്രമാണ് ഡെവിൾസ് ഡബിൾ നെക്സ്റ്റ്…
This website uses cookies.