[social] [social_icon link="http://facebook.com/themesphere" title="Facebook" type="facebook" /] [social_icon link="http://twitter.com/Theme_Sphere" title="Twitter" type="twitter" /] [social_icon link="#" title="Google+" type="google-plus" /] [social_icon link="#" title="LinkedIn" type="linkedin" /] [social_icon link="#" title="VK" type="vk" /] [/social]
Latest News

ലാലുവിനൊപ്പം സമയം ചെലവഴിക്കാലോ, ഞാന്‍ എന്തായാലും വരും; ആറാട്ടിലേക്കു ക്ഷണിച്ചപ്പോൾ വേണു ചേട്ടൻ പറഞ്ഞ വാക്കുകൾ..!

മഹാനടൻ നെടുമുടി വേണു കഴിഞ്ഞ ദിവസം നമ്മളോട് വിട പറഞ്ഞു. ഇപ്പോൾ വേണു ചേട്ടൻ എന്ന നടൻ നടൻ, സുഹൃത്ത്, സഹപ്രവർത്തകൻ എന്നതിനെ കുറിച്ച് ഓർക്കുകയാണ് മലയാളത്തിലെ സിനിമാ പ്രവർത്തകർ. മലയാളത്തിൽ നെടുമുടി വേണു ഏറ്റവും അടുത്ത സൗഹൃദം പുലർത്തിയ വ്യക്തി ആയിരുന്നു മോഹൻലാൽ. അത്കൊണ്ട് കൂടിയാണ് ആറാട്ട് എന്ന തന്റെ ചിത്രത്തിലേക്ക് ക്ഷണിച്ചപ്പോൾ നെടുമുടി വേണു ഓടി വന്നത് എന്ന് വെളിപ്പെടുത്തുകയാണ് സംവിധായകൻ ബി ഉണ്ണികൃഷ്ണൻ. ഇനിയും റിലീസ് ചെയ്തിട്ടില്ലാത്ത ആറാട്ട്, നെടുമുടി വേണു അഭിനയിച്ച അവസാനത്തെ ഏതാനും ചിത്രങ്ങളിൽ ഒന്ന് കൂടിയാണ്. താൻ സംവിധാനം ചെയ്ത ചിത്രങ്ങളിൽ ആദ്യമായിട്ടും അവസാനമായിട്ടും വേണു ചേട്ടൻ അഭിനയിച്ച ചിത്രമാണ് ആറാട്ട് എന്നും ആ ചിത്രത്തിലേതു വളരെ വലിയ ദൈർഘ്യമുള്ള റോൾ അല്ലെങ്കിലും അതിലേക്കു അദ്ദേഹത്തെ ക്ഷണിച്ചപ്പോൾ വേണു ചേട്ടൻ പറഞ്ഞ വാക്കുകൾ ബി ഉണ്ണികൃഷ്ണൻ ഓർക്കുന്നു. ഉണ്ണീടെ പടമല്ലേ. ഇവിടെ കോവിഡ് ആയിട്ട് ഞാൻ വീടിനകത്ത് തന്നെ ഇരിക്കുകയാണ്. പിന്നെ, ലാലുവിനെ കണ്ടിട്ടും കുറെ നാളായി. ലാലിന്റെ ഒപ്പം സമയം ചെലവഴിക്കുക എന്നത് ഇഷ്ടമുള്ള കാര്യവുമാണ്. ഞാൻ എന്തായാലും വരും. എന്നാണ് അദ്ദേഹം ബി ഉണ്ണികൃഷ്ണനോട് പറഞ്ഞത്.

വരിക്കാശ്ശേരി മനയിൽ ആയിരുന്നു വേണു ചേട്ടന്റെ രംഗങ്ങൾ ഷൂട്ട് ചെയ്തത് എന്നും അവിടെ വെച്ച് താനും മോഹൻലാലും ഒരുമിച്ചു അഭിനയിച്ച ഒട്ടേറെ ചിത്രങ്ങളുടെ ഓർമ്മകൾ അദ്ദേഹം പങ്കു വെച്ചു എന്നും ബി ഉണ്ണികൃഷ്ണൻ വെളിപ്പെടുത്തുന്നു. മലയാള സിനിമ കണ്ട ഏറ്റവും നല്ല രണ്ടു നടൻമാർ, അവരുടെ ഭൂതകാലത്തിലേക്ക് സഞ്ചരിക്കുമ്പോൾ ഒപ്പം ഉണ്ടാകുവാൻ കഴിഞ്ഞത് തന്നെ തന്റെ വലിയ ഭാഗ്യം ആണെന്നും അവർക്കൊപ്പം കലാമണ്ഡലം ഗോപിയാശാനും കൂടി അന്ന് ചേർന്നതോടെ ആ നിമിഷങ്ങൾ ഒരിക്കലും മറക്കാൻ പറ്റാത്ത ഒന്നായി മാറി എന്നും ബി ഉണ്ണികൃഷ്ണൻ പറയുന്നു. ബി ഉണ്ണികൃഷ്ണൻ രചിച്ച കവർ സ്റ്റോറി എന്ന ചിത്രത്തിൽ നെടുമുടി വേണു അഭിനയിച്ചിട്ടുണ്ട്. അദ്ദേഹവുമായി വലിയ സൗഹൃദമായിരുന്നു എന്നും ആറാട്ടിന്റെ ഡബ്ബിങ്ങിന് വന്നപ്പോൾ ആണ് അവസാനം കണ്ടു സംസാരിച്ചത് എന്നും ബി ഉണ്ണികൃഷ്ണൻ പറഞ്ഞു.

