ഇട്ടിമാണി മാസുമാണ് മനസ്സുമാണ് ; പുതിയ പോസ്റ്റർ ശ്രദ്ധ നേടുന്നു..!

മോഹൻലാൽ നായകനായി എത്തുന്ന പുതിയ ചിത്രമാണ് നവാഗതരായ ജിബി- ജോജു ടീം സംവിധാനം ചെയ്യുന്ന ഇട്ടിമാണി മേഡ് ഇൻ ചൈന. ഒരു പക്കാ ഫാമിലി എന്റെർറ്റൈനെർ ആയി ഒരുക്കുന്ന ഈ ചിത്രം രചിച്ചിരിക്കുന്നതും സംവിധായകർ തന്നെയാണ്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ഈ ചിത്രം മോഹൻലാലിന്റെ ഈ വർഷത്തെ രണ്ടാമത്തെ മലയാളം റിലീസ് ആയി ഓണത്തിന് എത്തിക്കാൻ ആണ് പ്ലാൻ. ചട്ടയും മുണ്ടും ധരിച്ചു മാർഗം കളി വേഷത്തിൽ നിൽക്കുന്ന മോഹൻലാലിനെ നമ്മുക്ക് കാണിച്ചു തന്ന ഇട്ടിമാണിയുടെ ഫസ്റ്റ് ലുക്ക് പോസ്റ്റർ സോഷ്യൽ മീഡിയയിൽ ട്രെൻഡിങ് ആയിരുന്നു. ഇപ്പോഴിതാ ഇട്ടിമാണിയുടെ രണ്ടാമത്തെ ഒഫീഷ്യൽ പോസ്റ്ററും സോഷ്യൽ മീഡിയ കീഴടക്കുകയാണ് .

വിന്റേജ് ലുക്കിൽ പ്രത്യക്ഷപ്പെടുന്ന മോഹൻലാലിന്റെ കിടിലൻ സ്റ്റിലുമായി എത്തിയ ഇട്ടിമാണിയുടെ രണ്ടാമത്തെ പോസ്റ്ററിലെ ക്യാപ്‌ഷനും ആരാധകർ ഏറ്റെടുത്തു കഴിഞ്ഞു. ഇട്ടിമാണി മാസുമാണ് മനസ്സുമാണ് എന്നാണ് ആ പോസ്റ്റർ ക്യാപ്ഷൻ പറയുന്നത്. ഷാജി കുമാർ ഛായാഗ്രഹണം നിർവഹിക്കുന്ന ഈ ചിത്രത്തിന് സംഗീതം ഒരുക്കുന്നത് ടീം ഫോർ മ്യൂസിക്സ് ആണ്. മോഹൻലാലിന് ഒപ്പം അജു വർഗീസ്, ഹാരിഷ് കണാരൻ, ധർമജൻ ബോൾഗാട്ടി, രാധിക ശരത് കുമാർ, ഹണി റോസ്, അശോകൻ, സിജോയ് വർഗീസ്, കൈലാഷ്, കെ പി എ സി ലളിത, വിനു   മോഹൻ, സ്വാസിക, വിവിയ, സിദ്ദിഖ്, സലിം കുമാർ, അരിസ്റ്റോ സുരേഷ്, ജോണി ആന്റണി തുടങ്ങി ഒരു വമ്പൻ താര നിര ആണ് ഈ ചിത്രത്തിൽ അണിനിരക്കുന്നത്. മോഹൻലാലിന്റെ ഈ വർഷത്തെ ആദ്യ ചിത്രമായി എത്തിയ ലൂസിഫർ മലയാള സിനിമയിലെ എക്കാലത്തെയും വലിയ വിജയം ആയി മാറിയിരുന്നു.