[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

മരക്കാരിൽ നെടുമുടി വേണു അവസാനമായി മോഹൻലാലിനോട് പറഞ്ഞ ആ വാക്കുകൾ; വെളിപ്പെടുത്തി പ്രിയദർശൻ..!

അപ്രതീക്ഷിതമായി നമ്മളെ വിട്ടു പിരിഞ്ഞ മലയാളത്തിന്റെ മഹാനടനായ നെടുമുടി വേണുവിനെ കുറിച്ചുള്ള ഓർമ്മകൾ പങ്കു വെക്കുകയാണ് മലയാള സിനിമാ ലോകം. ഇപ്പോഴിതാ നെടുമുടി വേണു അവസാനമായി അഭിനയിച്ച ചിത്രങ്ങളിൽ ഒന്നായ മരക്കാർ അറബിക്കടലിന്റെ സിംഹം എന്ന ചിത്രത്തിൽ അദ്ദേഹം അവസാനമായി പറഞ്ഞ ഡയലോഗ് ഏതെന്നു വെളിപ്പെടുത്തുകയാണ് സംവിധായകൻ പ്രിയദർശൻ. നെടുമുടി വേണു എന്ന വ്യക്തി മോഹൻലാലിന്റെ ഒരു മനസാക്ഷി സൂക്ഷിപ്പുകാരനായിരുന്നു എന്നും അത്ര വലുതായിരുന്നു അവർ തമ്മിലുള്ള ബന്ധം എന്നും പ്രിയദർശൻ പറയുന്നു. അത്രയ്ക്ക് സ്നേഹമായിരുന്നു അവർ തമ്മിൽ എന്നും പറഞ്ഞ പ്രിയദർശൻ അവർ ഒരുമിച്ചഭിനയിച്ച മരക്കാരിൽ, നെടുമുടി വേണുവിന്റെ സാമൂതിരി എന്ന കഥാപാത്രം മോഹൻലാൽ അവതരിപ്പിക്കുന്ന മരക്കാർ എന്ന കഥാപാത്രത്തോട് പറഞ്ഞ ഡയലോഗ് കൂടി പുറത്തു പറഞ്ഞു.

നീ എന്നും ഉണ്ടാകുമോ എന്റെ കൂടെ, എന്നായിരുന്നു നെടുമുടി അവസാനമായി ആ ചിത്രത്തിൽ മോഹൻലാലിനോട് പറഞ്ഞ വാക്കുകൾ. അതിനു ശേഷം ആറാട്ട് എന്ന ചിത്രത്തിലും മോഹൻലാലിനൊപ്പം നെടുമുടി വേണു അഭിനയിച്ചു. ലാലുവിനൊപ്പം സമയം ചെലവഴിക്കാം എന്ന ഒറ്റ കാരണം കൊണ്ടാണ് നെടുമുടി വേണു ആ ചിത്രം ചെയ്തത് എന്ന് അതിന്റെ സംവിധായകൻ ബി ഉണ്ണികൃഷ്ണനും പറയുന്നു. നെടുമുടി വേണുവിനെ കുറിച്ച് സംവിധായകൻ പ്രിയദർശൻ കുറിച്ച വാക്കുകൾ ഇങ്ങനെ, നഷ്ടം എന്ന ഒറ്റവാക്കിൽ ഒതുക്കാനാവില്ല എൻ്റെ പ്രിയപ്പെട്ട വേണുച്ചേട്ടൻ്റെ വിയോഗം. നാടകത്തിൽ നിന്ന് വന്ന്, നാടകീയത ഒട്ടും ഇല്ലാതെ, കഥാപാത്രങ്ങളെ ജീവിതത്തിൽ നിന്ന് നേരിട്ട് തിരശ്ശീലയിലേക്കെത്തിച്ച മഹാത്ഭുതം എന്ന് മാത്രമേ വേണുച്ചേട്ടനെ വിശേഷിപ്പിക്കാനാവൂ. എൻ്റെ മനസ്സിൽ രൂപപ്പെട്ട ഒട്ടേറെ കഥാപാത്രങ്ങൾക്ക് അസൂയാവഹമായ ഭാവപ്പകർച്ച നൽകിയ വേണുച്ചേട്ടനുമായി, സിനിമയ്ക്ക് പുറത്തായിരുന്നു കൂടുതൽ അടുപ്പം. ജേഷ്ഠതുല്യനെന്നോ, ആത്മസുഹൃത്തെന്നോ ഒക്കെ വിളിക്കാവുന്ന ബന്ധം. ഒരു പുഞ്ചിരിയിൽ ഇത്ര മാത്രം സ്നേഹം നിറയ്ക്കാൻ കഴിയുന്ന വേറൊരാളില്ല എന്ന് പലതവണ തോന്നിയിട്ടുണ്ട്. വേദനയോടെ വേണുച്ചേട്ടന് വിട.