webdesk

Recent Posts

മാജിക് ഫ്രെയിംസിന്റെ “ബേബി ഗേൾ” ഷൂട്ടിംഗ് ആരംഭിച്ചു; സംവിധാനം അരുൺ വർമ്മ. തിരക്കഥ ബോബി സഞ്ജയ്

ലിസ്റ്റിൻ സ്റ്റീഫൻ-അരുൺ വർമ - ബോബി സഞ്ജയ്‌ കോമ്പോ ഒരുക്കുന്ന ചിത്രം "ബേബി ഗേൾ " ന്റെ ഷൂട്ടിംഗ് തിരുവനന്തപുരത്ത്…

15 hours ago

ഇടിയുടെ ‘പഞ്ചാര പഞ്ച്’ ആലപ്പുഴ ജിംഖാന’യിലെ അടുത്ത ഗാനം പുറത്തിറങ്ങി

ബ്ലോക്ബസ്റ്റർ ചിത്രം തല്ലുമാലയ്ക്ക് ശേഷം നസ്ലിൻ, ഗണപതി, ലുക്ക്മാൻ, സന്ദീപ് പ്രദീപ എന്നിവരെ പ്രധാന കഥാപാത്രങ്ങളാക്കി ഖാലിദ് റഹ്മാൻ സംവിധാനം…

1 day ago

പെണ്ണേ നീ തീയാകുന്നു… മാസ്സ് ആയി “മരണമാസ്സ്‌” ട്രെയ്‌ലർ.

ബേസിൽ ജോസഫ് പ്രധാന വേഷത്തിലെത്തുന്ന 'മരണമാസ്സ്' സിനിമയുടെ ട്രെയ്‌ലർ പുറത്തിറങ്ങി. വിഷു റിലീസായി എത്തുന്ന "മരണ മാസ്സ്" ബേസിൽ ജോസഫിന്റെ…

2 days ago

ആസിഫ് അലി- താമർ – അജിത് വിനായക ചിത്രം സർക്കീട്ട് മെയ് 8ന് തീയേറ്ററുകളിൽ എത്തും.

ആസിഫ് അലിയെ നായകനാക്കി താമർ സംവിധാനം ചെയ്ത് അജിത് വിനായക നിർമ്മിക്കുന്ന ചിത്രം" സർക്കീട്ടിന്റെ "റിലീസ് ഡേറ്റ് പ്രഖ്യാപിച്ചു. മെയ്‌…

2 days ago

വിവാദങ്ങൾക്കിടയിലും എമ്പുരാന്റെ ബോക്സ് ഓഫീസ് താണ്ഡവം

ചിത്രത്തിലെ ചില രംഗങ്ങൾ സംബന്ധിച്ച രാഷ്ട്രീയ വിവാദങ്ങളും റീ സെൻസറിംഗും വ്യാജ പ്രിന്റ് പ്രചാരണവും എല്ലാം ഒരു വശത്തു നടക്കുമ്പോഴും…

3 days ago

ഗംഭീര പ്രേക്ഷക – നിരൂപക പ്രശംസകൾ നേടി ചിയാൻ വിക്രമിന്റെ വീര ധീര ശൂരൻ കേരളത്തിൽ കൂടുതൽ സ്‌ക്രീനുകളിലേക്ക്

എസ് യു അരുൺകുമാർ സംവിധാനം ചെയ്‌ത ചിയാൻ ചിത്രം വീര ധീര ശൂരൻ കേരളത്തിൽ പ്രേക്ഷകരുടെയും നിരൂപകരുടെയും മുക്തകണ്ഠമായ പ്രശംസ…

5 days ago

This website uses cookies.