[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

ആനപ്പാറ അച്ചാമ്മയേയും ഓർമ്മിപ്പിച്ച് ഓ മേരി ലൈല; ആന്റണി വർഗീസ് ചിത്രത്തിന്റെ പുത്തൻ പോസ്റ്ററെത്തി

മലയാളത്തിന്റെ യുവതാരം ആന്റണി വർഗീസ് നായകനായി എത്തുന്ന ഏറ്റവും പുതിയ ചിത്രമാണ് ഓ മേരി ലൈല. ഇതിന്റെ ഫസ്റ്റ് ലുക്ക് പോസ്റ്റർ കുറച്ചു നാൾ മുൻപ് റിലീസ് ചെയ്യുകയും മികച്ച പ്രേക്ഷക ശ്രദ്ധ നേടുകയും ചെയ്തിരുന്നു. “അടിയും ഇടിയും ബഹളോം ഒന്ന് സൈഡാക്കി അല്പം റൊമാന്റിക് ആവാമെന്ന് വച്ചു.. ആർക്കാ ഒരു ചേഞ്ച്‌ ഇഷ്ടമല്ലാത്തെ? “, എന്ന കുറിപ്പോടെയാണ് ആന്റണി വർഗീസ് ഈ ഫസ്റ്റ് ലുക്ക് പോസ്റ്റർ പങ്കു വെച്ചത്. ഇപ്പോഴിതാ, ചിങ്ങം ഒന്ന് പ്രമാണിച്ച് ഈ ചിത്രത്തിന്റെ പുത്തൻ പോസ്റ്റർ പങ്കു വെച്ചിരിക്കുകയാണ് താരം. ആന്റണി വർഗീസിനൊപ്പം ചിത്രത്തിലെ മറ്റു ചില താരങ്ങളേയും ഈ പോസ്റ്ററിൽ കാണാമെങ്കിലും, ഇതിൽ പെട്ടെന്ന് ശ്രദ്ധ നേടിയത്, മരിച്ചു പോയ പ്രശസ്ത നടി ഫിലോമിനയുടെ ഒരു ഫോട്ടോയാണ്. ഗോഡ്ഫാദർ എന്ന ക്ലാസിക് സൂപ്പർ ഹിറ്റ് ചിത്രത്തിലെ ആനപ്പാറ അച്ചാമ്മ എന്ന എവർഗ്രീൻ കഥാപാത്രത്തിന്റെ ലുക്കിലുള്ള ഫിലോമിനയുടെ ഫോട്ടോയാണ് ഈ പോസ്റ്ററിൽ അവർ ഉപയോഗിച്ചിരിക്കുന്നത്.

ആനപ്പാറ അച്ചാമ്മക്ക് ഈ ചിത്രത്തിലെന്താണ് കാര്യമെന്നാണ് പ്രേക്ഷകർ ചോദിക്കുന്നത്. അങ്കമാലി ഡയറീസ്, സ്വാതന്ത്ര്യം അർദ്ധരാത്രിയിൽ, ജെല്ലിക്കെട്ട്, അജഗജാന്തരം, ഇന്നലെ വരെ എന്നീ ചിത്രങ്ങൾക്ക് ശേഷം പുറത്തു വരാൻ പോകുന്ന ആന്റണി വർഗീസ് ചിത്രങ്ങളിലൊന്നാണ് ഇത്. ആന്റണി വർഗീസിന്റെ സഹപാഠിയായ അഭിഷേക് കെ എസ് സംവിധാനം ചെയ്യുന്ന ഈ ചിത്രം ഡോ.പോൾസ് എന്‍റർടെയ്ൻമെന്‍റ്സിന്‍റെ ബാനറിൽ ഡോ. പോൾ വർഗീസാണ് നിർമ്മിച്ചിരിക്കുന്നത്. വെയിൽ എന്ന ചിത്രത്തിലൂടെ ശ്രദ്ധേയായ സോന ഓലിക്കൽ നായികാ വേഷം ചെയ്യുന്ന ഈ ചിത്രത്തിൽ ബാലചന്ദ്രൻ ചുള്ളിക്കാട്, നന്ദു, സെന്തിൽ, ബ്രിട്ടോ ഡേവിസ്, നന്ദന രാജൻ, ശിവകാമി, ശ്രീജ നായർ തുടങ്ങിയ പ്രശസ്ത താരങ്ങളും, ഒട്ടേറെ പുതുമുഖങ്ങളും അഭിനയിക്കുന്നുണ്ട്. നവാഗതനായ അനുരാജ് ഒ.ബി രചന നിർവഹിച്ച ഈ ചിത്രത്തിന് ക്യാമറ ചലിപ്പിച്ചത് ബബ്ലു അജു, സംഗീത സംവിധാനം നിർവഹിക്കുന്നത് അങ്കിത്ത് മേനോൻ, എഡിറ്റ് ചെയ്യുന്നത് കിരൺ ദാസ് എന്നിവരാണ്. ക്യാമ്പസിന്റെ പശ്ചാത്തലത്തിലുള്ള ഒരു റൊമാന്റിക് കഥയാണ് ഈ ചിത്രം പറയുകയെന്നാണ് സൂചന.

webdesk

Recent Posts

മാജിക് ഫ്രെയിംസിന്റെ “ബേബി ഗേൾ” ഷൂട്ടിംഗ് ആരംഭിച്ചു; സംവിധാനം അരുൺ വർമ്മ. തിരക്കഥ ബോബി സഞ്ജയ്

ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ്‌ കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…

2 days ago

ഇടിയുടെ ‘പഞ്ചാര പഞ്ച്’ ആലപ്പുഴ ജിംഖാന’യിലെ അടുത്ത ഗാനം പുറത്തിറങ്ങി

ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…

3 days ago

പെണ്ണേ നീ തീയാകുന്നു… മാസ്സ് ആയി “മരണമാസ്സ്‌” ട്രെയ്‌ലർ.

ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്‌ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…

3 days ago

ആസിഫ് അലി- താമർ – അജിത് വിനായക ചിത്രം സർക്കീട്ട് മെയ് 8ന് തീയേറ്ററുകളിൽ എത്തും.

ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്‌…

4 days ago

വിവാദങ്ങൾക്കിടയിലും എമ്പുരാന്റെ ബോക്സ് ഓഫീസ് താണ്ഡവം

ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…

4 days ago

ഗംഭീര പ്രേക്ഷക – നിരൂപക പ്രശംസകൾ നേടി ചിയാൻ വിക്രമിന്റെ വീര ധീര ശൂരൻ കേരളത്തിൽ കൂടുതൽ സ്‌ക്രീനുകളിലേക്ക്

എസ് യു അരുൺകുമാർ സംവിധാനം ചെയ്‌ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…

6 days ago

This website uses cookies.