കേരളാ മുഖ്യമന്ത്രി ആയി മമ്മൂട്ടി, ഒപ്പം ജോജുവും; വൈറൽ ആയി വണ്ണിലെ പുതിയ ലൊക്കേഷൻ സ്റ്റിൽ

മെഗാ സ്റ്റാർ മമ്മൂട്ടി ഇപ്പോൾ അഭിനയിച്ചു കൊണ്ടിരിക്കുന്ന ചിത്രമാണ് സന്തോഷ് വിശ്വനാഥ് സംവിധാനം ചെയ്യുന്ന വൺ. ഇപ്പോൾ ചിത്രീകരണത്തിന്റെ അവസാന ഘട്ടത്തിൽ ഉള്ള ഈ ചിത്രത്തിലെ പുതിയ ലൊക്കേഷൻ സ്റ്റിൽ ആണ് സോഷ്യൽ മീഡിയയിൽ വൈറൽ ആവുന്നത്. കേരളാ മുഖ്യമന്ത്രിയുടെ വേഷത്തിൽ ഉള്ള മമ്മൂട്ടിയോട് ഒപ്പം പ്രശസ്ത താരം ജോജു ജോർജിനെയും ഈ ചിത്രത്തിൽ കാണാം. മമ്മൂട്ടിയുടെ ഈ ചിത്രത്തിലെ കഥാപാത്രത്തിന്റെ പേര് കടക്കൽ ചന്ദ്രൻ എന്നാണ്. വെള്ള ഷർട്ടും മുണ്ടും ഉടുത്തു രാഷ്ട്രീയക്കാരന്റെ ഗെറ്റപ്പിൽ ഉള്ള മമ്മൂട്ടിയുടെ ചിത്രങ്ങൾ നേരത്തെയും സോഷ്യൽ മീഡിയയിൽ വരികയും അവക്കെല്ലാം ആവേശകരമായ സ്വീകരണം ആരാധകർ കൊടുക്കുകയും ചെയ്തിരുന്നു.

ഒരു മുഖ്യമന്ത്രി എങ്ങനെ ആവണം, എങ്ങനെ ആയിരിക്കണം എന്നതാണ് ഈ ചിത്രം നമ്മളോട് പറയാൻ പോകുന്നത് എന്നാണ് ലഭിക്കുന്ന വിവരങ്ങൾ പറയുന്നത്. പ്രശസ്ത രചയിതാക്കളായ ബോബി- സഞ്ജയ് ടീം മമ്മൂട്ടിക്ക് വേണ്ടി ആദ്യമായി രചിച്ച ചിത്രം കൂടി ആണിത്. മമ്മൂട്ടി, ജോജു എന്നിവർ കൂടാതെ മുരളി ഗോപി, രഞ്ജി പണിക്കർ, വിഷ്ണു ഉണ്ണികൃഷ്ണൻ, ശ്രീനിവാസൻ, മാത്യു തോമസ്, ബാലചന്ദ്ര മേനോൻ, സുദേവ് നായർ, സുരേഷ് കൃഷ്ണ, സലിം കുമാർ, സുധീർ കരമന, ശങ്കർ രാമകൃഷ്ണൻ, അലസിയർ, ശ്യാമ പ്രസാദ്, നന്ദു , മാമുക്കോയ, മേഘനാദൻ, വി കെ ബൈജു, മുകുന്ദൻ, ജയകൃഷ്ണൻ, ജയൻ ചേർത്തല, ബാലാജി ശർമ്മ, വെട്ടുക്കിളി പ്രകാശ്, രശ്മി ബോബൻ, ഗായത്രി അരുൺ, അർച്ചന മനോജ്, പ്രമീള ദേവി, സുബ്ബ ലക്ഷ്മി തുടങ്ങി ഒരു വലിയ താര നിര തന്നെ ഈ ചിത്രത്തിൽ അഭിനയിക്കുന്നുണ്ട്.