സോഷ്യൽ മീഡിയയെ നീരാളി പിടിയിലമർത്താൻ ഒരുങ്ങുകയാണ് മലയാളത്തിന്റെ താര ചക്രവർത്തിയായ മോഹൻലാൽ. മോഹൻലാലിൻറെ ഈ വർഷത്തെ ആദ്യ റിലീസ് ആയ നീരാളി എന്ന ചിത്രത്തിന്റെ ട്രൈലെർ റിലീസ് ചെയ്യുന്ന ഡേറ്റ് നിർമ്മാതാവ് സന്തോഷ് ടി കുരുവിള പുറത്തു വിട്ടു. തന്റെ ഫേസ്ബുക് അക്കൗണ്ടിൽ ഒരു മോഹൻലാൽ ആരാധകന്റെ ചോദ്യത്തിനുള്ള മറുപടി ആയാണ് അദ്ദേഹം നീരാളി ട്രൈലെർ റിലീസിംഗ് ഡേറ്റ് പറഞ്ഞത്. ഈ വരുന്ന മെയ് മാസം ഒന്നാം തീയതി ആയിരിക്കും ആരാധകരും സിനിമാ പ്രേമികളും ആകാംഷയോടെയും ആവേശത്തോടെയും കാത്തിരിക്കുന്ന നീരാളിയുടെ ട്രൈലെർ എത്തുന്നത്. എന്നാൽ അതിനു മുൻപ്, നാളെ ഈ ചിത്രത്തിന്റെ ആദ്യത്തെ മോഷൻ പോസ്റ്റർ റിലീസ് ചെയ്യുമെന്നും സന്തോഷ് ടി കുരുവിള പറഞ്ഞിട്ടുണ്ട്. ഇതോടു കൂടി ആരാധകർ ആവേശത്തിലായി കഴിഞ്ഞു.
ബോളിവുഡ് സംവിധായകനായ അജോയ് വർമ്മ ഒരുക്കിയ ഒരു ഡ്രാമ ത്രില്ലർ ആണ് നീരാളി. നവാഗതനായ സാജു തോമസ് തിരക്കഥ ഒരുക്കിയ ഈ ചിത്രത്തിലൂടെയാണ് സന്തോഷ് ടി കുരുവിളയുടെ പ്രൊഡക്ഷൻ ബാനർ ആയ മൂൺഷോട്ട് എന്റർടൈൻമെന്റ് മലയാളത്തിൽ അരങ്ങേറുന്നത്. ഇതിനു മുൻപേ മഹേഷിന്റെ പ്രതികാരം, മായാനദി എന്നീ ചിത്രങ്ങൾ ആഷിക് അബുവിനൊപ്പം ചേർന്ന് നിർമ്മിച്ചിട്ടുണ്ട് സന്തോഷ് കുരുവിള. ഒടിയൻ എന്ന ചിത്രത്തിനു വേണ്ടി നടത്തിയ മേക് ഓവേറിന് ശേഷം മോഹൻലാൽ ആദ്യമായി അഭിനയിച്ച ചിത്രം കൂടിയാണ് നീരാളി. മോഹൻലാലിൻറെ സാഹസിക ആക്ഷൻ രംഗങ്ങൾ ഈ ചിത്രത്തിന്റെ ഹൈലൈറ്റ് ആയിരിക്കും എന്നാണ് റിപ്പോർട്ടുകൾ പറയുന്നത്.
മോഹൻലാൽ, നദിയ മൊയ്തു, സുരാജ് വെഞ്ഞാറമൂട്, ദിലീഷ് പോത്തൻ , പാർവതി നായർ, നാസ്സർ എന്നിവർ അഭിനയിച്ച ഈ ചിത്രം ഏറിയ പങ്കും ഷൂട്ട് ചെയ്തത് മുംബൈയിൽ ആണ്. സന്തോഷ് തുണ്ടിയിൽ ഛായാഗ്രഹണം നിർവഹിച്ച ഈ ചിത്രത്തിന് സംഗീതം നൽകിയിരിക്കുന്നത് സ്റ്റീഫൻ ദേവസ്സി ആണ്. ബോളിവുഡ് ഫൈറ്റ് മാസ്റ്റർ ആയ സുനിൽ റോഡ്രിഗ്രസ് സംഘട്ടനം ഒരുക്കിയ ഈ ചിത്രത്തിന്റെ അണിയറ പ്രവർത്തകർ ഏറെയും ബോളിവുഡിൽ നിന്നുള്ളവരാണ്. സംവിധായകൻ അജോയ് വർമ്മ തന്നെയാണ് ചിത്രം എഡിറ്റ് ചെയ്തിരിക്കുന്നതും. ഇതിനിടയിൽ, വരുന്ന ഏപ്രിൽ 30 സോഷ്യൽ മീഡിയയിൽ നീരാളി ഡേ ആയി ആഘോഷിക്കാൻ മോഹൻലാൽ ആരാധകർ തീരുമാനിച്ചു കഴിഞ്ഞു. നീരാളിക്ക് വമ്പൻ പ്രമോഷൻ ആണ് ആരാധകരുടെ ഭാഗത്തു നിന്ന് ലഭിക്കാൻ പോകുന്നത് എന്നാണ് സൂചന.
പവി കെയർ ടേക്കറിലൂടെ മലയാളത്തിന്റെ സ്വന്തം ജനപ്രിയനായകൻ വമ്പൻ തിരിച്ചു വരവ് നടത്തിയിരിക്കുകയാണ്. മികച്ച അഭിപ്രായങ്ങളുമായി പവി കെയർ ടേക്കർ…
'അനുരാഗ കരിക്കിൻ വെള്ളം', 'ഉണ്ട', 'ലവ്', 'തല്ലുമാല' എന്നീ ഹിറ്റ് ചിത്രങ്ങൾക്ക് ശേഷം ഖാലിദ് റഹ്മാൻ സംവിധാനം ചെയ്യുന്ന ചിത്രത്തിന്റെ…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവരെ കേന്ദ്ര കഥാപാത്രങ്ങളാക്കി മജു തിരക്കഥ എഴുതി സംവിധാനം ചെയ്യുന്ന 'പെരുമാനി'…
ജനപ്രിയ നായകൻ ദിലീപ് നായകനായ പവി കെയർ ടേക്കർ അഞ്ചു ദിവസം പിന്നടുമ്പോൾ മികച്ച അഭിപ്രയത്തോടൊപ്പം ബോക്സ് ഓഫീസിലും മിന്നുന്ന…
സണ്ണി വെയ്ൻ, വിനയ് ഫോർട്ട്, ലുക്ക്മാൻ അവറാൻ എന്നിവർ കേന്ദ്ര കഥാപാത്രങ്ങളെ അവതരിപ്പിക്കുന്ന 'പെരുമാനി'യുടെ ട്രെയിലർ പുറത്തിറങ്ങി. കത്തിക്കാനും കലഹങ്ങളുണ്ടാക്കാനും…
https://youtu.be/BByOSYKXwY0 വിനീത് കുമാറിന്റെ സംവിധാനത്തിൽ ദിലീപ് കേന്ദ്ര കഥാപാത്രമാകുന്ന ചിത്രം “പവി കെയർ ടേക്കർ” ന്റെ മഹാ വിജയമാണ് ഇപ്പോൾ…
This website uses cookies.