ആരാധകരെയും സിനിമാ പ്രേമികളെയും ത്രസിപ്പിച്ചു ഒടിയന്റെ പുതിയ പോസ്റ്റർ തരംഗമാകുന്നു..!

സാധാരണ ഒരു സിനിമയുടെ പുതിയ പോസ്റ്ററുകൾ ആദ്യം സോഷ്യൽ മീഡിയയിൽ വരുകയും അതിനു ശേഷം വമ്പൻ ഹോർഡിങ്ങുകളുടെ രൂപത്തിൽ നമ്മളത് പൊതു സ്ഥലങ്ങളിൽ കാണുകയുമാണ് പതിവ്. എന്നാൽ കമ്പ്ലീറ്റ് ആക്ടർ മോഹൻലാൽ നായകനാവുന്ന ഒടിയൻ എന്ന ചിത്രത്തിന്റെ പോസ്റ്ററുകൾ നേരെ തിരിച്ചാണ് തരംഗമാകുന്നത്. ഒടിയന്റെ പുതിയ കിടിലൻ ഹോർഡിങ്ങുകൾ പെട്ടെന്നൊരു ദിവസം കേരളത്തിൽ പലയിടങ്ങളിൽ പ്രത്യക്ഷപ്പെടുകയും ആ ഹോർഡിങ്ങുകളുടെ ഫോട്ടോ സോഷ്യൽ മീഡിയയിൽ ശ്രദ്ധ നേടുകയും ചെയ്യുമ്പോഴാണ് ആ പോസ്റ്ററുകൾ ഒഫീഷ്യൽ ആയി സോഷ്യൽ മീഡിയ വഴി അണിയറ പ്രവർത്തകർ പുറത്തു വിടുന്നത്. അതുകൊണ്ടു തന്നെ ഒടിയൻ പോസ്റ്ററുകൾ ഹോർഡിങ്ങുകളുടെ രൂപത്തിൽ ആദ്യം സാധാരണ ജനങ്ങളുടെ ഇടയിലും പിന്നീട് സോഷ്യൽ മീഡിയയിലും ഒരേ പോലെ തരംഗമാകുന്നു കാഴ്ചയാണ് നമ്മുക്ക് കാണാൻ കഴിയുന്നത്.

ഇന്ന് റിലീസ് ചെയ്ത ഒടിയന്റെ പുതിയ പോസ്റ്ററും അതുപോലെ ആരാധകർക്കും സിനിമാ പ്രേമികൾക്കും ഇടയിൽ തരംഗമായി മാറി കഴിഞ്ഞു. മോഹൻലാൽ, പ്രകാശ് രാജ്, മഞ്ജു വാര്യർ എന്നിവരുള്ള ഈ പുതിയ പോസ്റ്ററിന്റെ ഹൈലൈറ്റ് മോഹൻലാലിൻറെ ത്രസിപ്പിക്കുന്ന ലുക്ക് തന്നെയാണ്. തീപ്പൊരി ചിതറുന്ന നോട്ടവുമായി താടിയും മുടിയും വളർത്തിയ മധ്യവയസ്കനായ ഒടിയൻ മാണിക്യന്റെ ഗെറ്റപ്പിലാണ് മോഹൻലാൽ ഈ പോസ്റ്ററിൽ കാണപ്പെടുന്നത്. വി എ ശ്രീകുമാർ മേനോൻ സംവിധാനം ചെയ്ത ഈ ചിത്രത്തിന്റെ പോസ്റ്ററുകൾ എല്ലാം തന്നെ ഗംഭീരമാണെന്നു മാത്രമല്ല എല്ലാം പ്രേക്ഷകർ ഇരു കയ്യും നീട്ടി സ്വീകരിക്കുകയുമാണ്. ആശീർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിച്ച ഈ ചിത്രം ഡിസംബറിൽ റിലീസ് ചെയ്യും. ഈ ചിത്രത്തിന്റെ ട്രൈലെർ നേരത്തെ തന്നെ വമ്പൻ ജനശ്രദ്ധ നേടിയെടുത്തിരുന്നു.