webdesk

Recent Posts

കാന്താര ചാപ്റ്റർ -1 റിലീസ് ഒക്ടോബർ 2ന്. വിതരണം പൃഥ്വിരാജ് പ്രൊഡക്ഷൻസ്.

ലോക സിനിയുടെ തന്നെ അഭിമാനമായി മാറിയ ചിത്രമാണ് കാന്താര. ചിത്രത്തിന്റെ രണ്ടാം പതിപ്പിനായി കാത്തിരുന്ന ആരാധകർക്കായി സിനിമയുടെ റിലീസിംഗ് ഡേറ്റ്…

16 hours ago

നിവിൻ പോളി ചിത്രം ” ബേബി ഗേൾ ” ഫസ്റ്റ് ലുക്ക് മോഷൻ പോസ്റ്റർ പുറത്തിറങ്ങി.

ഒരു ഗംഭീര ത്രില്ലർ ചിത്രത്തിന്റെ സൂചനകൾ നൽകികൊണ്ട് ബേബി ഗേൾ ചിത്രത്തിന്റെ ഫസ്റ്റ് ലുക്ക് മോഷൻ പോസ്റ്റർ പുറത്തിറങ്ങി. മാജിക്‌…

17 hours ago

“വരവ് “അറിയിച്ച് ഷാജി കൈലാസും ജോജു ജോർജും.

ഷാജി കൈലാസ് ചിത്രത്തിൽ ജോജു ജോർജ് നായകനാകുന്നു. "വരവ്" എന്ന് പേരിട്ടിരിക്കുന്ന കംപ്ലീറ്റ് ആക്ഷൻ മാസ് ചിത്രത്തിന്റെ ടൈറ്റിൽ പോസ്റ്റർ…

3 weeks ago

പുതു വർഷത്തിൽ പുത്തൻ ചുവട് വെയ്പ്പുമായി ലിസ്റ്റിൻ സ്റ്റീഫന്റെ സൗത്ത് സ്റ്റുഡിയോസ്

പ്രൊഡ്യൂസേഴ്സ് അസോസിയേഷന്റെ സെക്രട്ടറിയായി സ്ഥാനമേറ്റതിന് ശേഷം അദ്ദേഹം ദൃശ്യമാധ്യമ രംഗത്ത് പുതിയ ചുവടു വെപ്പ് കൂടി നടത്തിയിരിക്കുകയാണ്. ലിസ്റ്റിൻ സ്റ്റീഫന്റെ…

3 weeks ago

എപിക് സ്‌ക്രീനുകളിൽ റിലീസ് ചെയ്യാൻ “ലോക”

ദുൽഖർ സൽമാൻ്റെ വേഫെറർ ഫിലിംസ് നിർമ്മിക്കുന്ന ഏഴാം ചിത്രമായ " ലോക - ചാപ്റ്റർ വൺ:ചന്ദ്ര" ഓണം റിലീസായി തെന്നിന്ത്യയിലെ…

1 month ago

പ്രഭാസ്- പ്രശാന്ത് വർമ്മ ചിത്രത്തിൽ നായികയായി ഭാഗ്യശ്രീ ബോർസെ?

പ്രഭാസിനെ നായകനാക്കി പ്രശാന്ത് വർമ്മ ഒരുക്കാൻ പോകുന്ന ബ്രഹ്മാണ്ഡ ചിത്രത്തിലെ നായികാ വേഷത്തിലേക്ക് ഭാഗ്യശ്രീ ബോർസെയെ പരിഗണിക്കുന്നു എന്ന് വാർത്തകൾ.…

1 month ago

This website uses cookies.